Kallmerki

Kallmerki.

Upplýsingar um úthlutun viðskeyta eru yfirfarnar og réttar m.v. 8.6.2011. Gögn til grundvallar eru frá PFS dags. 8.6.2011 og úthlutuð kallmerki til og með 8.6.2011. Fyrirvari er gerður um hugsanlegar villur. Ábendingar eru vel þegnar. Ábm. Jónas Bjarnason, TF2JB.

Kallmerkið er einkenni hverrar amatörstöðvar. Engar tvær stöðvar radíóamatöra í heiminum hafa sama kallmerki og er því sérhvert kallmerki einstakt. Öll slensk kallmerki byrja á TF sem er alþjóðlegt forskeyti fyrir Ísland. Sem dæmi, er forskeyti fyrir Danmörku OZ og fyrir Noreg LA. Landinu er skipt í 10 kallsvæði, frá 0-9. Algengustu tölur í íslenskum forskeytum er tölustafurinn 3 (höfuðborgarsvæðið) og 8 (Suðurnes). Þannig eru flest íslensk kallmerki með forskeytið TF3. Íslensk kallmerki eru yfirleitt á bilinu 4-6 stafir að lengd, þ.e. forskeytið og síðan 1-3 persónubundnir bókstafir (stafurinn N bætist aftan við tveggja bókstafa viðskeyti ef um N-leyfi er að ræða).

Dæmi: TF3IRA. Forskeytið í kallmerkinu, "TF", stendur þannig fyrir Ísland. Tölustafurinn "3" (sem er hluti forskeytisins) hefur landfræðilega merkingu og táknar að stöðin hafi lögheimili á höfuðborgarsvæðinu. Viðskeytið "IRA" stendur síðan fyrir félag Íslenskra radíóamatöra. Annað dæmi: W1AW. Forskeytið "W" stendur fyrir Bandaríkin. Tölustafurinn "1" (sem er hluti forskeytisins) hefur hefur ekki landfræðilega skírskotun. Viðskeytið "AW" stendur fyrir félag bandarískra radíóamatöra. Til skýringar. Í sumum þjóðlöndum hefur tölustafur/tölustafir í forskeyti kallmerkis ekki lengur landfræðilega merkingu. Þau lönd eru þó í minnihluta í heiminum. Mest er af lausum þriggja stafa viðskeytum (en þau eru plássins vegna ekki tíunduð hér). Senda má fyrirspurn til Í.R.A. eða til Póst- og fjarskiptastofnunar um hvort kallmerki með tilteknu þriggja stafa viðskeyti er laust til úthlutunar.

Hér fyrir neðan má sjá lista yfir tveggja stafa viðskeyti í íslenskum kallmerkjum. Undirstrikun táknar að kallmerkinu hefur verið úthlutað. Líkt og fram kemur aðofan er gerður fyrirvari um hugsanlegar villur. Bent er á að flest þriggja stafa kallmerki eru laus, en N-leyfishöfum er nauðsynlegt að velja sér tvo stafi, enda verður síðasti stafurinn í kallmerki þeirra ætíða að vera N.