Opið verður í Skeljanesi frá klukkan tíu í fyrramálið og svo lengi sem menn vilja. Kaffi verður tilbúið á könnunni klukkan tíu ásamt draumameðlæti. Félagar fjölmennið, takið með ykkur gesti, góða skapið og jákvæðni. Af nógu er að taka til að rabba um, AR1944 sem hingað til hefur bara skotið miðunarskvettum, uppsetning loftneta og komandi keppnir svo eitthvað sé nefnt.
Vaxandi þögn? Enginn umtalsverður blossi hefur komið frá stóra sólblettinum AR1944 síðustu 48 klukkutímana. Þessi vaxandi þögn gæti verið lognið á undan storminum. AR1944 fylgir ‘beta-gamma-delta’ segulsvið sem hýsir X-class blossa eða skvettur.
Þrátt fyrir minni virkni en búist var við hafa áhrifin frá sólblettinum víða verið miklfengleg Norðurljós.
Myndin er frá Harald Albrigtsen, Tromsö Noregi
Sælir félagar, hér er að finna nýjar myndir af stóra sólblettinum: http://spaceweathergallery.com/indiv_upload.php?upload_id=92536
Líkurnar á að sólbletturinn valdi einhverjum teljandi usla á Jörðinni eru litlar en allur er varinn góður og ekki síst gaman og lærdómsríkt að fylgjast með.
TF3OM, mikill sólarsérfræðingur sagði í tölvupósti sem mér áskotnaðist: … Á Spaceweather.com kemur fram að búast megi við G1-class geomagnetic storm. G1 er ekkert til að hafa áhyggjur af. Sjá neðstu bláu línuna (G1 Minor) http://www.swpc.noaa.gov/NOAAscales/index.html#GeomagneticStorms
ÁHB
….. 73 de TF3JA
TF3AO skrifaði á spjallborð ÍRA í gær:
“Minni á að ARRL RTTY RU keppnin hefst í dag, laugardag, kl. 18.00 og stendur til loka sunnudags, eða kl. 23:59:59
Reglur og nánari upplýsingar má finna hér: http://www.arrl.org/rtty-roundup
73 de TF3AO”
Ekki er ljóst á þessari stundu hve margar TF-stöðvar taka þátt en frá því verður sagt um leið og fréttir berast.
Markmið keppninnar er að radíómatörar um allan heim hafi samband, QSO, með stafrænni mótun, Baudot RTTY, ASCII, AMTOR, PSK31 og Packet í rauntíma á 80, 40, 20, 15, and 10 metra böndunum. Allir mega hafa eitt QSO við alla einu sinni á hverju bandi óháð mótunaraðferð.
Risasólblettur, Daisuke Tomiyasu sem sendi í morgun þessa mynd frá Higashinada-ku, Kobe, Hyogo, Japan, segir sólblettinn sjást með berum augum:
Starfsmenn NOAA, sem fygjast vel með blettinum, áætla 75% líkur á M-roktungum og 30% líkur á X-roktungum í dag 4. janúar..
Þeir segja að þó virknin hafi verið lítil hingað til þá hafi sólbletturinn alla burði til að geta haft töluverð áhrif á jörðinni.
heimild: spaceweather.com
Stór sólblettur AR1944, kom í ljós á austurbrún sólar 1. janúar. Sólbletturinn er sagður stór og hættulegur. Á blettasvæðinu eru fleiri en tugur dökkrara bletta og aðalbletturinn er nógu stór til að gleypa tvær plánetur á stærð við jörðina. AR1944 er svo stór, að áhorfandi á jörðinni sér svæðið við sólsetur sem galla á heiðgulum fleti sólarinnar:
Raymund Sarmiento á Filipseyjum tók þessa mynd af sólinni með loftnet í forgrunni
Sólin 3. janúar 2014
Búast má við töluverðum áhrifum jafnvel radíóþöggun, black out, á jörðinni frá segulstormum í dag þó svo að blettasvæðið beini ekki geisluninni beint að jörðinni.
Svo má ekki gleyma að Norðurljósadýrðina undanfarna tvo daga má þakka þessum sólbletti.
heimild: http://www.spaceweather.com/
Mikil massaroktunga er á leiðinni til jarðar. Roktungan slengdist frá sólinni 4. janúar í sólblossa frá stóra sólblettinum, AR1944. Rannsókanarstöðin, SOHO, sendi frá sér þessa mynd af sólblossanum, ef smellt er á myndina sést hvernig tungurnar slengjast út fá sólinni:
Búast má við miklu höggi á segulhjúp jarðar 7. janúar, jafbvel neistasýningu og G1-class segulstormum 7. og 8. janúar. Góðar líkur á fallegum norðurljósum. Segulstormsviðvaranir: text, voice.
Sjáið hér hvernig sólbletturinn er að snúast átt að jörðinni.
heimild: spaceweather.com
Einn mesti radíóamatörinn í okkar röðum er sjötugur í dag – til hamingju með daginn Villi. Ég ætla ekki í þessari stuttu frétt að gera tilraun til að rekja einhver afreka Villa á radíósviðinu – þið þekkið öll hann Villa. Aðalsmerki Villa sem radíóamatör er að hann hefur náð QSOum um allan heim með heimasmíðuðum QRP-tækjum og loftnetum sem auðvelt er að henda upp í fljótheitum og kosta lítið. Villi hefur byggt sín sambönd á reynslu og þekkingu á útbreiðslu og hegðun radíóbylgjanna en ekki afli. Villi er einn besti og þolinmóðasti kennari sem ég hef haft um ævina, stundum svolítið stríðinn en Villi er kennimaður af guðsnáð.
Villi segir í viðtali í blaði dagsins það standa uppúr í lífinu, að vera afi.
Eigum við ekki að sameinast í hamingjuóskum til Villa og fjölskyldu hans á þessum fallega degi sem rétt í þessu er að birtast í austri yfir fjöllunum á Hellisheiði sem Villi þekkir eins og puttana á sjálfum sér eftir áratuga ferðlög um heiðina jafnt vetur sem sumar.
Til hamingju.
73 de TF3JA
ADIOS to CQ VHF mátti í dag lesa á fréttasíðunni AmateurRadio.com. Þar kemur fram að enn eitt tímaritið CQ VHF hafi verið lagt af og ætlunin sé að setja vissa efnisflokka úr úgáfunni inní væntanlega nýja netútgáfu CQ Amateur Radio. Á heimasíðu ARRL er líka fjallað um grundvallarbreytingar sem eru í farvatninu á flaggskipi CQ útgáfunnar og er haft eftir Dick Ross, K2MGA,, ritstjóra CQ Communications að frá og með febrúar á komandi ári verði efni sem hingað til hefur verið í sérblöðum CQ sett inn í sérstaka möppu í netútgáfu CQ. Dick segir, lauslega þýtt og endursagt: “Amatörradíómarkaðurinn er að breytast og við verðum að breyta því sem við gerum og hvernig við gerum það til að halda áfram að vera í forystu á öllum sviðum áhugamálsins.”
Allir góðir hlutir taka enda segir Bob, K0NR höfundur fréttarinnar, hann segist eiga eftir að sakna blaðanna en nú sé kominn tími til að halda áfram og leita á önnur mið.
Þetta eru stórmannleg orð þessarra tveggja ötulu ritstjóra í amatörheiminum og kannski getum við í okkar litla félagi, ÍRA, lært eitthvað af þeim og tekið okkur til fyrirmyndar.
73 de TF3JA
Stjórn ÍRA færir félagsmönnum og fjölskyldum þeirra innilegar jóla- og áramótakveðjur og þakkir fyrir árið sem er að líða. Enbættismönnum ÍRA eru færðar innilegar þakkir fyrir störf í þágu ÍRA á árinu.
Jólamynd frá Basel í Sviss
73
Guðmundur, TF3SG