Opið hús verður í félagsaðstöðu ÍRA í Skeljanesi fimmtudaginn 15. ágúst.
Opin málaskrá, nýjustu tímaritin og góður félagsskapur. Kaffi, te, létt kolsýrt vatn og meðlæti.
Stjórn ÍRA.
Í dag, 10. ágúst, bættist við 5. innanlandsviðtækið til hlustunar yfir netið. Það er sömu tegundar og þau fyrri, þ.e. af KiwiSDR gerð, staðsett á Raufarhöfn. Viðtækið hefur afnot af svokölluðu T-loftneti, sem er lóðréttur vír (topplódaður) og var fyrir á staðnum.
KiwiSDR viðtækin vinna frá 10 kHz upp í 30 MHz. Hægt er að hlusta á AM, FM, SSB og CW sendingar og má velja bandbreidd sem hentar hverri mótun. Allt að átta notendur geta verið skráðir inn á viðtækið samtímis. Georg Kulp, TF3GZ og Árni Helgason, TF4-Ø11, stóðu að uppsetningu tækisins í dag, auk þess sem Ari Þórólfur Jóhannesson, TF1A, veitti tæknilega aðstoð.
Slóðin er: http://raufarhofn.utvarp.com eða http://r.utvarp.com
Sjá nánari upplýsingar, m.a. um önnur KiwiSDR viðtæki hérlendis í fróðlegri grein Ara Þórólfs Jóhannessonar, TF1A, sem birtist í 3. tbl. CQ TF 2018 (bls. 44-46). Vefslóð: http://www.ira.is/wp-content/uploads/2018/10/cqtf_32arg_2018_03tbl.pdf
Stjórn ÍRA þakkar viðkomandi fyrir verðmætt framlag. Hér um að ræða mikilvæga viðbót fyrir radíóamatöra sem gera tilraunir í þessum tíðnisviðum, auk hlustara og allra sem hafa áhuga á útbreiðslu radíóbylgna.
Ari Þórólfur Jóhannesson, TF1A, VHF stjóri félagsins og Georg Kulp, TF3GZ, mættu í Skeljanes fimmtudaginn 8. ágúst eftir vinnu og settu upp loftnetsbúnað fyrir Es’Hail-2/P4A/ Oscar 100 gervitunglið. Veðuraðstæður voru eins góðar og hugsast getur, sólskin, 18°C hiti og passleg gola.
Sett var upp öflug veggfesting og 85cm loftnetsdiskur á austurhlið hússins í Skeljanesi. Verkið gekk vel og tókst að ganga frá köplum og stilla loftnetið áður en kom að opnun félagsaðstöðunnar kl. 20.
Þegar tími gefst á næstunni, er hugmyndin að ljúka tengingum og frágangi innanhúss, en Kenwood TS-2000 stöð félagsins mun notast við sértækan búnað frá PE1CMO sem kom til landsins í síðasta mánuði. Það styttist því í að TF3IRA verði QRV um nýja gervitunglið.
Stjórn félagsins þakkar þeim félögum gott framlag.
Hrafnkell Sigurðsson, TF8KY, umsjónarmaður leikanna flutti stutta kynningu í Skeljanesi fimmtudaginn 8. ágúst. Þar kom m.a. fram, að 18 stöðvar skiluðu inn gögnum í ár, samanborið við 19 í leikunum í fyrra (2018).
Jónas Bjarnason, TF3JB, formaður ÍRA, þakkaði TF8KY og hópnum frábæra vinnu við undirbúning leikanna. Hann afhenti síðan verðlaun félagsins fyrir 3 efstu sætin:
1. sæti, Óðinn Þór Hallgrímsson, TF2MSN, 2.408 heildarstig.
2. sæti, Hrafnkell Sigurðsson, TF8KY, 2.160 heildarstig.
3. sæti, Ólafur B. Ólafsson, TF3ML, 1.581 heildarstig.
Hrafnkell kynnti að lokum Íslandsmet í drægni á 23cm bandinu sem náðist í leikunum, en þeir TF3ML og TF8YY höfðu QSO á FM mótun á 1294,5 MHz frá fjallinu Búrfelli til Keflavíkur og var vegalengd 134 km. Í lokin ræddi Keli keppnisreglur og kynnti hugsanlegar breytingar, sem verða til þróunar fyrir næsta ár.
Alls mættu 23 félagar og 1 gestur í Skeljanes þetta ágæta fimmtudagskvöld í blíðviðri í Vesturbænum.
(Niðurstöður verða birtar í heild í 4. tbl. CQ TF sem kemur út 30. september n.k.).
Afhending verðlauna í VHF/UHF leikum ÍRA 2019 fer fram í Skeljanesi, fimmtudaginn 8. ágúst kl. 20:30.
Hrafnkell Sigurðsson, TF8KY, umsjónarmaður leikanna, mun jafnframt fara yfir helstu niðurstöður. Hann mun m.a. skýra frá nýju Íslandsmeti í drægni á 23 cm bandinu sem sett var í leikunum í ár.
Alls voru tæpir tveir tugir leyfishafa skráðir til þátttöku helgina 20.-21. júlí s.l. Það er jafn góð þátttaka og í fyrra (2018) – sem var besta þátttaka frá upphafi (2012).
Félagar, mætum tímanlega, kaffiveitingar.
Stjórn ÍRA.
Útileikar ársins eru u.þ.b. hálfnaðir þegar þetta er skrifað, eftir hádegi sunnudaginn 4. ágúst. Ágæt þátttaka hefur verið það sem af er – en framundan eru tvö tímabil:
- Kl. 21-24 í kvöld (sunnudag); og
- Kl. 08-10 í fyrramálið (mánudag).
Meðfylgjandi mynd var tekin í fjarskiptaherbergi TF3IRA í morgun (sunnudag), en félagsstöðin er að sjálfsögðu QRV í leikunum.
Hafa má sambönd á 4 böndum: 160 m, 80 m, 60 m og 40 m. Sambönd á hærri tíðnum teljast eins og sambönd á 40 m. Tilgreind tímabil (að ofan) eru einungis hugsuð til að þétta virknina, en heimilt er að hafa sambönd alla verslunarmannahelgina.
Félagsmenn eru hvattir til að taka þátt.
Stjórn ÍRA.
TF útileikarnir verða haldnir um verslunarmannahelgina, dagana 3–5. ágúst og verða þá 40 ár síðan þeir voru fyrst haldnir.
Einar Kjartansson, TF3EK, umsjónarmaður leikanna, mætti í félagsaðstöðuna í Skeljanesi fimmtudaginn 1. ágúst, flutti stutta kynningu og fór yfir helstu atriði.
Hafa má sambönd á 4 böndum: 160 m, 80 m, 60 m og 40 m. Sambönd á hærri tíðnum teljast eins og sambönd á 40 m. Tilgreind tímabil hér að neðan eru einungis hugsuð til að þétta virknina, en sambönd utan þeirra skrást jafnt til stiga. Þátttökutímabil:
- 17-19 laugardag
- 09-12 sunnudag
- 21-24 sunnudag
- 08-10 mánudag
Dagbækur má senda í tölvupósti eða skila með því að fylla út eyðublað á netinu, vefslóð er: http://eik.klaki.net/cgi-bin/utileikar
Frestur til að ganga frá dagbókum rennur út á miðnætti næsta mánudag eftir verslunarmannahelgi. Nánari upplýsingar í 3. tbl. CQ TF 2019, bls. 37-38. Vefslóð: http://www.ira.is/wp-content/uploads/2019/06/cqtf_33arg_2019_03tbl.pdf
Stjórn ÍRA hvetur félagsmenn til þátttöku og óskar þeim góðs gengis.
TF útileikarnir 2019 verða haldnir um verslunarmannahelgina, 3.-5. ágúst n.k., en 40 ár eru síðan fyrstu leikarnir voru haldnir, árið 1979.
Einar Kjartansson, TF3EK, umsjónarmaður leikanna, mætir í félagsaðstöðuna í Skeljanesi fimmtudaginn 1. ágúst flytur stutta kynningu og svarar spurningum.
Erindi Einars hefst stundvíslega kl. 20:30.
Félagar eru hvattir til að fjölmenna. Veglegar kaffiveitingar.
Stjórn ÍRA.
Áður auglýst úrslit og verðlaunaafhending í VHF/UHF leikunum 2019 verður fimmtudaginn 8. ágúst en ekki fimmtudag 1. ágúst.
Beðist er velvirðingar á þessari breytingu.
Stjórn ÍRA.
Úrslit í VHF/UHF leikunum 2019 verða kynnt í Skeljanesi, fimmtudaginn 8. ágúst, kl. 20:30, en ekki 1. ágúst eins og áður var auglýst.
Hrafnkell Sigurðsson, TF8KY, umsjónarmaður leikanna, mun fara yfir helstu niðurstöður. Hann mun m.a. skýra frá nýju Íslandsmeti í drægni á 23 cm bandinu sem sett var að þessu sinni.
Alls voru tæpir tveir tugir leyfishafa skráðir til þátttöku í leikunum sem fram fóru helgina 20.-21. júlí s.l. Það er jafn góð þátttaka og í fyrra (2018) – sem var besta þátttaka frá upphafi (2012).
Leikjasíðan verður opin til miðnættis Í kvöld (sunnudagskvöld) 28. júlí. Til þess tíma verður hægt að leiðrétta innsláttarvillur. Eftir það liggja úrslit fyrir og mun verðlaunaafhending fara fram í Skeljanesi, fimmtudaginn 1. ágúst.
Félagar, mætum tímanlega, veglegar kaffiveitingar.
Stjórn ÍRA.
