Archive for category: Almennt

TF3KB og TF3DX komu í Skeljanes á fimmtudagskvöld og sögðu okkur frá ferðum sínum til Finnlands á NRAU fund og ferð til Búlgaríu á IARU ráðstefnu í sumar. TF3HP bauð menn velkomna í upphafi og sagði frá að fram hafi komið ósk eins félaga um að nota kallmerki sitt óbreytt við tímabundin ákveðin aðsetursskipti. Samskipti eru í gangi milli ÍRA og PFS um óskina og sagt verður nánar frá þessu þegar niðurstaða er komin. Stjórn ÍRA hefur bætt við óskina þeirri tillögu að öllum verði leyft að nota sín kallmerki á þennan hátt og unnið verði að breytingu á reglugerðinni en þó þannig að valkvætt verði fyrir hvern einstakan að fara eftir núverandi kallsvæðaskiptingu og breyta númeri í sínu kallmerki við flutning og tímabundin aðsetursskipti eða halda sínu eina sanna kallmerki hvar á landinu sem hann dvelur í lengri eða skemmri tíma.

Þeir TF3DX og TF3KB fóru vel yfir sínar kynningar og stóð fundurinn fram undir miðnætti enda mikið mál og áhugavert. Kynningarnar og nánari umfjöllun verður sett inn hér eftir par daga eða svo.

Kynningu má finna undir ítarefni á siðu ÍRA, http://www.ira.is/itarefni/

1sta rússneska alheims fjölháttakeppnin, höfundur Jeff Davis

ágætu radíóamatörar,

Russian Digital Radio Club býður radíóamatörum um allan heim til þáttöku í 1st Russian WW MultiMode Contest 2014. Markmiðið er að koma á sem flestum samböndum milli radíóamatöra um allan heim og radíóamatöra í Rússlandi.

Við bjóðum öllum áhugasömum radíóamatörum um stafræna hætti til keppni frá klukkan 12.00 UTC laugardaginn 15. nóvember til klukkan 11:59 UTC sunnudaginn 16. nóvember, 2014.

Mótunaraðferðir: BPSK63, CW, RTTY, SSB. QSO við sama amatör á öðru bandi eða öðrum mótunarhætti eru leyfð svo lengi sem amk 3 mínútur líða á milli QSOa. Mesta afl er 10 wött á 160 metrum og 100 wött á öðrum böndum. Keppandi má ekki skifta oftar en tíu sinnum um tiðniband á hverjum klukkutíma með núllið í talningu á 59. mínútu hvers klukkutíma. Aðeins einn sendir er leyfður í loftinu á hverju augnabliki frá hverju kallmerki.

Bönd: 160 m, 80 m, 40 m, 20 m, 15 m, 10 m.

Verðlaun og viðurkenningar í öllum flokkum:

• SOAB – BPSK63-CW-RTTY-SSB
• SOAB – BPSK63-CW-RTTY
• SOAB – BPSK63-CW-SSB
• SOAB – BPSK63-RTTY-SSB
• SOAB – CW-RTTY-SSB
• SOAB – BPSK63-CW
• SOAB – BPSK63-RTTY
• SOAB – BPSK63-SSB
• SOAB – RTTY-SSB
• SOAB – CW-RTTY
• SOAB – CW-SSB
• MOAB – BPSK63-CW-RTTY-SSB

Þáttökuviðurkenningarskjal verður sent öllum sem hafa amk 100 staðfest QSO í keppninni.

Sendið logginn á: Web interface ekki seinna en fjórtán dögum eftir keppnina, fyrir kl. 23:59 UTC þann 30. nóvember 2014.

73! de Russian Digital Radio Club

…þýtt og endursagt de TF3JA

Sælir félagar.

Fimmtudaginn 6. nóvember munu Vilhjálmur, TF3DX, og Kristján, TF3KB, halda erindi og svara spurningum um NRAU ráðstefnuna sem haldin var 15.-17 ágúst sl. og   IARU region1 ráðstefnuna, sem haldin var 20.-27. september sl..

Vonandi sjá sem flestir félagar sér fært að mæta í félagsheimilið og hlusta á fróðlegt erindi.

Samkvæmt venju hefst erindið kl 20.30.

Bjarni, TF3GB, ritari ÍRA.

Á QRZNOW.COM birtist í vikunni grein um stafræna talmótun á HF, “FreeDV HF Digital Voice for Radio Amateurs” eða Stafrænt tal á HF.

FreeDV er GUI forrit fyrir Windows, Linux og MacOS (BSD og Android eru í þróun). Með forritinu er hægt að nota venjulegt SSB sendiviðtæki fyrir stafrænt tal á litlum bitahraða. Talið er þjappað niður í 1600 bita/s runu sem mótuð er með 16 QPSK aðferð á 1,25 kHz breiða burðarbylgju. Í móttöku er merkið afmótað og afkóðaðmeð FreeDV. Samskipti eru læsileg niður í 2 dB S/N hlutfall og 1-2 vatta sendiafl nægir fyrir samskipti yfir langar vegalengdir. FreeDV var búið til í samstarfi alþjóðlegs hóps radíóamatöra. FreeDV er opinn hugbúnaður, skrifaður í “GNU Public License”útgáfu 2.1. Bæði talkóðarinn og afkóðarinn eru opinn hugbúnaður.

En hvers vegna stafræn mótun og FreeDV?
Amateur radíóið er að færast frá hliðrænum sendingum til stafrænna, sem er svipar til breytingarinnar frá AM til SSB á árunum 1950 til 60. Hvernig væri staðan ef eitt eðatvö fyrirtæki ættu einkaleyfi á SSB og neyddu amatöra til að nota þeirra tækni og ólöglegt væri að gera tilraunir með eða jafnvel skilja SSB-tæknina og þannig yrði staðan næstu 100 árin? Það er einmitt það sem var að gerast með stafrænt tal. En núeru radíóamatörar að ná stjórn á tækniþróuninni aftur!

FreeDV er einstakur 100% opinn hugbúnaðaður fyrir flutning á hljóði. Engin leyndarmál, ekkert einkamál! FreeDV er leið 21. aldar radíóamatöra til að myndaumhverfi þar sem frjálst er að gera tilraunir og prófa nýjungar, í stað þess að vera fastir í umhverfi fárra framleiðenda.

…já og takið eftir, 100 sinnum minna útsent afl og helmingi minni bandvídd…fyrir betri flutningsgæði.

Framtíðin er komin, við látum ekki hefta okkur!

…þýtt og endursagt de TF3JA

Á fimmtudagskvöld var TF3DC að koma inn í Skeljanesið og hitti þá fyrir erlend hjón. Óskar segir frá:

Ég hitti þau Gordon/VE3FRB og Theresu/VA3TGS fyrir utan félagsheimilið þar sem ég renndi í hlað. Þau stigu út úr leigubíl. Sögðust hafa farið á heimasíðuna og getað séð að fundir væru á þessum tíma í félagsheimilinu. Þau eru mest á VHF en taka þátt í stærri viðburðum amatöra í Canada. Aðspurð sögðust þau vera mjög lítið á HF og hefðu t.d. ekki haft samband við neina TF stöð. Þau Gordon og Theresa komu upp í sjakk og voru hrifin af aðstöðunni og af þeim fjölda sem var í félagsheimilinu. 73 de TF3DC.

Nokkrar íslenskar stöðvar eru að taka þátt í keppninni um helgina, TF4X fjarstýrð frá Reykjavík, TF3CW, TF3CY, TF2LL og kannski fleiri, sagt verður frá því betur hér að lokinni öflun upplýsinga.

Á DXCOFFEE.com var í gær komin frétt um að IG9Y keppnisliðið sem ætlaði að taka þátt í keppninni frá Lampedusaeyju á kallmerkinu IQ9Y væri hætt við þáttöku því loftnetin þeirra sem sjást á myndinni hér fyrir neðan fuku öll og eyðilögðust í stormi sem geisaði í Miðjarðarhafinu aðfaranótt fimmtudags. Eyjan Lampedusa er sunnan við Sikiley í Miðjarðarhafinu hálfa leið yfir til Túnis.

TF3DX sendi á irapóstinn í gær eftirfarandi frétt:

Sælt veri fólkið!
Fékk óvænt QSO í gær um kaffileytið. Kallaði í ZD8R á 12 m úr bílnum. Hann heilsaði mér með nafni og sagði “QSP frm OH2KI …. pse 28.001”.
Ég fór þangað og þar kallaði ZD8X í mig, og mikið rétt, þetta var Jorma OH2KI. Ég kynntist honum á fundinum í Finnlandi í haust, og á ráðstefnunni í Albena varð hann góður vinur og kröftugur stuðningsmaður tillögu okkar. Þá vildi svo til að konan hans hafði pantað ferð fyrir þau til Reykjavíkur vikulokin eftir að ráðstefnunni lauk, svo við hittumst líka hér og hann tók dálitla rispu á lykilinn í bílnum úti við Gróttu, sem TF/OH2KI/M. Ég skuldaði honum tölvupóst frá því fyrir viku u.þ.b. (latur að opna þessa dagana) og var einmitt að hugsa um að koma mér heim og svara honum þegar þetta QSO kom, mér alveg að óvörum! Hafði ekkert heyrt af þeirri fyrirætlan hans að vera á Ascension Island núna. Það er nærri beint í suður frá okkur, u.þ.b. 8° sunnan miðbaugs.
Hann er þarna ásamt Olli OH0XX (ZD8R) og Oliver W6NV (ZD8W). Þeir verða í CQWW SSB keppninni um helgina, og svo áfram fram á næsta fimmtudag og skottast þá í loftið, bæði CW og SSB trúi ég. Jorma verður líklega einkum á 10 m, hann er með monoband Yagi þar, sjá ZD8X á QRZ.com:

CQWWSSB 2014, ZD8X á SSB, 28 MHz, liðið ZD8W, ZD8R, ZD8X…. ZD8X QSL beint: Jorma Saloranta, OH2KI, Marjoniementie 28, 13330 Harviala, Finland. Sjá: Vefsíða OH2KI.

Lítill maður með stóru greiðuna sína: 4 stök á 10 metrum:

73, Villi TF3DX