CQ World Wide DX SSB keppnin fer fram helgina 30.-31. október. Þetta er 48 klst. keppni og engin tímatakmörk.

Markmiðið er að ná eins mörgum samböndum og hægt er við aðra radíóamatöra um allan heim – í eins mörgum löndum (DXCC einingum) og á eins mörgum CQ svæðum og frekast er unnt. Keppt er á 1.8, 3.5, 7, 14, 21 og 28 MHz.

Þetta er stærsta alþjóðlega SSB keppni ársins. Undanfarin ár hafa yfir 35 þúsund radíóamatörar haft sambönd keppnisdagana. Í boði eru 66 mismunandi keppnisflokkar (tveir nýir bætast við í í ár, „Explorer“ og „Youth“).

Í ljósi nýlegra tilslakana heilbrigðisráðherra á takmörkum vegna farsóttar, kemur til greina að skoða á ný þátttöku í fleirmenningsflokki frá félagsstöðinni í Skeljanesi. Áhugasamir félagar eru beðnir um að hafa samband við Óskar Sverrisson, TF3DC keppnisstjóra ÍRA (GSM 862-3151). Hugmyndin er ennfremur, að ræða keppnina í félagsaðstöðunni n.k. fimmtudagskvöld.

Stjórn félagsins hvetur félagsmenn til þátttöku og að skila inn radíódagbókum að henni lokinni. Látum TF og CQ svæði 40 hljóma á sem flestum böndum þar sem á annað borð eru skilyrði til fjarskipta.

Með ósk um gott gengi! Stjórn ÍRA.

Heimasíða keppninnar: https://www.cqww.com/index.htm
Keppnisreglur: https://www.cqww.com/rules.htm

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *

eight − six =