Guðmundur Sveinsson, TF3SG

Næsti viðburður á yfirstandandi vetrardagskrá félagsins er sýning heimildarmyndar frá DX-leiðangri fimmtudagskvöldið
24. nóvember n.k. kl. 20:30. Guðmundur Sveinsson, TF3SG, er sýningarstjóri kvöldsins og mun hann kynna myndina, sem er í boði Þorvaldar Stefánssonar, TF4M, en hann gaf félaginu safn slíkra mynda fyrir nokkru.

Sýningin hefst stundvíslega kl. 20:30. Kaffiveitingar verða í boði félagsins.

Sigurður R. Jakobsson, TF3CW.

Frestur til að skila keppnisdagbókum í CQ WW DX SSB keppninni 2011 rann út í gær, 21. nóvember. Alls skiluðu 12 TF stöðvar
fjarskiptadagbókum til keppnisnefndar CQ tímaritsins. Stöðvarnar 12 kepptu í 9 keppnisflokkum samkvæmt meðfylgjandi töflu.

Yngvi Harðarson, TF3Y.

Andrés Þórarinsson, TF3AM.

Þessar þrjár stöðvar voru með afgerandi bestan árangur: Sigurður R. Jakobsson, TF3CW var alls með 1.444.550 heildarpunkta. Hann keppti í einmenningsflokki á 14 MHz, háafli. Yngvi Harðarson, TF3Y, var með 571.710 heildarpunkta. Hann keppti í einmenningsflokki á 28 MHz, háafli frá TF4X (stöð Þorvaldar Stefánssonar, TF4M). Þá var Andrés Þórarinsson, TF3AM, með 484.472 heildarpunkta, en hann keppti í einmenningsflokki á öllum böndum, háafli.

Keppnisflokkur

Kallmerki

Ætlaður árangur (1)

Skýringar

Einmenningsflokkur, öll bönd, háafl
Unknown macro: {center}TF3AM

Unknown macro: {center}484.473

 
Einmenningsflokkur, öll bönd, háafl, aðstoð
Unknown macro: {center}TF3SG

Unknown macro: {center}100.285

 
Einmenningsflokkur, öll bönd, háafl, aðstoð
Unknown macro: {center}TF3IG

Unknown macro: {center}3.956

 
Einmenningsflokkur, öll bönd, lágafl
Unknown macro: {center}TF3PPN

Unknown macro: {center}34.650

 
Einmenningsflokkur, öll bönd, lágafl
Unknown macro: {center}TF3DC

Unknown macro: {center}32.918

 
Einmenningsflokkur, 10 metrar, háafl
Unknown macro: {center}TF4X

Unknown macro: {center}571.710

TF3Y op.
Einmenningsflokkur, 10 metrar, lágafl
Unknown macro: {center}TF8GX

Unknown macro: {center}267.072

 
Einmenningsflokkur, 15 metrar, háafl
Unknown macro: {center}TF3AO

Unknown macro: {center}153.722

 
Einmenningsflokkur, 15 metrar, háafl
Unknown macro: {center}TF3CY

Unknown macro: {center}135.256

 
Einmenningsflokkur, 20 metrar, háafl
Unknown macro: {center}TF3CW

Unknown macro: {center}1.444.550

 
Einmenningsflokkur, 80 metrar, háafl
Unknown macro: {center}TF3ZA

Unknown macro: {center}147.599

 
Fleirmenningsflokkur, öll bönd, háafl, aðstoð
Unknown macro: {center}TF3W

Unknown macro: {center}47.278

TF3CY, TF3FIN, TF3HP og TF3JA op’s.

(1) claimed score.

Stjórn Í.R.A. óskar hlutaðeigandi til hamingju með árangurinn.


Vefslóð keppnisnefndar CQ tímaritsins: http://www.cqww.com/logs_received_ssb.php

Ársæll Óskarsson, TF3AO

Fyrsta sunnudagsopnun á yfirstandandi vetrardagskrá verður haldin sunnudaginn 20. nóvember n.k. í félagsaðstöðu
Í.R.A. við Skeljanes. Ársæll Óskarsson, TF3AO, flytur erindið “Að byrja RTTY keppnisferilinn” og leiðir umræður.

Ársæll hefur aflað sér góðrar þekkingar á RTTY fjarskiptum í gegnum árin og hefur m.a. langa reynslu af þátttöku í
alþjóðlegum keppnum á RTTY, bæði frá félagsstöðinni TF3IRA / TF3W og frá eigin stöð. Ársæll var t.d. með bestan
árangur af TF stöðvum, bæði í sínum keppnisflokki (einsbands, 14 MHz, hámarks útgangsafl) og í heild í CQ WPX
RTTY DX keppninni 2011 eða 933,500 stig. Að baki þeim árangri voru alls 844 QSO og 500 forskeyti. Þess má geta,
að Ársæll var einnig með bestan árangur af TF stöðvum í sömu keppni í fyrra (2010).

Húsið verður opnað kl. 10 árdegis og er miðað við að dagskrá verði tæmd á hádegi. Í boði verður vandað kaffimeðlæti.

Stjórn Í.R.A. hvetur félagsmenn til að mæta tímanlega.

Yngvi Harðarson TF3Y við stjórnvölinn á TF4X í CQ WW DX SSB keppninni 2011. Ljósmynd: TF4M.

Yngvi Harðarson, TF3Y, verður með kynningu/hraðnámskeið á WriteLog keppnisdagbókarforritinu laugardaginn
19. nóvember kl. 10:00 í félagsaðstöðu Í.R.A. í Skeljanesi. Stefnt er að því að ljuka kynningunni fyrir hádegi.

WriteLog for Windows er meðal vinsælustu keppnisdagbókarforrita á meðal radíóamatöra fyrir CW, SSB og RTTY. Það var t.d. næst mest notað í World Radiosport Team Champonship keppninni í fyrra (2010). Innkaupsverð er hagstætt og kostar WriteLog “version 10” t.d. $35. Ennfremur er fáanleg ódýrari útgáfa af forritinu sem kostar um helming af því verði.

Stjórn Í.R.A. hvetur félagsmenn til að mæta tímanlega.

________________________


Vefslóð fyrir heimasíðu WriteLog: http://writelog.com/
Vefslóð með nytsömum upplýsingum um WriteLog: http://k9jy.com/blog/

Jón Þ. Jónsson, TF3JA.

Áður auglýst erindi Jóns Þórodds Jónssonar, TF3JA, fimmtudaginn 17. nóvember um neyðarfjarskipti frestast um tvær vikur, til fimmtudagsins 1. desember kl. 20:30.

Sérstakir gestir Jóns Þórodds á fundinum þann 1. desember verða þeir Rögnvaldur Ólafsson lögreglufulltrúi og verkefnastjóri og Víðir Reynisson deildarstjóri, hjá Almannavarnadeild Ríkislögreglustjóra (RLR).

Víðir Reynisson

Rögnvaldur Ólafsson

 

 

 

 

 

 

 

 

 

Rögnvaldur Ólafsson, verkefnastjóri og Víðir Reynisson, deildarstjóri hjá Almannavarnadeild RLR.

Dagskráin n.k. fimmtudag, þ.e. 17. nóvember breytist samkvæmt því og verður “opið hús” í boði í Skeljanesi
frá kl. 20-22 með venjubundnum kaffiveitingum.

Samkvæmt ofangreindu færist áður auglýst erindi um viðurkenningaskjöl radíóamatöara þann 1. desember yfir
á síðari hluta vetrardagskrárinnar í febrúar-apríl 2012. Aðrir viðburðir á yfirstandandi vetrardagskrá (sem er til
kynningar á heimasíðu) eru óbreyttir. Beðist er velvirðingar á þessum breytingum.

F.h. stjórnar Í.R.A.,

Jónas Bjarnason, TF2JB,
formaður.

________________________


Samkvæmt 5. grein laga um almannavarnir nr. 82/2008 annast ríkislögreglustjóri starfsemi almannavarna í umboði innanríkisráðherra áður dómsmálaráðherra. Með lögum nr. 44/2003 voru almannavarnir fluttar frá Almannavörnum ríkisins til embættis ríkislögreglustjóra, til að annast heildarskipulagningu almannavarna og framkvæmdir á þeim þáttum sem falla undir ríkisvaldið. Einnig er ábyrgð ríkislögreglustjóra vegna almannavarna skilgreind í 5. grein lögreglulaganna nr. 90/1996 þar sem kveðið er á að ríkislögreglustjóri annist málefni almannavarna í umboði innanríkisráðherra (áður dómsmálaráðherra).

Verkefni ríkislögreglustjóra vegna almannavarna fela m.a. í sér víðtækt samstarf við stofnanir þjóðfélagsins varðandi neyðarskipulagið með það að markmiði að tryggja öryggi almennings og vinna að gerð og endurskoðun viðbragðsáætlana.

Almannavarnadeild ríkislögreglustjórans samhæfir almannavarnaáætlanir sveitarfélaga og stofnana og hefur eftirlit með endurskoðun og viðhaldi þeirra. Stjórn aðgerða í héraði þegar almannavarnaástand ríkir er í höndum lögreglustjóra í viðkomandi lögregluumdæmi. Almannavarnanefnd skal skipuð sýslumanni þess umdæmis, sem sveitarfélagið er í, fulltrúum úr sveitarstjórn og þeim fulltrúum sveitarstjórna, sem í starfi sínu sinna verkefnum í þágu hins almenna borgara. Á höfuðborgarsvæðinu og á Suðurnesjum sitja lögreglustjórar viðkomandi umdæma í almannavarnanefndum, en ekki sýslumenn.

Almannavarnanefndir eru skipaðar af sveitarstjórn og felst hlutverk þeirra í stefnumótun og skipulagningu starfs að almannavörnum í héraði.

 

Niðurstöður eru komnar úr morshluta Scandinavian Activity keppninnar 2011 sem fram fór helgina 16.-17. september s.l.
Að þessu sinni bárust alls 1196 keppnisdagbækur. Finnar urðu Norðurlandameistarar og unnu þar með Skandinavíubikar-
inn (Scandinavian Cup). Finnskir radíóamatörar (OH) sendu alls inn 187 dagbækur, Svíar (SM) 109, Norðmenn (LA) 27,
Danir (OZ) 22, Álandseyjar (OH0) 4 og Ísland (TF) 3.

Bestum árangri íslenskra stöðvar náði TF8GX sem varð í 24. sæti með alls 442 QSO í flokki einmenningsstöðva, á öllum
böndum, lágafli. TF3DC náði líka ágætum árangri og varð í 46. sæti í sama keppnisflokki með alls 205 QSO. Alls skiluðu
88 þátttakendur inn dagbóknum í keppnisflokknum. Þá varð TF3W (TF3SA op) í 48. sæti með alls 1244 QSO í flokki ein-
menningsstöðva, á öllum böndum, háafli. Alls skiluðu 109 þátttakendur inn dagbókum í keppnisflokknum. Þegar litið er til
þátttökutíma og aðstæðna íslensku stöðvanna verður árangur þeirra að teljast vel ásættanlegur.

Niðurstöður í talhluta keppninnar eru væntanlegar á næstunni. Í umsögn keppnisnefndar á heimasíðu segir m.a. að saman-
lagður fjöldi innsendra keppnisdagbóka (í báðum hlutum keppninnar) hafi verið um 15% meiri 2011 samanborið við fyrra ár.

Stjórn Í.R.A. óskar hlutaðeigandi til hamingju með árangurinn.


Heimasíða (smella má á Results CW): http://sactest.net/

Í góðum félagsskap. Jón Þóroddur Jónsson, TF3JA og Anna dótturdóttir hans.

Vetrardagskrá félagsins 2011 er nú hálfnuð og verður Jón Þóroddur Jónsson, TF3JA, neyðarfjarskiptastjóri Í.R.A.
með fimmtudagserindið: Neyðarfjarskipti radíóamatöra þann 17. nóvember n.k. kl. 20:30 í félagsaðstöðunni við
Skeljanes.

Stjórn Í.R.A. undirbýr um þessar mundir mótun stefnu félagsins í málaflokknum. Grundvöllur þeirrar vinnu er að Í.R.A.
viðurkennir mikilvægi neyðarfjarskipta. Um árabil hefur málaflokkurinn þó ekki verið sérstaklega til umfjöllunar innan
félagsins. Samkvæmt því þarfnast hann kynningar og tíma til umræðu og mótunar á meðal félagsmanna.

Grundvöllur þess að hægt sé að fara út í kynningu á málaflokknum út fyrir raðir félagsmanna, er að fyrir liggi hugsan-
leg aðkoma íslenskra radíóamatöra að neyðarfjarskiptum í landinu. Í annan stað, er mikilvægt að fyrir liggi (að stærst-
um hluta) hvað það er sem félagið telur sig hafa fram að færa í þessum efnum.

Jón Þóroddur mun m.a. ræða þessa þætti og skýra frá hugmyndum sínum hvað varðar málaflokkinn í heild.

Félagar, mætum stundvíslega! Kaffiveitingar verða í boði félagsins.

Benedikt Sveinsson TF3CY stöðvarstjóri við stjórnvölinn á TF3IRA. Jón Þóroddur Jónsson TF3JA og Vilhjálmur Ívar Sigurjónsson TF3VS fylgjast með. Á myndinn má sjá (fyrir neðan hljóðnemann) Dell 19″ LCD borðskjá sem félaginu barst nýlega að gjöf. Ljósmynd: Óskar Sverrisson, TF3DC.

Síðari kynningin á gervihnattafjarskiptum á yfirstandandi vetrardagskrá fór fram í dag, 12. nóvember. Að sögn Benedikts Sveinssonar, TF3CY, gekk ekki vel að komast í samband að þessu sinni, en hlustað var m.a. eftir AO-7, AO-27, AO-51 og FO-29. Af þeim var AO-7 t.d. í skugga og ekki náðist í FO-29 vegna truflana. Ánægja var engu að síður með kynninguna, samanber meðfylgjandi tölvupóst frá félagsmanni: “Mjög áhugaverð kynning hjá Benedikt. Hluti af metnaðarfullri uppbyggingu félagsstöðvarinnar sem virðist á góðri leið”.

Þess má geta, að hugmyndin er að félagið festi kaup á „tracking” hugbúnaði af gerðinni Nova (NfW version 2.2c) sem mun koma í stað hugbúnaðarins sem fylgir með Ham Radio Deluxe (og notaður hefur verið hingað til). Innkaupsverð er tæplega 7 þúsund krónur. Tilkoma nýs “tracking” hugbúnaðar mun auðvelda öll fjarskipti frá stöðinni um gervihnetti.

Myndin er af VHF og UHF loftnetum TF3IRA sem eru notuð til fjarskipta um gervihnetti ásamt öðrum búnaði stöðvarinnar. Formagnararnir eru í ljósa kassanum fyrir neðan rótorinn. Ljósmynd: Jón Svavarsson, TF3LMN.

Næsti viðburður á fyrri hluta vetrardagskrár félagsins 2011/2012 fer fram laugardaginn 12. nóvember kl. 14-17. Þá mun Benedikt Sveinsson, TF3CY, verða með kynningu á því hvernig DX-sambönd fara fram um gervitungl og býður upp á sýnikennslu frá félagsstöðinni, TF3IRA. Þetta er spennandi viðburður, þar sem langþráðu takmarki var náð í haust þegar stöðin varð loks að fullu QRV til fjarskipta af þessu tagi.

Viðburðurinn nú, er endurtekning á viðburði af sama tagi sem fram fór 22. október s.l. Að sögn Benedikts, voru þá höfð sambönd um þrjá hnetti, en sá tími sem gefst til fjarskipta er mismunandi og fer eftir því á hvernig braut þeir eru umhverfis jörðina. Bendikt sagði að AO-7 hafi t.d. verið inni í 20-25 mínútur. Á þeim tíma gefst tími til að hafa mörg sambönd hvort heldur er á morsi, tali eða stafrænum tegundum útgeislunar.

Stjórn Í.R.A. hvetur félagsmenn sem hafa í hyggju að koma sér upp búnaði til gervihnattafjarskipta eða hafa áhuga á fjarskiptum af þessu tagi að að koma á staðinn og kynna sér af eign raun hvernig búnaðurinn virkar og hvernig fjarskiptin fara fram.

____________

Stutt yfirlit yfir gervihnattabúnað TF3IRA:
(1) VHF/UHF hringpóluð Yagi loftnet frá M2. VHF loftnetið er af 2MCP14 gerð; 14 staka með 10.2 dBdc ávinningi. UHF loftnetið er af 436CP30 gerð; 30 staka með 14.15 dBdc ávinningi. (2) Rótor er frá Yaesu af G-5400B gerð, sambyggður fyrir lóðréttar og láréttar stillingar. Með honum fylgir fjölstillikassi (e. Elevation Azimuth Dual Controller) stýranlegur frá tölvu. (3) VHF og UHF formagnarar eru frá SSB-Electronic GmbH. Mögnun er 20 dB/0,8 dB suðhlutfall á VHF og 20 dB/0,9 dB suð-hlutfall á UHF. (4) Kenwood TS-2000 sendi-/móttökustöð félagsins er notuð til fjarskipta um gervitungl. Hún er 100W á 144-146 MHz og 50W á 430-440 MHz.

Myndin er af heimasmíðuðum 100W mors sendi André V. Kestleloot, N4ICK, sem vinnur í 500 kHz tíðnisviðinu.

Auknar líkur eru nú á að nýtt 600 metra amatörband í tíðnisviðinu 472-480 kHz verði að veruleika á WRC-12 tíðni-
ráðstefnunni sem haldin verður í Genf í byrjun næsta árs.

Skýrt var frá stöðu þessa máls (eins og það stóð þá) á þessum vettvangi þann 5. október s.l. Nú er því við að bæta,
að á fundi undirbúningsnefndar CEPT ríkjanna 48 sem haldinn var dagana 1.-4. nóvember s.l., var samþykkt samhljóða
að mæla með úthlutun þessa 8 kHz bands til radíóamatöra á WRC-12 ráðstefnunni samkvæmt svokallaðri “ECP sam-
þykkt” (European Common Proposal). Staða þessa máls í dag er því sú að tryggt hefur verið að tillagan um nýtt amatör-
band á 600 metrum verður tekin á dagskrá á WRC-12.

Það var Colin Thomas, G3PSM, sem var í forsvari fyrir málið f.h. IARU Svæðis 1 á undirbúningsfundinum sem lauk í gær
í Ungverjalandi. Þess má geta að Colin er jafnframt stjórnarmaður í framkvæmdanefnd Svæðis 1.

_______________

Rifja má upp, að íslenskir leyfishafar fengu fyrst heimild til að vinna á 600 metrum (á víkjandi grundvelli) 19. febrúar 2010,
út það ár. Heimildin var síðan endurnýjuð þann 13. desember 2010 og gildir hún út árið 2012. Heimilað tíðnisvið er 493-
510 kHz. Nánari umfjöllun um 600 metra bandið má sjá í 1. tbl. CQ TF 2011 (bls. 26).


Vefslóð með upplýsingum um 100W sendi André, N4ICK: http://www.500kc.com/N4ICK/index.htm

Hustler G6-144B loftnetið sem tengt er við TF1RPB. Ljósmynd: TF3WS.

Endurvarpsstöð félagsins í Bláfjöllum, TF1RPB, hefur verið úti í nokkurn tíma. Ástæða þess er, að stagfesta fyrir burðarstaur loftnetsins við stöðina mun hafa gefið sig og hann fallið til jarðar. Staurinn mun þó hafa fallið á “réttu” hliðina, þ.e. þannig að loftnetið er óskemmt.

Að sögn Þórs Þórissonar, TF3GW, kom þetta í ljós þegar Guðmundur Sigurðsson, TF3GS, fór á staðinn í byrjun vikunnar. Þess má geta til viðbótar, að þannig háttar til að ekkert undirlendi er á staðnum og var staurinn festur á stálplötu sem var boruð ofan í klöppina og sáu stögin þannig alfarið um að halda honum lóðréttum (sbr. meðfylgjandi ljósmynd).

Þegar þessar línur eru skrifaðar eru unnið að því að gera TF1RPB QRV á ný. Vonir standa til að það takist innan tíðar, a.m.k. til bráðabirgða. Stjórn Í.R.A. þakkar aðkomu þeirra Guðmundar Sigurðssonar TF3GS, Þórs Þórissonar, TF3GW og Sigurðar Harðarsonar, TF3WS að málinu.

Guðmundur Löve TF3GL útskýrði vel hversu auðvelt er að gefa sér mismunandi forsendur í EZNEC forritinu.

Guðmundur Löve, TF3GL, flutti fróðlegt erindi í félagsaðstöðu Í.R.A. við Skeljanes fimmtudaginn 3. nóvember.
Hann sagði frá og útskýrði tölvuforritið EZNEC sem “hermir” eftir virkan loftneta. Hann fór vel yfir virkni forritsins með því
að taka dæmi um nokkrar grunngerðir loftneta, s.s. tvípóla, lóðréttra stangarneta, Windom neta o.fl.

Guðmundur sýndi m.a. áhrif fjarlægðar yfir mismunandi leiðandi jörð, áhrif staðsetningar (bæði fyrir lóðréttar stangir og
tvípóla) og ræddi m.a. mismunandi fjölda radíala samanborið við staðsetningu stangarnets á húsþaki.

Að sögn Guðmundar eru fleiri forrit eru aðgengileg radíóamatörum sem herma eftir virkni loftneta, en EZNEC hefur náð
hvað mestri útbreiðslu, sem er vel skiljanlegt eftir að hafa séð hversu aðgengilegt forritið er og þá möguleika sem það
býður. Höfundur EZNEC er Roy W. Lewallen, W7EL. Á þriðja tug félagsmanna hlýddu á erindið.

Stjórn Í.R.A. þakkar Guðmundi Löve, TF3GL, fyrir vel heppnaða og áhugaverða kvöldstund. Ennfremur Ara Þórólfi fyrir
heimabakaða kaffimeðlætið.

Guðmundur sýndi m.a. niðurstöðu EZNEC fyrir ýmis stangarloftnet og útskýrði niðurstöðurnar síðan nánar á töflu.

Baldvin Þórarinsson TF3-033 og Bjarni Sverrisson TF3GB. Bjarni spurði Guðmund m.a. um “V” loftnet á hvolfi.

Smári TF8SM og Guðjón Helgi TF3WO voru áhugasamir um mismunandi útfærslur loftneta fyrir TF8SDR.

Í kaffihléi. Haraldur Þórðarson TF3HP Jón Gunnar Harðarson TF3PPN og Guðmundur Ingi Hjálmtýsson TF3IG.

Ari Þór Jóhannesson TF3ARI og Kjartan H. Bjarnason TF3BJ skoða nýjar VHF/UHF handstöðvar í fundarhléi.