,

FRÁ OPNUN Í SKELJANESI 2. JÚNÍ

Opið hús var í félagsaðstöðu ÍRA í Skeljanesi fimmtudaginn 2. júní.

Skemmtilegt kvöld og góðar umræður á báðum hæðum. Vel fór út af nýinnkomnu radíódóti, m.a. allir rafhlöðustaukarnir utan einn, sem var skrúfaður í sundur og voru menn að fá sér ýmist 1 eða 2 geyma sem hver er 12VDC og 9 amperstundir.

Mikið var rætt um skilyrðin á HF og á 4 og 6 metrum, loftnet og uppsetningu í fjölbýlishúsum, ferðalög með tæki og búnað, m.a. á fjallatoppa (SOTA verkefnið) og Ham Radio sýninguna í Friedrichshafen sem nú nálgast.

Vel heppnað fimmtudagskvöld í sumarveðri í vesturbænum í Reykjavík. Alls 26 félagar og 3 gestir í húsi.

Stjórn ÍRA.

Magthías Hagvaag TF3MH, Jón E. Guðmundsson TF8KW, Björgvin Víglundsson TF3BOI, tengdasonur Björgvins sem ætlar í næsta próf til amatörleyfis og Hansi Reiser DL9RDZ. Hansi er fluttur til landsins og var að heimsækja okkur í annað sinn á þessu ári og ætlar að sækja um íslensk kallmerki.
Vilhjálmur Í. Sigurjónsson TF3VS, Ársæll Óskarsson TF3AO, Þór Þorisson TF1GW, Jón E. Guðmundsson TF8KW, Georg Magnússon TF2LL, Wilhelm Sigurðsson TF3AWS og Jón Björnsson TF3PW.
Radíódót skoðað. Sveinn Goði Sveinsson TF3ID, Jón Björnsson TF3PW, Benedikt Sveinsson TF3T, Hrafnkell Sigurðsson TF8KY, Jón G. Guðmundsson TF3LG, Hans Konrad Kristjánsson TF3FG (sitjandi) og Mathías Hagvaag TF3MH.

Guðmundur Veturliði Einarsson TF3VL og Valtýr Einarsson TF3VG. Guðmundur er nýr leyfishafi sem lauk prófi Fjarskiptastofu til amatörleyfis 21. maí s.l.
Kristján Benediktsson TF3KB og Þór Þórisson TF1GW.
Radíódót sem var í boði á 2. hæð fimmtudaginn 2. júní. Ljósmyndir: TF3JB.
/by
,

VÍSBENDING UM VIRKNI

Teknar voru saman upplýsingar um TF kallmerki sem fengu skráningu á þyrpingu (e. cluster) vikuna 26. maí til 1. júní 2022.

Alls fengu 17 íslensk kallmerki skráningu að þessu sinni á FT4, FT8, tali (SSB) og morsi (CW) á 6, 10, 12, 15, 17, 20, 80 og 160 metrum.

Upplýsingarnar eru fengnar á http://www.dxsummit.fi/#/  Sambærilegar síður eru í boði á netinu til samanburðar. Fyrst er skráð kallmerki, þá tegund-/ir útgeislunar og band/bönd:

TF1EIN                  FT8 á 6 metrum.
TF1EM                  FT8 á 17 metrum.
TF1OL/P               FT4 á 15 og 20 metrum.
TF2MSN               FT4, FT8 og SSB á 15, 17 og 20 metrum.
TF3DX/P               CW á 20 metrum.
TF3HR                   FT8 á 20 metrum.
TF3IG                    FT4 á 20 metrum.
TF3JB                     CW og á 10, 17 og 20 metrum.
TF3LB                    CW á 6 metrum.
TF3MH                  FT8 á 10 metrum.
TF3TNT/M           SSB á 160 metrum.
TF3VE                    FT4 á 12, 17 og 20 metrum.
TF3VG                   FT8 á 17 metrum.
TF3VS                    FT8 á 12 metrum.
TF3XO                   SSB á 20 metrum.
TF5B                      FT8 á 17 og 20 metrum.
TF8KY                    SSB á 20 og 80 metrum.

Til skoðunar er að taka reglulega saman upplýsingar af þessu tagi.

Stjórn ÍRA.

Ólafur Örn Ólafsson TF1OL/P var virkur vikuna 26. maí til 1. júní. Myndin er af glæsilegri fjarskiptabifreið Óla sem hann hefur notað í DX að undanförnu. Ljósmynd: TF1OL.
/by
,

FLÓAMARKAÐUR ÍRA VERÐUR 12. JÚNÍ

Flóamarkaður ÍRA verður haldinn sunnudaginn 12. júní n.k. kl. 13-15 í Skeljanesi. Nýjung er, að viðburðinum verður streymt yfir netið þannig að félagar sem búa úti á landi eða eiga ekki heimangengt, geta tekið þátt með því að nota ZOOM forritið.

Vilhjálmur Í. Sigurjónsson, TF3VS mun hafa með höndum stjórn á uppboðinu sem hefst stundvíslega kl. 14:00.

Félagsmenn geta komið með tæki eða búnað sem þeir vilja selja, gefa eða skipta á í Skeljanes. Félagið mun ennfremur bjóða hluti í þess eigu, gefins eða til sölu við hagstæðu verði. Félagsmenn geta skráð fyrirfram verðmeiri hluti á uppboðið, sem síðan verða til birtingar á þessum vettvangi.

Fljótlega verða birtar nánari upplýsingar/leiðbeiningar um framkvæmd hér á heimasíðunni, þ.á.m. um notkun ZOOM forritsins.

Stjórn ÍRA.

Vilhjálmur Í. Sigurjónsson TF3VS hefur verið uppboðshaldari á flóamörkuðum ÍRA frá árinu 2010. Ljósmynd: Jón Svavarsson TF3JON.
/by
,

OPIÐ HÚS Í SKELJANESI 2. JÚNÍ

Félagsaðstaða ÍRA í Skeljanesi verður opin fyrir félagsmenn og gesti fimmtudaginn 2. júní kl. 20-22.

Þátttakendur á námskeiði félagsins sem lauk nýverði með prófi Fjarskiptastofu eru sérstaklega boðnir velkomnir.

Góður félagsskapur og nýjustu amatörtímaritin. Fundarsalur, fjarskiptaherbergi og QSL stofa á 2. hæð verða opin. Búið verður að fara í pósthólfið og flokka kortasendingar fyrir opnun. Veglegar kaffiveitingar.

Töluvert hefur borist af radíódóti síðan opið var síðast.

Verið velkomin í Skeljanes!

Stjórn ÍRA.

Mynd úr fundarsal á 2. hæð.
Radíódót í ganginum niðri í Skeljanesi. Lengst til vinstri eru rafhlöðustaukar sem hver inniheldur 10 stk. 12VDC 9A sýrulausar rafhlöður. Búnaðurinn er nánast ónotaður og í fullkomnu lagi. Rafhlöðurnar eru framleiddar af Schneider Electric í Bandaríkjunum. Þær eru af Galaxy gerð, VM Battery Unit, Model OG-GVMBTU.
Hér er rafhlöðustaukurinn sýndur opinn, en aðeins eru tvær skrúfur sem þarf að losa til að renna hlífinni út. Hver rafhlaða er 12VDC 9A. Ljósmyndir: TF3JB.
/by
,

VEGGJAKROT Í SKELJANESI

Nýtt veggjakrot er komið á langa bárujárnsvegginn við húsið í Skeljanesi.

Um tveir mánuðir eru liðnir frá því málað var yfir “listaverk” af þessu tagi síðast.

Málað verður yfir ófögnuðinn við fyrsta tækifæri.

Stjórn ÍRA.

/by
,

RADÍÓDÓT HEFUR BORIST TIL FÉLAGSINS

Töluvert af radíódóti hefur borist til ÍRA undanfarið. Um er að ræða hluti frá þeim Sigurði Harðarsyni TF3WS, Hans Konrad Kristjánssyni TF3FG og Ara Þórólfi Jóhannessyni TF1A, samanber meðfylgjandi ljósmyndir.

Félagsmenn geta nálgast dótið frá og með næsta opnunarkvöldi félagsaðstöðunnar í Skeljanesi, fimmtudaginn 2. júní n.k.

Bestu þakkir til viðkomandi.

Stjórn ÍRA.

Sigurður Harðarson TF3WS færði félaginu margskonar radíódót 23. maí. Meðal annars aflgjafa frá Landsíma Íslands, Motorola Micom 100 SSB HF bílstöðvar (125W á 1.6-30 MHz), Motorola UHF bílstöðvar, VHF bílstöðvar af ýmsum gerðum, með/án hljóðnema og Pye móðurstöð með innbyggðum aflgjafa. Bestu þakkir til Sigurðar fyrir hugulsemina.
Hans Konrad Kristjánsson TF3FG færði félaginu radíódót og símtæki 19. maí. Bestu þakkir til Hans Konrads fyrir hugulsemina.
Ari Þórólfur Jóhannesson TF1A útvegaði félaginu að gjöf 13 stauka sem hver inniheldur 10 stk. 12VDC 9A sýrulausar rafhlöður 25. maí. Búnaðurinn er nánast ónotaður og í fullkomnu lagi. Rafhlöðurnar eru framleiddar af Schneider Electric í Bandaríkjunum. Þær eru af Galaxy gerð, VM Battery Unit, Model OG-GVMBTU.
Georg Kulp, TF3GZ gerði ferð til Keflavíkur að sækja staukana, en hver þeirra er um 30 kg að þyngd. Affermt var í Skeljanesi síðdegis 25. maí; samanber meðfylgjandi ljósmynd. Bestu þakkir til Ara fyrir hugulsemina og til Georgs fyrir að sækja rafhlöðustaukana. Ljósmyndir: TF3JB.
/by
,

NÝ KALLMERKI

Próf Fjarskiptastofu til amatörleyfis var haldið 21. maí s.l. á þremur stöðum á landinu. Eftirtaldir nýir leyfishafar hafa sótt um og fengið úthlutað kallmerkjum:

Fannar Freyr Jónsson, TF3FA (Reykjavík).
Grímur Snæland Sigurðsson, TF3GSS (Mosfellsbær).
Guðmundur Veturliði Einarsson, TF3VL (Reykjavík).
Júlía Guðmundsdóttir, TF3JG (Reykjavík).
Kristján Gunnarsson, TF9ZG (Sauðárkróki).
Ómar Örn Sæmundsson, TF1OS (Reykjavík).
Sævar Örn Eiríksson, TF1SAB (Þorlákshöfn).

Innilegar hamingjuóskir og velkomin í loftið!

Stjórn ÍRA.

/by
,

RAUFARHÖFN QRV Á NÝ

KiwiSDR viðtækið yfir netið sem er staðsett á Raufarhöfn varð QRV á ný í dag (25. maí). Viðtækið hafði verið úti í nokkra daga því skipta þurfti um netbúnað vegna bilunar.

Raufarhöfn (10 kHz-30 MHz). Vefslóð: http://raufarhofn.utvarp.com/

Þakkir til Ara Þórólfs Jóhannessonar TF1A, Georgs Kulp TF3GZ og Rögnvaldar Helgasonar TF3-Ø55 fyrir að leiða verkefnið í höfn.

Stjórn ÍRA.

–

Á myndinni má sjá turnana sem halda uppi lóðrétta T-loftnetinu sem er tengt við KiwiSDR viðtækið og er staðsett í skúrnum hægra megin við bifreiðina. Ljósmynd: Georg Kulp TF3GZ.
/by
,

NIÐURSTAÐA ÚR PRÓFI TIL AMATÖRLEYFIS

Próf Fjarskiptastofu til amatörleyfis fór fram í Háskólanum í Reykjavík, á Sauðárkróki og á Raufarhöfn laugardaginn 21. maí.

Alls þreyttu tólf prófið. Í raffræði og radíótækni náðu 11 fullnægjandi árangri, 9 til G-leyfis og 2 til N-leyfis. Í Reglum og viðskiptum náðu allir 12 þátttakendur fullnægjandi árangri, þar af 10 til G-leyfis og 2 til N-leyfis.

Antonia Sabrina Stevens, 200 Kópavogur (G-leyfi).
Ágúst Sigurjónsson, 221 Hafnarfjörður (G-leyfi).
Björn Ingi Jónsson, 860 Hvolsvöllur (G-leyfi).
Fannar Freyr Jónsson, 105 Reykjavík (G-leyfi).
Grímur Snæland Sigurðsson, 270 Mosfellsbær (N-leyfi).
Guðmundur V. Einarsson, 111 Reykjavík (G-leyfi).
Júlía Guðmundsdóttir, 102 Reykjavík (G-leyfi).
Jón Páll Fortune, 105 Reykjavík (G-leyfi).
Kristján Gunnarsson, 550 Sauðárkrókur (G-leyfi).
Ómar Örn Sæmundsson, 111 Reykjavík (G-leyfi).
Sævar Örn Eiríksson, 815 Þorlákshöfn (N-leyfi).

Viðkomandi eru þessa dagana að senda umsóknir til Fjarskiptastofu um kallmerki. Upplýsingar um úthlutuð kallmerki verða birtar fljótlega.

Innilegar hamingjuóskir og velkomin í loftið!

Stjórn ÍRA.

/by
,

NÆST OPIÐ Í SKELJANESI 2. JÚNÍ

Félagsaðstaða ÍRA í Skeljanesi verður lokuð fimmtudaginn 26. maí sem er uppstigningadagur.

Næsti opnunardagur félagsaðstöðunnar verður fimmtudaginn 2. júní n.k. kl. 20-22.

Stjórn ÍRA.

/by
,

CQ WW WPX KEPPNIN Á MORSI

CQ World Wide WPX keppnin – morshluti, fer fram um helgina. Þetta er 2 sólarhringa keppni helgina 28.-29. mars sem fer fram á 1.8, 3.5, 7, 14, 21 og 28 MHz.

Markmiðið er að hafa sambönd á keppnistímanum við kallmerki með eins mörgum mismunandi forskeytum og frekast er unnt (VK1, VK2 o.s.frv.). Munur er gerður á stigagjöf eftir böndum, þ.e. QSO á milli meginlanda (e. continents) á 28, 21 og 14 MHz gefa 3 stig en 6 stig á 7, 3.5 og 1.8 MHz. Hvert forskeyti telst til margfaldara einu sinni – burtséð frá böndum.

Sjö TF kallmerki sendu inn keppnisgögn í fyrra (2021).

Vefslóð á keppnisreglur: https://www.cqwpx.com/rules.htm

Með ósk um gott gengi!

Stjórn ÍRA.

Kort EI8IC sýnir svæðaskiptingu heimsins í 40 CQ svæði.
/by
,

PRÓF FJARSKIPTASTOFU 21. MAÍ

Próf Fjarskiptastofu (FST) til amatörleyfis fór fram í Reykjavík, Sauðárkróki og Raufarhöfn laugardaginn 21. maí.

Prófnefnd ÍRA annaðist framkvæmd í Reykjavík að viðstöddum fulltrúa Fjarskiptastofu, en Sigurður Sigurðsson, TF9SSB og Olga Friðriksdóttir önnuðust framkvæmd á Sauðárkróki og á Raufarhöfn. Prófað var í Raffræði og radíótækni og Reglum og viðskiptum. Prófið hófst kl. 10 árdegis og lauk með prófsýningu kl. 15. Bæði prófin voru skrifleg.

Alls þreyttu 12 prófið. Í raffræði og radíótækni náðu 11 fullnægjandi árangri, 9 til G-leyfis og 2 til N-leyfis. Í Reglum og viðskiptum náðu allir 12 þátttakendur fullnægjandi árangri, þar af 10 til G-leyfis og 2 til N-leyfis. Nánar verður skýrt frá niðurstöðum á heimasíðu ÍRA strax og þær berast frá FST í byrjun næstu viku.

Fulltrúar prófnefndar í Háskólanum í Reykjavík: Kristinn Andersen, TF3KX formaður, Einar Kjartansson TF3EK og Vilhjálmur Í. Sigurjónsson, TF3VS. Fulltrúi Fjarskiptastofu: Bjarni Sigurðsson, verkfræðingur. Fulltrúar stjórnar: Jón Björnsson, TF3PW umsjónarmaður námskeiða ÍRA og Jónas Bjarnason, TF3JB formaður ÍRA.

Stjórn ÍRA færir Jóni Björnssyni, TF3PW umsjónarmanni námskeiðsins og leiðbeinendum þakkir fyrir vel unnin störf. Það sama á við um Kristinn Andersen, TF3KX formann prófnefndar og prófnefndarmenn, sem sinntu störfum faglega og af alúð. Þá er Bjarna Sigurðssyni, sérfræðingi hjá Fjarskiptastofu þökkuð fagleg aðkoma að verkefninu.

Síðast, en ekki síst, innilegar hamingjuóskir til nýrra leyfishafa.

Stjórn ÍRA.

Þátttakendur í prófi FST til amatörleyfis kl. 10 í morgun, laugardag í Háskólanum í Reykjavík þegar prófgögnum var dreift.
Kristinn Andersen TF3KX annaðist prófsýningu sem hófst kl. 15:00.
Þeir sem báru hitann og þungann af verkefninu. Frá vinstri: Kristinn Andersen TF3KX formaður Prófnefndar ÍRA, Jón Björnsson TF3PW umsjónarmaður námskeiða ÍRA, Einar Kjartansson TF3EK prófnefnd ÍRA, Bjarni Sigurðsson fulltrúi Fjarskiptastofu og Vilhjálmur Í. Sigurjónsson TF3VS ritari prófnefndar. Ljósmynd 1: TF3PW, myndir 2 og 3: TF3JB.
/by