,

FRÁBÆR FIMMTUDAGUR Í SKELJANESI

Sæmundur E. Þorsteinsson, TF3UA mætti í Skeljanes 13. apríl með erindið Stafræn merkjavinnsla fyrir radíóamatöra.

Hann flutti okkur frábært erindi þar sem hann útskýrði og fór yfir hugtakið “stafræn merkjavinnsla“. Hann úrskýrði m.a. mismunandi merki, þ.e. hliðræn, stakræn og stafræn og hverjir eru kostir og ókostir við stafræna merkjavinnslu. Hann tók dæmi um viðtæki og sendi-/móttökustöðvar radíóamatöra þar sem SDR tæknin hefur verið innleidd og töluverð þróun hefur verið síðustu ár.

Sæmundur fjallaði um sýnatökuregluna og skýrði mikilvægi þess að brjóta hana ekki í stafrænni merkjavinnslu og nefndi dæmi um afleiðingar þess að brjóta regluna. Hann fjallaði einnig um hugbúnaðarradíó og fleiri notkunartilvik fyrir stafræna merkjavinnslu. Að lokum fjallaði hann um A/D og D/A breytur.

Erindið tók um klukkustund í flutningi og var farið yfir margar glærur með texta og ljósmyndum. Fyrirspurnir voru fjölmargar sem Sæmundur svaraði á meðan á flutningi stóð og eftir erindið, var áfram rætt yfir kaffinu. Vefslóð á glærur:
http://www.ira.is/wp-content/uploads/2023/04/Stafraen-merkjavinnsla-fyrir-amatora.pdf

Sérstakar þakkir til Sæmundar E. Þorsteinssonar, TF3UA fyrir vandað, áhugavert og fróðlegt erindi í máli og myndum. Alls mættu 33 félagsmenn og 2 gestir í Skeljanes þetta ágæta fimmtudagskvöld í vorveðri í vesturbænum í Reykjavík.

Stjórn ÍRA.

Sæmundur E. Þorsteinsson TF3UA flutti erindi á vetrardagskrá ÍRA í Skeljanesi.
Sæmundur sýndi fjölmargar glærur með texta og myndum.

Stafræn merkjavinnsla er notuð á mörgum sviðum, m.a. í sendi-/móttökustöðvum fyrir radíóamatöra.

Fremsta röð: Vilhjálmur Í. Sigurjónsson TF3VS, Ágúst H. Bjarnason TF3OM og Þórarinn Benedikz TF3TZ.
Önnur röð: Þorvaldur Bjarnason TF3TB, Einar Kjartansson TF3EK og Georg Kulp TF3GZ.
Þriðja röð: Gunnar Bergþór Pálsson TF2BE, Yngvi Harðarson TF3Y, Mathías Hagvaag TF3MH, Örn Gunnarsson TF3-083 og Hrafnkell Sigurðsson TF8KY.
Fjórða röð: Sveinn Goði Sveinsson TF3ID, Ari Þórólfur Jóhannesson TF1A og Heimir Konráðsson TF1EIN.
Aftasta röð: Njáll H. Hilmarsson TF3NH. Sigmundur Karlsson TF3VE og Andrés Þórarinsson TF1AM.

Jón Björnsson TF3PW, Vilhjálmur Í. Sigurjónsson TF3VS, Einar Kjartansson TF3EK, Þorvaldur Bjarnason TF3TB og Örn Gunnarsson TF3-083 .
Hrafnkell Sigurðsson TF8KY, Georg Kulp TF3GZ, Sveinn Goði Sveinsson TF3ID, Einar Kjartansson TF3EK og Pier Albert Kaspersma TF3PKN.
Gunnar Bergþór Pálsson TF2BE, Sæmundur E. Þorsteinsson TF3UA og Vilhjálmur Í. Sigurjónsson TF3VS.
Sigmundur Karlsson TF3VE, Heimir Konráðsson TF1EIN og Andrés Þórarinsson TF1AM. Þakkir til Óskars Sverrissonar TF3DC, Georgs Kulp TF3GZ og Jóns Björnssonar TF3PW fyrir ljósmyndir.
0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *

two × two =