,

OPIÐ HÚS Í SKELJANESI 26. SEPTEMBER

Opið hús verður í félagsaðstöðu ÍRA í Skeljanesi, fimmtudaginn 26. september. Nýjustu tímaritin liggja frammi. Ennfremur góður félagsskapur, kaffi og meðlæti.

Nýja vetrardagskráin, sem formlega er til kynningar í 4. tbl. CQ TF sem kemur út á sunnudag, 29. september mun liggja frammi í félagsaðstöðunni á fimmtudagskvöld.

Stjórn ÍRA.

Mynd af tilkynningatöflu í fjarskiptaherbergi TF3IRA og nýrri vetrardagskrá félagsins sem hefst 10. október n.k. Ljósmynd: TF3JB.
/by
,

Gjöf móttekin í fjarskiptaherbergi TF3IRA

Félagið tók á móti gjöf til félagsstöðvarinnar TF3IRA í dag, 23. september.

Það er YAESU SMB-201, sem er sérhönnuð borðfesting með innbyggðri viftu fyrir YAESU FT-7900E VHF/UHF stöð félagsins.

SMB-201 þarf ekki að skrúfa niður í borðplötuna því hún er búin sérstökum gúmmífótum, sem gerir stöð og festingu mjög stöðuga. Þá er kæliviftan í borðfestingunni mun stærri heldur en innbyggða viftan í stöðinni, þannig að vart heyrist í henni þegar hún fer í gang samanborið við þá minni.

Stjórn ÍRA þakkar góðan stuðning, en gefandi óskar að láta kallmerkis ekki getið.

Myndin sýnir YAESU FT-7900E stöðina og SMB-201 borðfestinguna eftir að búið var að ganga frá samsetningu. Umrædd kælivifta og gúmmífætur sjást vel á myndinni. Þess má geta, að SMB-201 fylgir sérstakur aflgjafi. Ari Þórólfur Jóhannesson TF1A, VHF stjóri ÍRA, forritaði nýlega (í minnisrásir 7900 stöðvarinnar) alla endurvarpa sem nást frá Skeljanesi. Ljósmynd: TF3JB.
Til hægri má sjá APRS búnað TF3IRA-1Ø, sem er ICOM IC-208H VHF/UHF stöð ásamt GW-1000 APRS Total Solution frá CG-Antenna.

/by
,

Góður áhugi á námskeiði til amatörprófs

Skráning á námskeið ÍRA til amatörprófs er í fullum gangi.

Námskeiðið verður haldið og hefst um miðjan október n.k. og lýkur fyrir jól. Eins og áður hefur komið fram, verður kennt á kvöldin tvo daga í viku í húsnæði Háskólans í Reykjavík.

Áhugasamir eru beðnir um að skrá nafn sitt og tölvupóstfang á “ira hjá ira.is”. Skráningu fylgir engin skuldbinding. Fyrirspurnum má beina á sama tölvupóstfang.

Skráning er opin til 11. október n.k.

Stjórn ÍRA.

Háskólinn í Reykjavík er staðsettur við Menntaveg í Öskjuhlíðinni skammt frá Reykjavíkurflugvelli. LJósmynd: HR.
/by
,

TF3RPI í Bláfjöllum uppfærður úr G2 í G3

Stafrænn endurvarpi Ólafs B. Ólafssonar TF3ML, TF3RPI var uppfærður í Bláfjöllum í dag (19. september) úr G2 í G3, þ.e. úr 32 bita kerfi í 64 bita kerfi. Endurvarpinn hefur gátt yfir netið út í heim og hefur uppfærslan í för með sér aukna möguleika og vinnslugetu. TF3RPI styður þar með nýjustu D-STAR uppfærslurnar frá ICOM.

Ari Þórólfur Jóhannesson, TF1A, VHF stjóri ÍRA, annaðist verkefnið með aðstoð Terry M. Stader, KA8SCP.

Bestu þakkir til þeirra Ólafs, Ara og Terry‘s.

TF3RPI er staðsettur í þessu húsi í Bláfjöllum. Ljósmynd: Ari Þórólfur Jóhannesson TF1A.
Mynd af tækjaskápnum fyrir TF3RPI í stöðvarhúsinu í Bláfjöllum. Ljósmynd: Ari Þórólfur Jóhannesson TF1A.
/by
,

SAC CW keppnin er um helgina 21.-22. sept.

Morshluti Scandinavian Activity keppninnar (SAC) verður haldinn um helgina, 21. – 22. september.

Þetta er 24 klst. keppni sem hefst á laugardag á hádegi og lýkur á sunnudag á hádegi.

Norðurlöndin keppa á móti heiminum og innbyrðis. Sjá reglur í viðhengi. Mikilvægt er að sem flestar TF-stöðvar taki þátt!

Stjórn ÍRA.

http://www.sactest.net/blog/

/by
,

OPIÐ HÚS Í SKELJANESI 19. SEPTEMBER

Opið hús verður í félagsaðstöðu ÍRA í Skeljanesi, fimmtudaginn 19. september.

Nýjustu tímaritin, góður félagsskapur, kaffi og meðlæti.

Stjórn ÍRA.

Úr félagsstarfinu. Hressir menn í Skeljanesi. Frá vinstri: Íslandsvinirnir Salvatore Sasso IC8SQS og Claudio Corcione TF2CL (IC8BNR) ásamt Jónasi Bjarnasyni TF3JB, Ara Þór Jóhannessyni TF1A og Yngva Harðarsyni TF3Y. Myndin var tekin í fjarskiptaherbergi TF3IRA 26. apríl 2012. Ljósmynd: TF3JON.
/by
,

Námskeið ÍRA til amatörprófs

Í samræmi við starfsáætlun stjórnar og að höfðu samráði við Prófnefnd og Umsjónarmann námskeiða, hefur verið ákveðið að kanna áhuga á þátttöku í námskeiði til amatörprófs.

Fyrirhugað er að námskeiðið hefjist 14. október n.k. og ljúki með prófi Póst- og fjarskiptastofnunar í desember. Kennt verður á kvöldin tvo daga í viku í húsnæði Háskólans í Reykjavík. Námskeiðið er öllum opið og ekki eru gerðar kröfur um sérstaka menntun eða undirbúning.

Áhugasamir eru beðnir um að skrá nafn sitt og tölvupóstfang á “ira hjá ira.is”. Skráningu fylgir engin skuldbinding, en veitir félaginu upplýsingar um fyrirhugaðan fjölda þátttakenda.

Fyrirspurnum má beina á sama tölvupóstfang.

Skráning er opin til 11. október n.k. Félagið setur þann fyrirvara um námskeiðshald, að lágmarksþátttaka fáist.

Stjórn ÍRA.

/by
,

OPIÐ HÚS Í SKELJANESI 12. SEPTEMBER

Opið hús verður í félagsaðstöðu ÍRA í Skeljanesi, fimmtudaginn 12. september.

Nýjustu tímaritin, góður félagsskapur, kaffi og meðlæti.

Stjórn ÍRA.

Úr félagsstarfinu. Hressir félagar á góðri stund í Skeljanesi. Frá vinstri: Haraldur Þórðarson TF8HP, Jón Gunnar Harðarson TF3PPN og Guðmundur Ingi Hjálmtýsson TF3IG. Myndin var tekin 26.4.2012. Ljósmynd: Jónas Bjarnason TF3JB.
/by
,

SVEINBJÖRN JÓNSSON TF8V ER LÁTINN

Sveinbjörn Jónsson, TF8V, hefur haft sitt síðasta QSO; merki hans er hljóðnað.

Bragi Reynisson, TF3BR, hefur sett upplýsingar inn á Facebook þess efnis, að Sveinbjörn hafi látist á Heilbrigðisstofnun Suðurnesja eftir stutt veikindi 6. september. Hann var á 55. aldursári, leyfishafi nr. 206.

Um leið og við minnumst Sveinbjörns með þökkum og virðingu færum við fjölskyldu hans innilegustu samúðarkveðjur.

Fyrir hönd stjórnar,

Jónas Bjarnason, TF3JB
formaður

/by
,

ÁKVÖRÐUN PFS NR. 17/2019 VAR KYNNT

Efnt var til kynningar- og umræðufundar í Skeljanesi 5. september í tilefni bráðabirgðaákvörðunar Póst- og fjarskiptastofnunar nr. 17/2019.

Sæmundur E. Þorsteinsson, TF3UA, formaður EMC nefndar félagsins hafði framsögu og fór yfir ákvörðunina, sem varðar kvörtun vegna truflana frá radíóamatör á sjónvarpsmóttöku og gæðum nettengingar hjá nágranna hans.

Við mælingar tæknideildar PFS á vettvangi var truflunin staðfest. Ekki kemur fram að búnaði leyfishafa sé áfátt, en ýmislegt fannst sem betur mátti fara hjá nágrannanum, sem m.a. varðar VDSL fastlínusamband (tengingar í götuskáp), aðrar tengingar og tækjabúnað hans.

Málið er ekki einfalt, því sem dæmi kemur m.a. fram, að radíóamatörinn var beðin um að vera ekki í loftinu í eina viku (sem hann samþykkti), en á þeim tíma komu áfram fram truflanir hjá nágrannanum.

Stjórn ÍRA mun ráðfæra sig við EMC nefnd félagsins og stefnt er að því að birta umfjöllun um málið í heild í næsta hefti CQ TF sem kemur út 29. september n.k.

Alls mættu 30 félagsmenn og 1 gestur í Skeljanes þetta fróðlega fimmtudagskvöld.

Skeljanesi 5. september. Sæmundur E. Þorsteinsson TF3UA formaður EMC nefndar ÍRA fór yfir og ræddi bráðabirgðaákvörðun PFS nr. 17/2019. Frá vinstri: Þórður Adolfsson TF3DT, Ágúst H. Bjarnason TF3OM, Einar Kjartansson TF3EK, Snorri Ingimarsson TF3IK og Georg Kulp TF3GZ.
Sæmundur svaraði fjölmörgum spurningum félagsmanna um málið. Frá vinstri: Ágúst H. Bjarnason TF3OM, Einar Kjartansson TF3EK, Snorri Ingimarsson TF3IK, Sæmundur E. Þorsteinsson TF3UA, Ari Þórólfur Jóhannesson TF1A, Wilhelm Sigurðsson TF3AWS, Sigurður Óskar Óskarsson TF2WIN og Georg Kulp TF3GZ.
Góð mæting var á fundinn og voru félagsmenn dreifðir um fundarsalinn eins og sjá má á myndinni. Frá vinstri: Sæmundur E. Þorsteinsson TF3UA, Snorri Ingimarsson TF3IK, Georg Kulp TF3GZ, Gunnar Helgason TF3-017, Wilhelm Sigurðsson TF3AWS, Ari Þórólfur Jóhannesson TF1A, Ársæll Óskarsson TF3AO, Georg Magnússon TF2LL, Kristján Benediktsson TF3KB, Baldvin Þórarinsson TF3-033 og Mathías Hagvaag TF3MH.
Frá vinstri: Georg Magnússon TF2LL, Ársæll Óskarsson TF3AO, Jón Björnsson TF3PW, Jón G. Guðmundsson TF3LM, Sigurbjörn Þór Bjarnason TF3SB og Yngvi Harðarson TF3Y.
Góður gestur heimsótti félagið 5. september. Það var Nina Riehtmüller DL2GRC. Henni á hægri hönd er Ari Þórólfur Jóhannesson TF1A og á vinstri hönd, Vilhjálmur Í. Sigurjónsson TF3VS. Hún er í heimsókn hér á landi ásamt OM Holger Riehtmüller DL8SCU og syni þeirra. Hún sagði fjölskyldan væri mjög hrifin af íslenskri náttúru auk þess sem þau hafi verið heppin með að sjá mikla norðurljósavirkni. Nina hafði m.a. sambönd um nýjan búnað TF3IRA til fjarskipta um Es’Hail-2/P4A / Oscar 100 gervitunglið er varð þar með fyrsti YL radíóamatörinn sem hefur samband um tunglið frá TF. Ljósmyndir: Jónas Bjarnason TF3JB.
/by
,

ÁKVÖRÐUN PFS TIL UMRÆÐU 5. SEPTEMBER

Skýrt var frá bráðabirgðaákvörðun PFS nr. 17/2019 er varðar fjarskiptatruflanir af völdum talstöðvarnotkunar á heimasíðu ÍRA þann 23. ágúst s.l.

Stjórn ÍRA hefur ákveðið, að höfðu samráði við EMC nefnd félagsins, að málið verið til umræðu í Skeljanesi, fimmtudaginn 5. september n.k., kl. 20:30.

Sæmundur E. Þorsteinsson, TF3UA, formaður EMC nefndar, mun hafa framsögu.

Kaffiveitingar.

Stjórn ÍRA.

/by
,

NÝTT CQ TF KEMUR ÚT 29. SEPTEMBER

Nú styttist í septemberhefti CQ TF.

Allt efni um áhugamálið er vel þegið í blaðið – frásagnir, ljósmyndir, eða jafnvel aðeins punktar og ábendingar um efni sem vinna má úr.

Skilafrestur efnis er til 14. september n.k. Netfang ritstjóra: tf3sb@ox.is

73 – TF3SB, ritstjóri CQ TF.

–

/by