2010/03/14
Myndin er tekin á flóamarkaði í Friedrichshafen í Þýzkalandi 2008. Ljósm. TF2JB.
Ákveðið hefur verið að fresta áður auglýstri dagsetningu flóamarkaðar Í.R.A. um 3 vikur, þ.e. til sunnudagsins 11. apríl n.k. Tímasetning er óbreytt: Kl. 10:00 árdegis. Félagið býður upp á rjúkandi kaffi og ný vínarbrauð frá Sandholt bakaríi.
Félagar geta mætt í Skeljanesið með gamlar (og/eða jafnvel nýjar stöðvar), viðtæki, senda, aukahluti fyrir stöðvar, aflgjafa, loftnet, loftnetaefni, þétta, spólur, einangrara, tengi og þess háttar...Nú gefst gott tækifæri til að selja (eða jafnvel gefa) það sem ekki er þörf fyrir lengur.
Það var mikið fjör í fyrra (2009) og margt um manninn. Félagsmenn eru hvattir til þess að mæta með sem mest af dóti.
Nánari upplýsingar má fá hjá Sveini Braga Sveinssyni, TF3SNN, sem er umsjónarmaður verkefnisins. (E-mail: tf3sn@simnet.is; GSM 848-3916).
