,

15. Stjórnarfundur ÍRA 2017

Fundargerð stjórnar ÍRA – Íslenskir radíóamatörar

Skeljanesi, 29. Desember 2017.

Fundur hófst kl. 12:20 og var slitið kl. 13:20.

Stjórn: Formaður TF3JA, varaformaður TF3DC, ritari TF3WZ, gjaldkeri TF3EK, meðstjórnandi TF3NE, varamaður TF8KY og varamaður TF3EO.

Mættir: TF3JA, TF3WZ, TF3EK, og TF3DC

Fundarritari: TF3WZ

Dagskrá

1. Reglugerðarbreyting samþykkt

TF3JA tilkynnti að hjá Samgöngu- og sveitarstjórnarráðuneyti hafi verið skrifað undir reglugerðarbreytingu um kallmerki og svæðaskiptingu fyrir jól.

Þegar formlegt svar hefur borist frá ráðuneyti munu þessar upplýsingar verða birtar á heimsíðu félagsins.

2. Breytingar á prófnefnd

TF3EK leggur til breytingar á Prófnefnd.

TF3GW kemur í stað TF3KB.

Eftir breytingu yrði prófnefnd skipuð: TF3DX, TF3KX, TF3VS, TF3EK og TF3GW.

Stjórn felur TF3WZ og TF3JA að ganga frá bréfi til prófnefndar.

Samþykkt einróma.

3. Námsefni og prófkröfur

TF3EK leggur til að próf og námsefni verði yfirfarið heilstætt. Þá með vísan til CEPT reglugerða. Leggur fram bréf með tilvísun í reglugerðar númer o.fl.

Það er skoðun stjórnar ÍRA að gera þurfi átak til að aðlaga námsefni og tilhögun prófa breyttu umhverfi. Hér er bæði um að ræða að ljúka vinnu sem hafin fyrir nokkum árum til að taka saman heildstætt kennsluefni fyrir amatör próf og að próf og námsefni verði í samræmi við tilmæli CEPT. Þessi tilmæli er að finna á slóðinni https://cept.org/ecc/topics/radio-amateurs. Í skjali T/R 61-02 er fjallað um námsefni til G leyfis og ERC Report 32 á við um námsefni til N leyfis. Í ECC Recommendation (05)06 er fjallað um próf fyrir einstaklinga með hamlanir. Ennfremur er það vilji stjórnar að unnið verði að því að innleiða nýjan leyfisflokk í samræmi við ECC Report 89.

Stjórn styður tillögu Einars og verður hún lögð fyrir Prófnefnd ÍRA.

4. Fræðslustjóri

TF3WZ leggur til að búið verði til embætti fræðslustjóra. Fræðslustjóri verði skipaður af stjórn ÍRA til þess að halda utan um almennt fræðslustarf og þar þá helst að halda námskeið  vegna prófs til radioamatörs. Vinnur þá fræðslustjóri að þeim verkefnum fyrir stjórn.

Hellstu verkefni fræðslustjóra yrðu:

  • Dagskrá námskeiðis
  • Samskipti við kennara
  • Samskipti við nemendur
  • Samskipti við Prófnefnd
  • Samskipti við PFS
  • Utanumhald á námskefni, prentun kennsluefnis o.fl.
  • Bókun / umsjón á húsnæði
  • Fréttaflutningur af námskeiði
5. Aðlögun prófs vegna aðstæðna.

TF3JA leggur til að Fræðslustjóra sé gefið það vald að geta gert tillögu til Póst- og fjarskiptastofnunar um að námsmaður fái aðlagað próf vegna sérstakra aðstæðna. TF3DC lagði fram það sjónarmið að þetta verkefni þ.e. framkvæmd prófa hvort sem það væri almenna prófið eða próf við sérstakar aðstæður yrði í höndum Prófnefndar eins og verið hefði. Ef menn teldu að þörf á að stofna til nýs embættis fræðslustjóra væri rétt að hann einbeitti sér að fræðslunni en kæmi ekki að framkvæmd prófanna. Heppilegast væri að halda þessum þáttum, kennsla vs. próf, aðskildum eins og rætt hefði verið áður í stjórninni og menn verið nokkuð sammála um.

,

14. Stjórnarfundur ÍRA 2017

Fundargerð stjórnar ÍRA – Íslenskir radíóamatörar

Skeljanesi, 11. Desember 2017.

Fundur hófst kl. 17:00 og var slitið kl. 19:00.

Stjórn: Formaður TF3JA, varaformaður TF3DC, ritari TF3WZ, gjaldkeri TF3EK, meðstjórnandi TF3NE, varamaður TF8KY og varamaður TF3EO.

Mættir: TF3JA, TF3WZ, TF3EK, TF3EO, TF3NE og TF3DC

Fundarritari: TF3WZ

Dagskrá

1. Birting lista yfir alla radíóamatöra á vef ÍRA.

TF3JA leggur til að fengið verði leyfi hjá PFS til að birta lista yfir alla sem fengið hafa amatörleyfi. TF3DC og TF3EK benda á að PFS ætti að hafa þennan lista á sinni síðu að hætti norsku Póst- og fjarskiptastofnunarinnar sem dæmi. Samþykkt að óska eftir leyfi til að birta hlekk á amatörlistann á heimasíðu ÍRA.

2. Breytingar á prófnefnd

Rætt var um Prófnefnd ÍRA og samskipti við nefndina. Í framhaldi af þeirri umræðu ákvað stjórn að skipta út manni í Prófnefnd ÍRA fyrir áramótin 2017/2018. TF3JA lagði til að stjórn hitti prófnefnd eða formann nendarinnar og færu yfir málin þegar reglugerðin hefði tekið gildi, það var samþykkt.

3. Námsefni

TF3DC spyr hvort HAREC sé ekki notað sem viðmiðun fyrir kennsluefni?  TF3EK, Einar, upplýsir að ekki sé að öllu leyti farið eftir HAREC í vali á námsefni og sem dæmi nefnir að ekki er í HAREC ætlast til að fjallað sé um einstaka íhluti í tækjum og búnaði heldur skuli fjallað um einstakar rásaeiningar og virkni þeirra. Ennfremur er ekkert fjallað um nýja SDR tækni í námsefni ÍRA eins og áður hefur komið fram hjá Einari á fundi í ÍRA. TF3DC segir frá því að fyrir þremur árum hafi borið á góma í stjórn ÍRA (og verið keypt) að frumkvæði TF3GL –  nýútkomin bók sem Norðmenn nota sem er í þýðing á breskri kennslubók HAREC.  Var það mat Prófnefndar ÍRA og kennara, TF3HK að bókin hentaði okkur ekki og námsefnið á íslensku sem notað væri hentaði okkur betur þó það mætti eflaust bæta.

Í framhaldi rifjaði TF3DC upp þá staðreynd að Póst- og fjarskiptastofnun hefur gefið út staðfestingar  til erlendra yfirvalda um að íslensku prófin og leyfin standist HAREC?  Taldi Óskar sjálfsagt að athuga þessa staðreynd í öllu samhengi í rökræðum um málið.

4. Kaup á nýrri stöð

TF3JA leggur til að ÍRA kaupi IC-7610. Tilboð barst  frá FAJ í dag:

ICOM IC-7610 er áætluð til afgreiðslu um miðjan janúar. Verð á stöðinni sem ég get boðið er 2850 evrur + vsk sem gerir um 438.000 kr með vsk miðað við gengið þessa dagana. ICOM RC-28 fjarstýring er á 23.107 með vsk til IRA. Ég á að eiga hana til á lager. Ég bið um staðfestingargreiðslu upp á fjórðung af heildarverði með vsk. Láttið mig vita ef félagið vill staðfesta pöntun. Meðfylgjandi er PDF skjal yfir stöðina. 73, Ásgeir Örn Rúnarsson, TF3AI

TF3EK leggur til að stöðin verði greidd að fullu fyrirfram.

Tillaga um kaup og fyrirframgreiðslu er samþykkt einróma.

5. Næsti stjórnarfundur

Næsti stjórnarfundur verður haldinn að viku, 18. desember 2017 eða strax eftir að fyrirliggjandi reglugerðarbreyting hefur tekið gildi.

,

13. Stjórnarfundur ÍRA 2017

Fundargerð stjórnar ÍRA – Íslenskir radíóamatörar

Skeljanesi, 5. Desember 2017.

Fundur hófst kl. 17:00 og var slitið kl. 19:00.

Stjórn: Formaður TF3JA, varaformaður TF3DC, ritari TF3WZ, gjaldkeri TF3EK, meðstjórnandi TF3NE, varamaður TF8KY og varamaður TF3EO.

Mættir: TF3JA, TF3WZ, TF8KY, TF3EK og TF3DC.

Fundarritari: TF3WZ

Dagskrá

1. Fundargerð síðasta stjórnarfundar
2. Umsagnir vegna umsagna vegna reglugerðarbreyting

Farið var yfir svar vegna umsagnir sem bárust PFS vegna reglugerðarbreytingar. Farið var yfir textann og hann samþykktur. TF3JA og TF3WZ var falið að ljúka við svarið og leggja fyrir stjórn áður en bréfið verður sent inn til PFS.

3. Kallmerki með einum bókstaf í viðskeyti

ÍRA hefur umsagnarrétt samkvæmt reglugerð um radíóáhugamenn nr. 348/2004 um veitingu amatörleyfa og þar með úthlutun kallmerkja.  Hingað til hefur Pfs farið eftir tillögum ÍRA um úthlutun viðskeyta í kallmerkjum og stjórn ÍRA hefur haft til viðmiðunar samþykktir sem gerðar hafa verið innan félagsins um úthlutum viðskeyta. TF3EK lagði fram tillögu að breyttri meðmælareglu á eins bókstafs kallmerkjum sem tekin yrði upp um leið og nýsamþykkt breyting á reglugerð sem er í ferli, verður staðfest.

TF3DC spurði hvort menn hefðu hugsað til enda úthlutanir eins stafs kallmerkja skv. tillögunni án nokkurra skilyrða í ljósi sögunnar og fyrri úthlutana og viðmiðana sem fyrri stjórnir og nefndir hafa komið sér saman um í því sambandi.

,

12. stjórnarfundur ÍRA 2017

Fundargerð stjórnar ÍRA – Íslenskir radíóamatörar

Skeljanesi, 20. nóvember 2017.

Fundur hófst kl. 17:00 og var slitið kl. 18:00.

Stjórn: Formaður TF3JA, varaformaður TF3DC, ritari TF3WZ, gjaldkeri TF3EK, meðstjórnandi TF3NE, varamaður TF8KY og varamaður TF3EO.

Mættir: TF3JA, TF3WZ, TF3EO og TF3EK.

Fundarritari: TF3WZ

Dagskrá

1. Viðræður við Odd hjá ORG Ættfræðiþjónusta.

Rætt var við Odd hjá ORG um aðstöðu og kostnað sem henni fylgir. Oddur kom með þá tillögu að ÍRA greiddi 10 þúsund krónur á mánuði fyrir þrif og öryggiskerfi. Oddur vildi fá greiddar 30 þúsund krónur fyrir þá mánuði sem liðnir voru og svo 10 þúsund eftir það.

Einnig var aðstaðan rædd og lögð fram tillögu um að Oddur fengi “shackinn” uppi fyrir fundaraðstöðu en Oddur tók það ekki í mál. Hann gaf ÍRA leyfi til að nota helming herbergisins fyrir okkur, þ.e. sá hluti rýmis í sameign sem er í suð austur horni.

Samþykkt samhljóða.

2. VHF Manager

TF3JA tilkynnti að samkomulag hefur náðst við TF3ARI að taka að sér að vera VHF manager fyrir ÍRA.

3. Aðstaða

TF3JA leggur til að keyptir verði nýir stólar. TF3JA óskar eftir að fá að leyfi til að klára stólakaup, allt að 30 stóla en ekki fyrir meira en 100.000,- krónur. Samþykkt samhljóða.

4. Keppni næstu helgi

TF3JA og TF3EK ætla að koma upp loftneti til að nota á næstu helgi, ef veður og áhugi félagsmanna leyfir. Stöð félagsins verður einnig yfirfarin og gerð klár.

5. Lagabreytingar

TF3JA leggur til að stjórn ÍRA leggi fram á komandi aðalfundi tillögu TF3EK frá 2016 um breytingu á lögum félagsins. TF3EK lagði fram tillögu að breytingum á greinum 6, 7, 24 og 25. Stjórnarmenn munu fara yfir tillöguna hver í sínu lagi og verður tillagan tekin aftur til umræðu á stjórnarfundi síðar.

6. Félagsstöðin

TF3JA leggur til að IC-7300 stöð félagsins verði seld og í stað hennar keypt IC-7610. Stjórn tók vel í tillöguna. TF3JA mun kanna verð og leggja tillögu fyrir stjórn.

7. YOTA 2018 á Íslandi

TF3JA upplýsti að eftir samskipti við IARU kom í ljós að þar var ekki áhugi á að hafa YOTA 2018 á Íslandi en skoða betur síðar.

,

11. Stjórnarfundur ÍRA 2017

Fundargerð stjórnar ÍRA – Íslenskir radíóamatörar

Skeljanesi, 17. október 2017.

Fundur hófst kl. 17:30 og var slitið kl. 19:00.

Stjórn: Formaður TF3JA, varaformaður TF3DC, ritari TF3WZ, gjaldkeri TF3EK, meðstjórnandi TF3NE, varamaður TF8KY og varamaður TF3EO.

Mættir: TF3JA, TF3WZ, TF3DC og TF3EK.

Fundarritari: TF3WZ

Dagskrá

1. Fundargerð síðasta fundar

Fundargerð síðasta fundar var ekki tilbúin. TF3WZ mun koma henni á almennilegt format og á vefinn fyrir stjórnarmenn að fara yfir. Verður tekin fyrir á næsta stjórnarfundi.

2. YOTA 2018 á Íslandi

TF3JA leggur til að ÍRA muni halda hið árlega YOTA sumarbúðir 2018.  Hugmyndin er að gera þetta í samvinnu við Skátana og yrði þetta væntanlega síðustu vikuna í Júlí 2018 á Úlfljótsvatni. Verkefnið er styrkt af IARU. TF3JA óskar eftir því að fá umboð til að sjá um verkefnið.

Samþykkt einróma.

3. Heimasíða – Vistun á Norðurlandablöðum

TF3WZ bendir á að ef við höfum lokað svæði á síðunni sem er aðgangsstýrt á notanda. Við þetta myndi skapast einhver vinna við utanumhald á notendum, aðstoð og fleira sem því tengist. Þessi kostur er ekki sá besti en myndi augljóslega leysa þá aðgangsstýringu sem þarf að framkvæma.

TF3WZ bendir einnig á að mögulega væri einfaldast að senda tölvupóst á félaga íRA með upplýsingum um hvað þarf til að komast inn á síðuna sem hýsir norðurlandablöðin.

TF3JA athugar málið hvað við megum gera.

4. Skeljanes – Aðstaða ÍRA

TF3JA leggur til að leggja til við Odd ættfræðing að hann fái svæðið sem er uppi fyrir glæsilegt fundarherbergi og auka geymslu fyrir bækur gegn því að við fengjum að hafa svæðið sem niðri, þ.e. alla hæðina sem er fyrir innan bláu hurðina (gamla mötuneytið) út af fyrir okkur.

TF3WZ óskar eftir leyfi til að tala við RVK varðandi Gufunes. Og þá í framhaldi varðandi Skeljanes.

Samþykkt einróma.

5. 160m loftnet

Tillaga um að setja upp álstöng sem er til fyrir 160m. TF3DC  bendir á að það þurfi að smíða fót undir loftnetnið. TF3EK telur það ekki þurfa. TF3EK mun sjá um uppsetningu á loftnetinu. Stefnt er á föstudag eða laugardag.

Samþykkt einróma.

,

Protected: 10. Stjórnarfundur ÍRA 2017

This content is password protected. To view it please enter your password below:

,

9. Stjórnarfundur ÍRA 2017

Fundargerð stjórnar ÍRA – Íslenskir radíóamatörar

Skeljanesi, 16. Ágúst 2017.

Fundur hófst kl. 17:30 og var slitið kl. 19:00.

Stjórn: Formaður TF3JA, varaformaður TF3DC, ritari TF3WZ, gjaldkeri TF3EK, meðstjórnandi TF3NE, varamaður TF8KY og varamaður TF3EO.

Mættir: TF3JA, TF3WZ og TF3DC.

Fundarritari: TF3WZ

Dagskrá

1. Fundargerð síðasta fundar

Fundargerð síðasta stjórnarfundar var samþykkt einróma.

2. NRAU fundur síðustu helgi

TF3JA sótti fundinn. Gaf hann stjórn munnlega skýrslu um hvað fór fram á fundinum. Umræða skapaðist um ýmis málefni.

Fundargerð NRAU fundarins verður birt á síðu félagsins þegar hún kemur út.

3. Hýsing á heimasíðu ÍRA

TF3WZ ræddi við Sensa um að setja upp skriflegan samning um hýsingu á vefsíðu og eða sýndar vélbúnaði sem fylgir heimasíðu ÍRA. Sensa tók vel í það og verður samningur dreginn upp á næstu dögum.

Reikningur sem kom frá Sensa fyrir uppsetningu á sýndarvél verður felldur niður að mestu leiti, eftir mun standa um 30 þúsund.

Stjórn samþykkti greiðslu á reikning með fyrirvara um staðfestingu gjaldkera. Aths gjaldkeri og aðrir stjórnarmenn hafa nú samþykkt þessa greiðslu og lýst ánægju sinn með samstarfið við Sensa.

Stjórn samþykkti að samningur yrði gerður við Sensa.

Stjórn vill einnig að það komi fram að félagið er þakklát þeim styrk sem Sensa veitir félaginu með hýsingu án greiðslu.

4. Nýtt félagsheimili

TF3JA leggur til að sett verði á fót hópur sem tekur að sér að fjalla um aðstöðu félagsins, félagsheimili, staðsetningu og möguleika sem því tengjast.

Eins og staðan er núna er mál á borði Reykjavíkurborgar um aðstöðu í Gufunesi. Vænta má svara frá borginni seinna í ágústmánuði.

5. Námskeið

TF3JA vinnur að námskeiði sem halda á í haust. Sú vinna gengur vel og er á áætlun. Fundur hefur ekki enn verið boðaður með prófnefnd, það verður gert fyrir lok ágústmánaðar.

6. CQ TF

TF3JA leggur til að gerð verði tilraun til að koma CQ TF blaði í útgáfu og leggur til að höfundum verði boðin greiðsla á bilinu 1000 til 3000 krónur fyrir hverja síðu án mynda,  ritstjóri metur efnið og ákveður verð. Fram kom að Danir greiða svipaða upphæð en eingöngu fyrir tæknigreinar. Ákveðið að skoða þetta betur.

7. Vetrardagskrá

TF3JA: Vetrardagskrá er í smíðum.

8. Fyrirspurn frá Kajakfélaginu

Fyrirspurn barst frá Kajakfélaginu um hvort þeir mættu setja niður gám við hlið hússins, norður hlið, milli húss og girðingar.

Stjórn sá því ekkert til fyrirstöðu og mun TF3JA láta þá vita.

9. Næsti stjórnarfundur

Næsti stjórnarfundur yrði 23. ágúst.

10. Önnur mál

TF3DC: Félagið á SteppIR loftnetsgreiðu fyrir 5 bönd ásamt stýribúnaði sem er ekki í neinni notkun eins og er. Leggur til að athugað verði með sölu á henni og fjármunir notað í annarskonar uppbyggingu félagsstöðvar enda vitað af áhugasömum kaupanda. Nú eða þá koma netinu í gagnið. Einnig þurfi að gera við Alphaspid vararótor félagsins þannig að hann nýtist til vara eða við framkvæmd nýrra loftnetshugmynda fyrir félagsstöð. TF3JA leggur til að bíða með ákvörðun um Steppir net þar til húsnæðismálin skýrast.

,

8. Stjórnarfundur ÍRA 2017

Fundargerð stjórnar ÍRA – Íslenskir radíóamatörar

Skeljanesi, 9. Ágúst 2017.

Fundur hófst kl. 17:00 og var slitið kl. 19:00.

Stjórn: Formaður TF3JA, varaformaður TF3DC, ritari TF3WZ, gjaldkeri TF3EK, meðstjórnandi TF3NE, varamaður TF8KY og varamaður TF3EO.

Mættir: TF3JA, TF3EK, TF3WZ og TF3DC.

Fundarritari: TF3WZ

Dagskrá

1. Næsti fundur

Næsti stjórnarfundur ÍRA verður næsta miðvikudag, 16. ágúst klukkan 17:00.

2. Fundargerð síðasta stjórnarfundar

Við lestur síðstu fundargerðar kom fram að Sensa/Síminn styrkir okkur hvað varðar hýsingu á vef félagsins sem og öðrum hýsingum sem félagið er með. TF3DC gerði fyrirspurn um hvort og hvenær hefði verið gerður samningur um þetta og hvað í honum fælist. Sensa/Síminn hefur tekið þetta að sér félaginu að kostnaðarlausu en internet þjónusta verður áfram í boði Vodafone.

TF3WZ benti á að ekki er til samningur við Sensa.

TF3JA óskaði eftir að skoðað yrði hvort ekki væri hægt að hafa skriflegan samning. TF3WZ skoðar samningamál við Sensa.

Fundargerð samþykkt.

3. Reglugerð PFS um starfsemi radíóamatöra á Íslandi

TF3JA: Ósk ÍRA um breytingu á reglugerð eins og samþykkt var á aðalfundi ársins hefur farið í gegn hjá PFS og liggur nú til samþykkis hjá ráðuneyti.

Einnig var rætt um “entry level” leyfi eða innkomuleyfi og reifuð sú hugmynd að nýta til þess lærlingsleyfið í núverandi reglugerð með breytingu á kallmerkja vali fyrir lærlinga og nánari skilgreiningu á útfærslu eða framkvæmd leyfa til lærlinga. TF3JA mun kynna sér fyrirkomulag og/eða umræðu um slíkt leyfi í nágrannalöndum okkar.

4. Námskeið í haust

Félagið heldur námskeið í haust og verður námskeiðið auglýst í byrjun september. Áætlað er að hefja námskeiðið í byrjun október og ljúka með prófi 11. nóvember.

Félagið ætlar að undirbúa kynningarnámskeið fyrir byrjendur og ungt fólk sem hægt væri að halda með litlum fyrirvara og sem víðast um landið. Kannað verður samstarf við grunnskóla um námskeið.

5. Námsefni fyrir verðandi radíóamatöra svk. reglugerð.

TF3EK bendir á að námskefni er ekki samkvæmt því sem CEPT 61-02 (Harmonised Amateur Radio Examination Certificate, HAREC).

TF3EK leggur til að formaður ÍRA að ræði við prófnefnd að samræmingu námsefnis og prófs við TF61-02 kafla 1.10, 3.7, 3.8, 4 og 5.

Samþykkt var að formanni yrði falið að óska eftir fundi með prófnefnd fyrir lok ágúst 2017.

5. Kennslu- og kynningarefni

Kennslu- og kynningarefni á heimasíðu ÍRA.

TF3DC bendir á kynningarmyndband um amatörheiminn sem Bretar bjuggu til og hvort það væri til athugunar að þetta gæti nýst ÍRA. Stjórn tók vel í þetta.

Samþykkt að TF3JA óski eftir heimild frá RSGB til að þýða, talsetja og nota myndbandið á heimasíðu ÍRA og um leið óski eftir leyfi RSGB til að þýða og nota annað kennsluefni frá þeim.

6. NRAU fundur 11. – 13. ágúst

TF3JA sækir NRAU fund í Danmörku um komandi helgi.

TF3WZ bendir á að eðlilegt sé að félagið greiði kostnað við ferðina  (TF3JA sat hjá). Kostnaður er áætlaður um 70 þúsund krónur. Samþykkt var að greiða þann kostnað sem hlýst af ferðinni.

Stjórn mun einnig sækja styrk sem er í boði frá NRAU fyrir vegna þátttöku ÍRA í fundi NARU. TF3JA mun sjá um það ferli.

TF3DC benti  á að hann hefði séð á heimasíðu NRAU að samtökin héldu sérstaka VHF fundi ár hvert sem við ættum að fylgjast með tengt leit okkar að VHF-stjóra fyrir félagið. Stjórnin mun áfram leita að VHF stjóra.

7. Félagsheimilið Skeljanesi

TF3JA hefur rætt við aðila hjá Reykjavíkurborg. Þeir eru velviljaðir að aðstoða okkur hvað varðar húsnæði. Eftir 20. ágúst mun frekar koma í ljós með framhaldið.

8. VHF-Útileikar og Útileikar (HF)

TF3JA og stjórn vill óska Einari og Hrafnkeli til hamingju með hversu vel var að verki staðið um utanumhald á leikunum. Síður sem gerðar voru og allt viðmót. Loggar skiluðu sér gríðarlega vel og voru félagsmenn almennt virkilega ánægðir með ferlið. Í grein TF3IK á heimasíðu ÍRA kemur fram að hann heyrði í 19 kallmerkjum í loftinum og útilokar ekki að fleiri hafi verið virkir.

9. Önnur mál

Formaður, TF3JA, bendir á að stjórnarmenn mættu standa sig betur í að láta vita komist þeir ekki á fundi.

TF3JA: Verið er að skoða samstarf við stuttbylgjufjarskiptahóp og hugsanlega kaup á búnaði sem hæfir þessu verkefni.

TF3JA: Bendir á að tiltekt á búnaði í eigu félagsins sé þörf bæði í geymslu í kjallara sem og frágang á öðrum búnaði í eigu félagsins.

TF3DC bendir á að ekki hafi verið gengið frá eftir Flóamarkað í fundarsal sem létti ekki lund sambýlinga í húsinu. Þ.e. búnaður virðist hafa verið skilinn eftir.

TF3DC bendir á umgengni í fjarskiptaherbergi sem hafi verið almennt góð fari versnandi. Búið sé að rífa hljóðnema frá á Heil headsetti. Rætt hvernig best sé að tryggja öryggi búnaðar þegar ókunnugir og gestir koma í félagsheimilið. Mætti vísa til fyrri tjóna í þessu sambandi ef þarf.