Vetrardagskrá ÍRA heldur áfram á fullu. Sunnudag 16. október kl. 11:00 verður Yngvi Harðarson, TF3Y með umræðuþema á sunnudagsopnun: „Keppnir og keppnisþátttaka“.
Viðburðurinn hefst kl. 11 stundvíslega og miðað er við að umræðum ljúki um kl. 12 á hádegi, en húsið er opnaði kl. 10:30. Rúnstykki með kaffinu og vínarbrauðslengja frá Björnsbakaríi.
Sunnudagsopnanir (stundum nefndar „sófasunnudagar“) hafa verið skýrðar á þann veg að um sé að ræða fyrirkomulag menntandi umræðu á messutíma sem er hugsuð sem afslöppuð, þ.e. þar sem menn sitja með kaffibolla í stóra leðursófasettinu og ræða amatör radíó. Tiltekinn leyfishafi sem hefur staðgóða þekkingu á viðkomandi umræðuefni leiðir umfjöllun og svarar spurningum.
Félagsmenn eru hvattir til að láta þetta tækifæri ekki framhjá sér fara. Þemað er áhugavert og fáir íslenskir leyfishafar hafa jafngóða þekkingu og reynslu hvað varðar alþjóðlegar keppnir og TF3Y.
JOTA, Jamboree On The Air og JOTI, Jamboree On The Inernet viðburðirnir verða haldnir 14.-16. október. Þessa helgi standa radíóskátar um allan heim fyrir virkni á amatörböndunum og geta ungliðar í skátahreyfingunni fengið að tala í amatörstöðvar við aðra um heiminn, undir stjórn leyfishafa.
Kallmerkið TF1JAM verður sett í loftið frá skátamiðstöðinni að Úlfljótsvatni. Þau Andrés Þórarinsson, TF1AM og Vala Dröfn Hauksdóttir, TF3VB standa fyrir viðburðinum. Guðmundur Sigurðsson, TF3GS verður einnig á staðnum með Hafnarfjarðarskátana og annast þátttöku þeirra frá TF1JAM.
Kallmerkið TF3JAM verður sett í loftið frá Lækjarbotnaskála þar sem skátafélagið Landnemar verða með félagsútilegu. Arnlaugur Guðmundsson, TF3RD mun standa fyrir viðburðinum ásamt Hauki Konráðssyni, TF3HK.
JOTA fer [einkum] fram á þessum tíðnum á HF: SSB 3,650-3,700 MHz; 7,080-7,140 MHz; 14,100-14,125 MHz og 14,280-14,350; 21,350-21,450 MHz; og 28,225-28,400 MHz og CW: 3,560-3,800 MHz; 7,040-7,200 MHz; og 14,060-14,350. Þessar tíðnir eru valdar af radíóskátum með hliðsjón af alþjóðlegum keppnum sem fram fara um helgina, en þar er WAG keppnin stærst.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2022-10-14 14:02:182022-10-14 14:06:07JAMBOREE ON THE AIR 2022
Benedikt Sveinsson, TF3T mætti í Skeljanes fimmtudagskvöldið 13. október með erindið: „TF3D framhald; undirbúningur fyrir CQ World Wide DX SSB keppnina 2022“. Um var að ræða framhald af erindi um uppbyggingu stöðvarinnar þann 7. júlí s.l.
Flestir þeirra sem höfðu mætt á fyrri hluta erindisins voru mættir á ný og urðu ekki fyrir vonbrigðum. Benedikt segir mjög skemmtilega frá og þegar við bætist leiftrandi sýn hugsjónamannsins er auðvelt að „ferðast“ í huganum með honum austur að Stokkseyri og „upplifa“ þá miklu vinnu sem hann hefur innt af hendi þar á staðnum með Guðmundi (TF3SG) bróður sínum. Og eins og hann sagði sjálfur: „Þetta hefur verið gott sumar og mikið komist í verk“. Hann lýsti vel einstökum loftnetum og prófunum sem þeir bræður hafa gert þar á staðnum. Allt saman mjög áhugavert.
Hann ræddi að lokum CQ WW DX SSB keppnina sem fram fer eftir tvær vikur (29.-30. október). Hann hefur miklar væntingar um að keppnin komi vel út. Til viðbótar eru skilyrðaspár hagstæðar.
Þakkir til Benedikts fyrir gæðaerindi og skemmtilega innsýn í heim stórra loftneta og búnaðar sem svo fáir okkar hafa aðstæður til að vinna með. Stórskemmtilegt, fróðlegt og eftirminnilegt erindi. Alls mættu 22 félagar og 2 gestir í Skeljanes þetta hægláta haustkvöld í vesturbænum í Reykjavík.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2022-10-14 09:04:102022-10-14 09:11:13FRÁ OPNUN Í SKELJANESI 13. OKTÓBER
Ný vetrardagskrá félagsins heldur áfram á fimmtudag, 13. október kl. 20:30. Þá mætir Benedikt Sveinsson, TF3T í Skeljanes með erindið: „TF3D framhald; undirbúningur fyrir CQ WW DX SSB keppnina 2022“.
Um er að ræða framhald erindis hans frá 7. júlí s.l. um uppbyggingu stöðvar þeirra Guðmundar Sveinssonar, TF3SG (bróður hans) TF3D, sem staðsett er við Stokkseyri.
Umsögn um erindið 7. júlí: “Benedikt Sveinsson, TF3T flutti frábært erindi um uppbyggingu stöðvarinnar TF3D. Hann hreif viðstadda með sér inn í heim loftnetahönnunar, loftnetasmíða og uppbyggingar nútíma keppnisstöðvar í alþjóðlegum keppnum. Stórskemmtilegt, fróðlegt og eftirminnilegt erindi”.
Félagsmenn eru hvattir til að missa ekki af framhaldserindi Benedikts. Veglegar kaffiveitingar.
Fyrsta opnun félagsaðstöðu ÍRA – sérstaklega fyrir YL amatörana okkar – verður miðvikudaginn 12. október kl. 20-22.
Þær Anna Henriksdóttir, TF3VB og Vala Dröfn Hauksdóttir, TF3VD verða í forsvari. Hugmyndin er að ræða saman, fara loftið og njóta veitinga. Þær stöllur sóttu nýverið ársfund Scandinavian YL Radio Amateurs í Turku í Finnlandi og munu segja frá starfinu innan SYLRA.
Allar konur sem eru leyfishafar, eru með hlustmerki eða hafa áhuga á amatör radíói eru hjartanlega velkomnar.
Flóamarkaður ÍRA að hausti fór fram 9. október í Skeljanesi og var í fyrsta sinni haldinn samtímis í félagsaðstöðunni og yfir netið.
Notað var forritið „Google Meet“ og voru félagsmenn veftengdir á Vesturlandi, Vestfjörðum, Norðurlandi, Austurlandi og á Höfuðborgarsvæðinu.
Markaðurinn var tvískiptur. Annars vegar var tækjum og búnaði stillt upp til sölu (eða gefins) í félagsaðstöðunni og hins vegar fór fram uppboð samtímis á staðnum og yfir netið. Alls voru boðin upp 38 númer og seldust 33. Margir gerðu reyfarakaup.
Alls tóku 47 manns þátt í viðburðinum, þar af 39 þátttakendur á staðnum og 8 tengdir yfir netið.
Þakkir til félagsmanna fyrir þátttökuna og sérstakar þakkir til þeirra Vilhjálms Í. Sigurjónssonar uppboðshaldara og Hinriks Vilhjálmssonar, TF3VH tæknistjóra sem stóðu sig með afbrigðum vel.
Flóamarkaður ÍRA verður haldinn í Skeljanesi í dag, sunnudag 9. október frá kl. 13-16.
Húsið opnar kl. 12:00 fyrir félaga sem óska að selja/gefa stöðvar og/eða búnað, þannig að þeir hafi rúman tíma til að stilla dóti sínu upp. Uppboð hefst stundvíslega kl. 14:00.
Forskráningu á uppboðið með tölvupósti til ira@ira.is var lokað kl. 09 í morgun. Ef einhverjir eru seinir fyrir má hringja í Jónas, TF3JB í GSM 898-0559 til að skrá sig – og áður en uppboð hefst verður viðkomandi sendur tölvupóstur með vefslóð á viðburðinn. Notað verður forritið „Google Meet“.
Verið velkomin í Skeljanes – á staðinn og yfir netið!
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2022-10-09 09:46:492022-10-09 09:46:49FLÓAMARKAÐUR ÍRA Í DAG
Flóamarkaður ÍRA verður haldinn í Skeljanesi á morgun, sunnudag 9. október frá kl. 13-16.
Annars vegar verða tæki/búnaður í boði sem stillt er upp í salnum. Hins vegar verða tæki/búnaður (þeirra sem þess óska) boðinn upp á staðnum með fjaraðgangi yfir netið [sem opnar kl. 14].
Húsið opnar kl. 12:00 fyrir félaga sem óska að selja/gefa stöðvar og/eða búnað, þannig að þeir hafi rúman tíma til að stilla dóti sínu upp. Uppboð hefst stundvíslega kl. 14:00.
Félagsmenn geta skráð fyrirfram verðmeiri hluti á uppboðið með því að senda upplýsingar á ira@ira.is og verður skráning opin til kl. 13 (á sunnudag).
Neðar á síðunni má sjá lista yfir tæki og búnað í eigu félagsins sem verða boðin á flóamarkaðnum.
——–
Æskilegt er að þeir sem hafa hug á að taka þátt fjarstaddir – forskrái sig á uppboðið með tölvupósti til ira@ira.is Áður en uppboð hefst verður þeim sendur tölvupóstur með vefslóð á viðburðinn. Notað verður forritið „Google Meet“.
Aðalglugga Meet forritsins verður streymi frá vefmyndavél sem beinist að uppboðshaldara og því sem verið er að bjóða upp. Hljóð fylgir. Ekki verður opið fyrir aðra streymisglugga meðan á uppboði stendur.
Bjóðendur skulu opna skilboðadálk í Meet forritinu og skrifa þar boð sín. Ekki er hægt að taka við boðum fjarstaddra um hljóð/mynd, einungis með skriflegum boðum.
Þegar einhver fjarstaddra skrifar boð kallar tæknistjóri boðið til uppboðshaldara sem tekur við því eins og hverju öðru boði úr sal.
——–
Verið velkomin í Skeljanes – á staðinn og yfir netið!
Stjórn ÍRA.
——–
Eftirfarandi tæki og búnaður sem er í eigu félagsins verður boðið til sölu á flóamarkaði ÍRA á morgun, sunnudag 9. október:
1. Sambyggðar sendi-/móttökustöðvar. Alinco DX-70 100W SSB/CW stöð f. 160-10m + 50 MHz m/WARC. Kenwood TS-830S 100W SSB/CW stöð f. 160-10m. m/WARC (TX = 6BY7A og 6146 x2). Kenwood TR-7625 144-146 MHz 5/25W FM sendistöð með RM-76 f. 6 minnisrásir og leitara. Yaesu FT-101ZD 100W SSB/CW stöð f. 160-10m. m/WARC (TX = 6BY7A og 6146 x2). Yaesu FT-1000MP 100W SSB/CW stöð f. 160-10m. 2 viðtæki. Innbyggður aflgjafi 230VAC.
2. Aukahlutir fyrir stöðvar. Icom HM-103 handhljóðnemi fyrir Icom stöðvar. Lafayette Model 99-26411 SWR/PWR mælir (stór); 50Ω / 75Ω 1.8-150 MHz; 200W. MFJ Versa Tuner Model MFJ-901B; 200W f. 1.8-30 MHz. M.P. Pedersen handmorslykill. Radio Shack Model 21-534 SWR/PWR mælir; 3-30 MHz, 20-200-2kW. Yaesu FV-101Z External VFO. Yaesu FC-902 Antenna Tuner 160-10m. WARC. Innbyggður 3x loftnetaskiptari, mælar. Yaesu YD-148 borðhljóðnemi; bæði fyrir 600 ohm eða 50 kohm. Yaesu SP-8 borðhátalari, m.a. í stíl við Yaesu FT-1000MP (Innbyggðar síur og fl.).
3. RF magnarar. Dentron Radio Co. GLA-1000 RF magnari f. 80-10m. 1kW CW; 1,2 kW SSB (6LQ6 x4). Philco Corp. A915A/TRC. Signal Corps order no. 32148-Pw-51; 100W max. 300 MHz. Tokyo HY-Power HL-45B RF magnari f. 160-10m + 50 MHz. 1-5Winn; 45Wút; 13.8V 8,5A. ZG Model B-150; 1-10W inn 200W út.
4. Viðtæki. Bearcat BC-210 viðtæki (FM Scanner). Tíðnisvið: 32-50 / 146-174 og 416-512 MHz. Hallicrafters S-86 f. 0.538-1.6 MHz, 1.55-4.6 MHz, 4.5-13 og 12-34 MHz. (1954-1957; 8 lampar). JRC NRD-72 viðtæki f. 100 kHz – 30 MHz; CW/SSB/DSB. Kenwood R-300 f. 170 kHz til 30 MHz; AM/SSB/CW. Realistic DX-160 f. 150 kHz til 30 MHz; AM/SSB/CW. Radionette Kurér ferðaviðtæki (1961-1963; „Broadcast, LW, SW plus FM“.
5. Mælitæki. PI – Potomatic Instruments, Inc., gerð AA-51A; Audio Analyzer. PI – Potomatic Instruments, Inc., gerð AG-51; Audio Generator. Lafayette Model 99-33094; Antenna Impedance Meter. Stanford Electronics, Inc., gerð AN/PRM-10; Test Oscillator (grid-dipper).
Fyrsta opnunarkvöld félagsins samkvæmt nýrri vetraráætlun var 6. október. Dagskrá var sett kl. 20:30 og fluttu þeir Hrafnkell Sigurðsson, TF8KY umsjónarmaður VHF/UHF leikanna og Einar Kjartansson, TF3EK umsjónarmaður TF útileikanna stutt erindi um viðburðina. Að því loknu voru afhent verðlaun og viðurkenningar.
Sérstakir gestir félagsins voru þeir Charles Patterson Byers, VE3EUR frá Ottawa í Kanada og Ómar Magnússon TF3WZ/OZ1OM frá Odense í Danmörku.
Vel heppnað og skemmtilegt fimmtudagskvöld í Skeljanesi. Þakkir til þeirra Hrafnkels og Einars fyrir afbragðsgóð erindi og hamingjuóskir til félagsmanna sem voru að taka á móti verðlaunum og viðurkenningum fyrir þessa tvo fjarskiptaviðburði ársins.
Alls voru 30 manns í húsi í Skeljanesi þetta ágæta haustkvöld í vesturbænum í Reykjavík.
Ný vetrardagskrá ÍRA hefst fimmtudaginn 6. október í Skeljanesi, kl. 20:30 stundvíslega. Dagskrá kvöldsins er samkvæmt eftirfarandi:
Hrafnkell Sigurðsson, TF8KY umsjónarmaður mun afhenda verðlaun og viðurkenningar vegna VHF/UHF leikanna 2022 og Einar Kjartansson, TF3EK umsjónarmaður mun afhenda verðlaun og viðurkenningar vegna TF útileikanna 2022. Kaffiveitingar.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2022-10-06 14:58:182022-10-06 14:59:06AFHENDING VERÐLAUNA ER Í KVÖLD