CQ World Wide DX SSB keppnin fer fram helgina 29.-30. október.

Markmiðið er að ná eins mörgum samböndum og hægt er við aðra radíóamatöra um allan heim – í eins mörgum löndum (DXCC einingum) og á eins mörgum CQ svæðum og frekast er unnt. Keppt er á 1.8, 3.5, 7, 14, 21 og 28 MHz.

Þetta er stærsta alþjóðlega SSB keppni ársins; 48 klst. og engin tímatakmörk og í boði eru 66 mismunandi keppnisflokkar.

Stjórn félagsins hvetur félagsmenn til þátttöku og að skila inn radíódagbókum að henni lokinni. Alls var skilað dagbókum fyrir 11 TF kallmerki til keppnisstjórnar í fyrra (2021).

Með ósk um gott gengi!

Stjórn ÍRA.

Heimasíða keppninnar: https://www.cqww.com/
Keppnisreglur: https://www.cqww.com/rules.htm

Andrés Þórarinsson, TF1AM mun taka þátt í keppninni í ár eins og svo mörg fyrri ár. Sem dæmi var Andrés með góðan árangur í keppninni 2013 þegar hann keppti í einmenningsflokki á öllum böndum, háafli. Heildarstig: 693.076; QSO 1.694; 62 CQ svæði og 264 lönd – sem er góður árangur m.v. aðeins 26,1 klst. viðveru. Ljósmynd: TF1AM.
0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *

16 + 12 =