Næsta tölublað CQ TF, 1. tölublað ársins 2024, kemur út 28. janúar n.k.
Allt efni um áhugamálið er vel þegið í blaðið, s.s. frásagnir, ljósmyndir, eða jafnvel aðeins punktar og ábendingar um efni sem vinna má úr.
Félagsmönnum er boðið að auglýsa frítt í blaðinu notuð fjarskiptatæki og/eða búnað sem tilheyrir áhugamálinu.
Skilafrestur efnis er til 14. janúar n.k. Netfang: saemi@hi.is
Félagskveðjur og 73,
Sæmundur E. Þorsteinsson, TF3UA
ritstjóri CQ TF
.
Forseti sæmdi 14 Íslendinga heiðursmerki hinnar íslensku fálkaorðu við hátíðlega athöfn á Bessastöðum á nýársdag.
Þar á meðal var félagsmaður okkar, Sigurður Harðarson, TF3WS rafeindavirkjameistari sem fékk riddarakross fyrir störf á sviði fjarskipta- og öryggismála í þágu björgunarsveita, lögreglu og brunavarna.
Við óskum Sigga Harðar, TF3WS innilega til hamingju.
Stjórn ÍRA.
,
,
RAC WINTER KEPPNIN stendur yfir laugardaginn 30. desember. Hún hefst kl. 00:00 og lýkur kl. 23:59. Keppnin fer fram á morsi og tali (SSB og CW) á 160, 80, 40, 20, 15, 10, 6 og 2 metrum.
Skilaboð: RS(T) + raðnúmer.
YOUNGSTERS ON THE AIR – YOTA KEPPNIN fer fram laugardaginn 30. desember. Þetta er 3. og síðasti hluti keppninnar á árinu og hefst kl. 12:00 og lýkur kl. 23:59. Keppnin fer fram á tali og morsi (SSB og CW) á 80, 40, 20, 15 og 10 metrum.
Skilaboð: RS(T) + aldur þátttakanda.
STEW PERRY TOPBAND CHALLENGE KEPPNIN hefst kl. 15:00 laugardag 30. desember og lýkur kl. 15.00 sunnudag 31. desember. Keppnin fer fram á morsi (CW) á 160 metrunum.
Skilaboð: RST + fjögurra stafa Maidenhead reitur (e. grid square).
ORIGINAL QRP KEPPNIN er sólarhringskeppni. Hún hefst laugardag 30. desember kl. 15:00 og lýkur kl. 15:00 sunnudag 31. desember. Keppnin fer fram á tali og morsi (SSB og CW) á 80, 40 og 20 metrum.
Skilaboð: RS(T) + raðnúmer + aflflokkur (VLP, QRP eða MP).
Með ósk um gott gengi.
Stjórn ÍRA.
Stjórn ÍRA óskar félagsmönnum og fjölskyldum þeirra gleðilegrar jólahátíðar og farsældar á nýju ári 2024.
Félagsaðstaðan í Skeljanesi verður næst opin fimmtudaginn 11. janúar n.k.
Stjórn ÍRA.
.
Teknar voru saman upplýsingar um TF kallmerki sem fengu skráningu á þyrpingu (e. cluster) vikuna 11.-17. desember 2023.
Alls fengu 13 TF kallmerki skráningu. Flestir voru QRV á stafrænum mótunum (FT8), en einnig á morsi (CW), fjarritun (RTTY) og tali (SSB). Bönd: 10, 12, 15, 17, 20, 40 og 160 metrar.
Kallmerki fær skráningu þegar leyfishafi [eða hlustari] hefur haft samband við [eða heyrt í] TF kallmerki. Svokallað „self spotting“ er ekki tekið með. Upplýsingarnar eru fengnar á http://new.dxsummit.fi/#/ Sambærilegar síður eru í boði á netinu til samanburðar.
Fyrst er skráð kallmerki, þá tegund(ir) útgeislunar og band/bönd sem kallmerki fær skráningu á.
Til skoðunar er að taka reglulega saman upplýsingar af þessu tagi.
Stjórn ÍRA.
TF1EIN FT8 á 10 og 12 metrum.
TF2CT FT8 á 12 metrum.
TF2MSN FT8 á 10, 12 og 160 metrum.
TF3AO RTTY á 10 og 20 metrum.
TF3EK FT8 á 17 metrum.
TF3DC CW á 12 og 17 metrum.
TF3G FT8 á 15 og 30 metrum.
TF3PPN FT8 á 10 og 15 metrum.
TF3T SSB á 40 metrum.
TF3VE FT8 á 10 og 12 metrum.
TF5B FT8 á 12, 15, 17 og 40 metrum.
TF6MK FT8 á 17 metrum
TF8SM CW á 40 metrum.
Jólakaffi ÍRA 2023, viðhafnarkaffi var haldið í félagsaðstöðunni í Skeljanesi fimmtudaginn 14. desember.
Kvöldið heppnaðist vel. Mikil ánægja – allir hressir og umræður á báðum hæðum. Skemmtilegur endir á metnaðarfullri fræðsludagskrá félagsins sem hófst 5. október s.l. Félagsaðstaðan verður næst opin fimmtudag 11. janúar 2024.
Alls mættu 30 félagsmenn og 1 gestur í Skeljanes þetta veðurstillta og fagra vetrarkvöld í vesturbænum í Reykjavík.
Stjórn ÍRA.
Næsti viðburður á dagskrá ÍRA er jólakaffi félagsins, viðhafnarkaffi sem haldið verður í félagsaðstöðunni í Skeljanesi, fimmtudaginn 14. desember kl. 20:30.
Húsið verður opnað kl. 20:00 að venju.
Þetta verður jafnframt síðasta opnun félagsaðstöðunnar á þessu ári en hún verður næst opin fimmtudaginn 11. janúar 2024.
Verið velkomin í Skeljanes!
Stjórn ÍRA.
Kristján Benediktsson, TF3KB mætti í Skeljanes sunnudaginn 10. desember með umræðuþemað: „Ráðstefna IARU Svæðis-1 1.-4. nóvember 2023“. Kristján er IARU/NRAU tengiliður ÍRA og var fullrúi félagsins á ráðstefnunni sem haldin var í Zlatibor í Serbíu og tók þátt yfir netið.
Fram kom m.a. að yfir 120 fulltrúar landsfélaga Svæðis 1 sótti ráðstefnuna sem starfaði í fimm vinnunefndum að viðbættum allsherjarfundum (e. plenum). M.a. voru samþykkt útgjöld til stuðnings við framtíðarmótun og nýsköpun. Einnig YL og ungmennastarfsemi, auk IARU verkefna í Friedrichshafen. Teknar voru fyrir á annað hundrað greinargerðir, tillögur og erindi landsfélaga. Fastir vinnuhópar skiluðu skýrslum. Sjá nánar vefslóðina: https://conf.iaru-r1.org/documents/
Samþykkt WRC-23 um 23cm bandið frá 8. desember.
Í lok umræðna kynnti Kristján glænýja samþykkt WRC-23 alheimsráðstefna Alþjóða fjarskiptasambandsins ITU (International Telecommunications Union) sem starfar um þessar mundir í Dubai í Sameinuðu arabísku furstadæmunum. Samþykktin varðar 23cm bandið (1240-1300 MHz) þar sem radíóamatörar hafa víkjandi aðgang í forgangsflokki 2.
Vegna vaxandi notkunar staðsetningartungla og fjölgunar staðsetningarkerfa á þessu tíðnisviði samþykkti síðasta ráðstefna (WRC-19) að gera úttekt á hugsanlegum truflunum, sem radíóamatörar gætu mögulega valdið. Mikil og vönduð vinna hefur verið lögð sl. 4 ár í úttektir á þessu og skrifaðar um það vandaðar skýrslur. Sjá nánar vefslóðina: https://www.iaru-r1.org/2023/23cm-band-outcome-approved-at-the-7th-plenary-meeting-of-wrc-23/
Á WRC-23 ráðstefnu ITU var síðan lögð fram lokaskýrsla (ITU-R M.2164) um útfærslu sem allir notendur ættu að geta við unað. WRC-23 samþykkti að gera þá útfærslu ekki að skyldu, heldur vísa einungis til hennar í neðanmálsgrein. IARU hefur lýst yfir mikilli ánægju með þessi málalok.
Sérstakar þakkir til Kristjáns Benediktssonar, TF3KB fyrir afar afar fróðlegan og vel heppnaðan sófasunnudag í Skeljanesi. Alls mættu 6 félagsmenn og 1 gestur í Skeljanes þennan ágæta sunnudagsmorgun í vesturbænum í Reykjavík.
Stjórn ÍRA.
Næsti viðburður í Skeljanesi er í boði á sunnudag 10. desember kl. 11:00. Þá mætir Kristján Benediktsson, TF3KB IARU/NRAU tengiliður ÍRA með umræðuþemað: „Ráðstefna IARU Svæðis-1 1.-4. nóvember 2023“. Kristján var fullrúi félagsins á ráðstefnunni sem haldin var í Serbíu í síðasta mánuði og tók þátt yfir netið.
Húsið opnar kl. 10:30 en viðburðurinn hefst kl. 11 stundvíslega og miðað er við að umræðum ljúki um kl. 12 á hádegi. Að venju verða vínarbrauð í boði með kaffinu frá Björnsbakaríi og rúnstykki með skinku og osti.
Sunnudagsopnanir (stundum nefndar „sófasunnudagar“) hafa verið skýrðar á þann veg að um sé að ræða fyrirkomulag menntandi umræðu á messutíma sem er hugsuð sem afslöppuð, þ.e. þar sem menn sitja með kaffibolla í stóra leðursófasettinu og ræða amatör radíó og tiltekinn leyfishafi sem hefur staðgóða þekkingu á viðkomandi umræðuefni leiðir umfjöllun og svarar spurningum.
Verið velkomin í Skeljanes!
Stjórn ÍRA.
–
