,

Opið í Skeljanesi í kvöld 20 – 22

Opið verður að venju í Skeljanesi í kvöld frá klukkan átta til tíu eða lengur ef menn vilja. Ekkert ákveðið fundarefni er á dagskrá í kvöld en á fésbók hefur vaknað umræða um kallmerki og því ekki úr vegi að spjalla opið um kallmerkin í kvöld eða hvað annað sem áhugi er á að fjalla um.

Einar, TF3EK og Þór, TF3GW/TF1GW hafa fallist á að sitja fyrir svörum um kallmerki radíóamatöra í kvöld. Þeir opna umræðuna um klukkan 20:15 og nú hvetjum við alla sem vilja koma sínum skoðunum á framfæri að mæta og taka þátt. Kaffi og meðlæti í boði félagsins.

Við minnum á að hjá stjórnvöldum liggur til afgreiðslu tillaga okkar radíóamatöra um breytingu á reglugerð sem sem samþykkt var á síðasta aðalfundi sjá Aðalfundur 2017:

Tillögur um breytingar á 8. grein í

Reglugerð um starfsemi radíóáhugamanna, 348/2004

Fyrsta málsgrein verði svo hljóðandi:

Póst- og fjarskiptastofnun úthlutar leyfishöfum kallmerki sem nota skal í öllum viðskiptum. Íslensk kallmerki hefjast á bókstöfunum TF en á eftir fylgir tölustafur og síðan einn til þrír bókstafir. Póst- og fjarskiptastofnun getur úthlutað sérstöku kallmerki vegna reksturs sameiginlegrar stöðvar jafnvel þó að þeir sem að slíkum rekstri standa hafi sitt eigið kallmerki.

Þriðja málsgrein verði svohljóðandi:

Leyfishafar sem nota far- eða burðarstöðvar skulu bæta aftan við kallmerki sitt skástriki og bókstafnum M eða P eftir því hvort um far- eða burðarstöð er að ræða.

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *

8 + 6 =