TF3Y var rétt áðan að setja inná írapóstinn upplýsingar um Baltic-keppnina sem fer fram um næstu helgi. Eitt af aðalsmerkjum radíóamatöra er að vera góður keppnismaður og taka þátt. Aðalatriðið er ekki að vinna heldur vera með, vera hluti af amatörsamfélaginu.

Baltic keppnin á 50 ára afmæli á þessu ári og er haldin næstu helgi á undan WPX CW keppninni. Í tilefni af afmælinu eru vegleg verðlaun í boði og keppt er í mörgum flokkum sem eykur líkindin á að ná til verðlaunasætis.

Lauslega þýddur póstur frá Mindis LY4L:

Kæri félagi,

Veistu af mörgum keppnum fyrir fimmtíu ára og eldri? ein slík er Baltic keppnin, með mikla virkni á 80 metrum.  Með nokkurra klukkutíma þátttöku á laugardagskvöld og nótt áttu gott tækifæri til að ná í einhvern af hinum mörgu minjagripum í tilefni af fimmtíu ára afmæli Baltic keppninnar.

Til viðbótar venjulegum verðlaunum hefur Lithuanian Radio Sport Federation gefið sérstök  50 ára Baltic keppnis verðlaun og minjagripi fyrir þáttakendur sem hafa:

– 100 QSO samanlagt við LY, YL og ES stöðvar;

– 50 QSO við LY stöðvar;

– 500 QSO;

– 50 QSO við LY, 50 QSO við YL stöðvar  og 50 QSO við ES stöðvar;

– til þeirra sem eru nákvæmlega  50 ára, hvorki meira né minna og ná flestum  QSOum;

– sem ná besta síðasta klukkutíma skorinu eða flestum QSOum á síðasta klukkutíma keppninnar.

Vona að sem flestir taki þátt um næstu helgi frá klukkan 21 á laugardagskvöldinu og alla 5 klukkutímana.

CU um næstu helgi, Baltic keppnisnefndin.

Með bestu 73 kveðju!

Mindis LY4L

…………………………………………………………………………………………..

Nánari upplýsingar um keppnina eru á: http://www.lrsf.lt/bcontest/english/rules_html.htm

og hér er vísun á aðdáendanetsíðu keppninnar:  http://ua9qcq.com/en/contestinfo.php?lang=&t_id=145&mo=5&Year=2013

… keppnin er tilvalið tækifæri til allskonar loftnetatilrauna og útiveru í góða veðrinu..sumarið er að koma og ekki seinna vænna að hita upp fyrir útileikana, 80 metrarnir eru sérstaklega velnýttir í þessari keppni og gott tækifæri til að ná nýjum löndum og svæðum..

EU6NN Nina

Áætlað er eldflaugaskot á vegum Bifröst Aurora Project og Háskólans Í Reykjavík næstkomandi fimmtudag eða föstudag. Heimasmíðaðri eldflaug verður skotið upp af gömlum frönskum eldflaugapalli sem byggður var á Mýrdalssandi 1964. Í flauginni verða ýmis mælitæki og fjarrita/fjarmælingasendir ásamt UHF APRS-sendi á 434,550 MHz. Kallmerkið verður TF3RU. Nákvæmari tímasetning verður tilkynnt þegar nær dregur og veðurspáin fer að verða öruggari/stöðugri.
TF3OM skrifar 19. mars 2008 eftirfarandi á bloggið sitt:
Það kemur mörgum á óvart að heyra að franskir vísindamenn hafi skotið fjórum eldflaugum út í geiminn frá Íslandi fyrir rúmlega fjórum áratugum. Út í geiminn? Já, og meira að segja í 440 km hæð eða um 100 kílómetrum hærra en Alþjóða geimstöðin (Internartional Space Station) svífur umhverfis jörðu. Eldflaugarnar féllu í hafið langt fyrir sunnan land.
Sumarið 1964 settu frönsku vísindamennirnir frá CNES (Centre National d’Etudes Spatiales) upp búðir sínar á Mýrdalssandi á móts við Höfðabrekku og skutu upp tveim eldflaugum. Sumarið 1965 settu þeir upp búðir á Skógasandi og skutu aftur upp tveim eldflaugum. Höfundur vefsíðunnar var þarna á staðnum á vegum Almannavarna ríkisins, sem auðvitað var bara yfirskin til að fá leyfi til að komast í návígi við þennan einstæða atburð, og hafði tækifæri til að njóta geimskotanna, enda vantaði ekki áhugann. Myndavélin var auðvitað með í för.
Tilgangur geimskotanna var að rannsaka Van Allen beltið, en þar sem það kemst næst jörðu við heimskautin myndast oft norðurljós. Rafagnir sólvindsins festast í Van Allen beltinu, þjóta fram ag aftur milli segulskauta jarðar, og mynda norðurljós þegar þær rekast á loftagnir í háloftunum, segir í flestum kennslubókum. Nú á tímum er reyndar talið að atburðarásin sé töluvert flóknari. Ísland hentaði vel til þessara rannsókna frönsku vísindamannanna vegna legu sinnar nærri norðurljósabeltinu, og væntanlega einnig vegna eyðisandanna á Suðurlandi og opna hafinu þar fyrir sunnan.

Upphaf umfjöllunar Ágústar H. Bjarnasonar sem lesa má í heild á http://agbjarn.blog.is/blog/agbjarn/entry/477982/

Núna á fimmtudaginn fimmtánda maí ætlar Ingólfur Haraldsson radíóamatör og starfsmaður Neyðarlínunnar að koma í Skeljanes og segja frá Fjarskiptahópi Björgunarsveitar Hafnarfjarðar. Hópurinn hefur verið til í um áratug og er útbúinn til að sinna með stuttum fyrirvara beiðnum um að koma upp fjarskiptum með ýmsu móti hvar sem er á jarðarkringlunni. Hópurinn hefur tekið þátt í nokkrum slíkum atburðum á undanförnum árum og er virkilega áhugavert og aðdáunarvert hversu færir þeir eru. Flestir ef ekki allir í hópnum eru radíóamatörar og eru með búnað til HF fjarskipta á öllum amatörböndum. Ingólfur ætlar að mæta klukkan átta á fimmtudagskvöld og kynningin hefst klukkan 8:15. Ef þið hafið áhuga á sjá og heyra hvernig á að gera hlutina þá er tilvalið að koma og fræðast af Ingólfi.

heimasíða sveitarinnar er: http://www.spori.is/

http://www.wirelesscommunication.nl/

Nokkrir erlendu radíóamatöranna mættu aftur í Skeljanesið í morgun til að fara í loftið og hafa sambönd við félaga sína erlendis.

En eftir hádegið var hin eiginlega IYL-ráðstefna og þar voru haldin fjögrur erindi.

Sólveig Þorvaldsdóttir ráðgjafi í alþjóða björgunarmálum og fyrrverandi framkvæmdastjóri Almannavara ríkisins ræddi um hamfarir almennt og mikilvægi fjarskipta og upplýsinga við björgun.

Ingólfur Haraldsson radíóamatör, starfsmaður 112 var með tvær kynningar, fyrst sagði hann frá Fjarskiptahóp Björgunarsveitar Hafnarfjarðar og frá verkefnum sem þeir hafa tekið að sér á undanförnum tíu árum frá stofnun hópsins og síðara erindið fjallaði um Björgunarmiðstöðina í Skógarhlíð og TETRA.

Að lokum komu tvær ungar konur, Hrefna Sif og Saga, nemendur í vélaverkfræði í HÍ og sögðu frá smíði rafdrifins kappakstursbíls.

Mikil radíóamatörstemming ríkti í Skeljanesi í gær en þar voru mættir um tíu erlendir karlamatörar, fylgisveinar kvenamatöranna sem eru staddir hér á landi til að taka þátt í alheimsráðstefnu kvenradíóamatöra. Kallarnir skiptust á um að fara í loftið og höfðu skipulagt sjálfir þann tíma sem hver þeirra átti við stöðina. Þess á milli skeggræddu þeir við ÍRA-félaga sem mættu í Skeljanesið og ekki hægt að segja annað en að vel hafi tekist til og dagurinn varð mjög skemmtilegur. Veðrið lék við okkur og fóru sumir í stutta göngutúra út frá Skeljanesinu meðan þeir biðu eftir að komast í stöðina.

Til að auka enn á ánæguna í gær í góða veðrinu tókst einum erlenda amatörnum að snúa SteppIR loftnetinu meira en heilan hring og við það slitnuðu bæði kóaxinn og stýrikaballinn. En þessi uppákoma varð til þess að gera daginn að alvöru amatörsamveru og eins og hendi væri veifað kom TF3CY, kleif mastrið og gerði við. Líkleg skýring á þessu sem ekki á að geta komið fyrir því  eins og með RR á Alfa mótorstýringin ekki að geta bilað og hugbúnaðurinn að koma í veg fyrir heilan snúning sem ekki virkaði í gær.

Seinni partinn settust flestir úr hópnum niður í setustofunni og svöruðu tveimur spurningum hver á eftir öðrum, hvers vegna varð ég radíóamatör og hvernig er hægt að fjölga virkum radíóamatörum. Ýmis sjónarmið komu fram og verulega áhugavert var að heyra hve sögurnar af upphafinu voru mismunandi og kannski verður sagt nánar frá því hér á síðunni eftir komandi aðalfund um næstu helgi.

Berlega kom í ljós að aðalsmerki radíóamatöra er hversu fjölbreytt áhugamálið er. Sumir eru CW-menn aðrir SSB og þriðji hópurin fæst við APRS, EME, WSPR og þannig mætti lengi telja.

Ánægulegt var að þó nokkrir íslenskir radíóamatörar, TF3DX, TF3SA, TF3GD, TF3HP, TF3MHN, TF3SG, TF3CY, TF3GL og TF3JA lögðu leið sína í Skeljanesið til að hitta erlendu karlamatörana eiga með þeim skemmtilega stund og njóta veitinganna, kex, kaffi, gos, ítalskar púlsur og brauð með ýmsu áleggi sem boðið var uppá. Þeir sem ekki komu misstu af miklu því þessir kallar höfu margar reynslusögur að segja okkur.

TF3VS og TF3GW voru í sérstökum verkefnum tengdum vinnustofu kvenamatöranna.

neðsta myndin var tekin á föstudeginum þar sem harðar CW konur ætluðu ekki að sleppa lyklinum

http://www.wirelesscommunication.nl/reference/chaptr03/diffrac.htm

 

TF3TNT að koma fyrir nýju loftneti á TF1RPB í toppi masturs í Bláfjöllum. Nokkrir eldhugar lögðu leið sína í fjöllin í gær til að koma upp loftneti við TF1RPB og fyrstu prófanir virðast benda til vel yfir 10 db aukningar á merkisstyrk í Reykjavík.

Myndina tók TF3JON 28. maí 2014

ÍRA tók á móti tæplega 30 erlendum gestum í dag sem til Íslands eru komnir til þess að taka þátt í alþjóðlegri ráðstefnu YL radíóamatöra.

Við þetta tækifæri færir formaður ÍRA Önnu Henriksdóttur, TF3VB, og Völu Dröfn Hauksdóttur, TF3VD, sem skipuleggja og standa fyrir ráðstefnunni fyrir Íslands hönd sérstakar heillaóskir.

Það var greinilega mikill áhugi og kraftur í konunum sem sóttu ÍRA heim. Margar, frábærir operatorar á CW og SSB.

Unni Elisabeth Gran, LA6RHA við stöðina.

Rosel Zenker, DL3KWR

73

Guðmundur, TF3SG

…í dag fréttist af Völu og Önnu á fullu við að leggja lokahönd á undirbúning ráðstefnunnar og heimsókn erlendu radíóamatöranna um næstu helgi…

Þær vilja hvetja félagsmenn til að fjölmenna í Skeljanesið næsta föstudag kl. 16.30 en þá koma 26 erlendir amatörar í heimsókn. ÍRA býður uppá hressingu í föstu og fljótandi formi ásamt spjalli við erlenda kollega.

Á laugardag koma 10 erlendir OM í Skerjafjörðinn og eyða deginum með ÍRA félögum. Auglýst er eftir sjálfboðaliðum til að sækja gestina á hótelin og skutla aftur til baka.

Hvernig væri að sameinast um að sýna erlendu gestunum bestu hliðarnar á íslenska radíóamatörsamfélaginu?

Loretta Ensor var eini kvenradíóamatörinn á vestur svæðum USA á árinu 1926 … hún var þekkt sem 9UA “nænjúei” meðal radíóamatöra víða um heim.
Loretta varð fræg uppúr 1920 fyrir að vera fyrsti kvenradíóamatörinn til að ná talsambandi yfir Kyrrahafið.

http://www.soar-yls.com/yl-hams.html

Reykjavík 25. apríl 2014.

Ágæti félagsmaður!

Með vísan til 16. gr. félagslaga er hér með boðað til aðalfundar ÍRA. laugardaginn 17. maí 2014. Fundurinn verður haldinn í sal Taflfélags Reykjavíkur við Faxafen 12,  Reykjavík. Hann hefst stundvíslega kl. 13:00.  Dagskrá er samkvæmt félagslögum.

Samkvæmt ákvæði í 27. gr. laganna þurftu tillögur að lagabreytingum að hafa borist stjórn félagsins fyrir 15. apríl s.l. Með tillögum að breytingum skyldu fylgja skriflegar greinargerðir þar sem gerð var grein fyrir ástæðum tillagnanna og væntanlegum áhrifum þeirra. Kynning á ákvæði 27. gr. var birt á heimasíðu ÍRA þann 4. apríl s.l.

Frumvörp til lagabreytinga á aðalfundi 2014 sem bárust stjórn fyrir tilskilinn frest er dreift með þessu aðalfundarboði í meðfylgjandi viðhengi.

F.h. stjórnar ÍRA.

Guðmundur Sveinsson, TF3SG
formaður ÍRA

 

 

 

Aðalfundur ÍRA 2014

Aðalfundur ÍRA fer fram
Laugardaginn 17. maí 2014
Í sal Taflfélags Reykjavíkur, Faxafeni 12
Fundurinn hefst klukkan 13:00.

 

Dagskrá fundar:

  1. Kosinn fundarstjóri.
  2. Kosinn fundarritari.
  3. Könnuð umboð.
  4. Athugamsemdir við fundargerð síðasta fundar, ef einhverjar hafa borist, ræddar og bornar undir atkvæði.
  5. Formaður gefur skýrslu um starfsemi félagsins.
  6. Aðrir embættismenn gefa skýrslu um starsemi  sinna embætta.
  7. Gjaldkeri leggur fram reikninga félagsins til samþykktar.
  8. Lagabreytingar.
  9. Stjórnarkjör.
  10. Kosning tveggja skoðunarmanna reikninga og eins til vara.
  11. Ákvörðun árgjalds.
  12. Önnur mál.

 

Til upplýsingar fyrir félaga:  Einungis skuldlausir félagar hafa kosningarétt og kjörgengi.  Skylt er að veita árgjöldum viðtöku við upphaf fundar sé þess óskað.  Félagslögum verður aðeins breytt á aðalfundi, enda hafi frumvarp að nýjum eða breyttum greinum borist stjórn félagsins fyrir 15. Apríl og verið dreift með fundarboði.  Frambjóðendur til formanns skulu hafa G leyfi.  Aðrir frambjóðendur til stjórnar skulu vera leyfishafar og eiga að minnst þrjú ár að baki í félaginu.  Í málum sem varða lagabreytingar, leyfisveitingar og próf hafa einungis leyfishafar atkvæðisrétt.  Nánar er fjallað um ákvæði í 10., 11., 12., 13. og 27. gr. félagslaga hvað varðar framangreind atriði.  Lög félagsins eru birt á heimasíðu ÍRA.

http://www.ira.is/wp-content/uploads/2017/07/16042014-Utvarpstidindi-1.-tbl.-10.-jan-1947.pdf

http://www.ira.is/wp-content/uploads/2017/07/25042014-Brynjólfur-Jónsson-bréf-15-4-2014-lagabreyting.docx

 

Rafeindabúnaðurinn sem hangir neðan í loftbelgnum er eitthvað þessu líkur og sendiaflið er um 10 mW …tíu milliwött

…. einfaldur APRS búnaður á háum fjöllum um landið er það sem við í APRS grúppunni stefnum að… sjáiði hvað stafapéturinn í Noregi nær sendingum frá loftbelgnum langt út í hafi. Örgjörvinn í loftbelgnum safnar upplýsingum um ferilinn sem ekki sést á þessari mynd milli Íslands og Noregs og sendir með APRS skeytunum með ákveðnu millibili, fljótlega verður hægt að skoða allan ferilinn á heimasíðu verkefnisins, að vísu háð því að vel gangi að lesa upplýsingarnar og vinna úr þeim.

Stjórn ÍRA óskar félagsmönnum gleðilegt sumar. Takk fyrir samstarfið á liðnum vetri.

Opið er í Skeljanesi venju samkvæmt á fimmtudögum frá klukkan 20:00

73

Guðmundur, TF3SG

Til að geta náð APRS merkjum frá loftbelgnum lengra vestur á við var í kvöld snúanlega VHF loftnetið í Skeljanesi tengt við aprsmóttakarann TF3APG. Þessi loftbelgur er mjög sérstakur og ekki stór, um meter í þvermál og mæli- og sendibúnaðurinn sem fær aflið frá sólarrafhlöðu er ekki nema um 12 grömm. Belgurinn fer ekki hærra en í 9 km og samkvæmt útreiknuðum áætluðum ferli mun belgurinn fara til Grænlands og þaðan norður fyrir Ísland og síðan í austur til Noregs norðarlega, yfir Svíþjóð, Finnland og suður í áttina að Svartahafi. Áætlunin gerir ráð fyrir að belgurinn verði kominn yfir Noreg eftir um einn og hálfan sólarhring. Sjá áætlaðan feril á myndinni. Myndin fyrir neðan sýnir stöðuna núna klukkan 23:20.