,

Munið Flóamarkaðinn á morgun sunnudag í Skeljanesi kl. 11

TF3AB og TF3WZ eru í forsvari fyrir flóamarkaði í Skeljanesi á morgun sunnudaginn 11. júní.

Fjarskiptasafnið að Skógum

Brot úr fjarskiptasögu Íslands

Loftskeytastöðin – 1918

Loftskeytastöð tók til starfa á Melunum í Reykjavík þann 17. júní 1918 og kallaðist hún „Reykjavík radíó“. Fyrsta kallmerki stöðvarinnar var OXR en árið 1919 var Íslandi úthlutað kallmerkinu TF og bar stöðin síðan kallmerkið TFA. Upphaflega var loftskeytastöðin hugsuð sem varasamband til útlanda, viðbót við sæsímann, en aðalhlutverk hennar varð brátt þjónusta við skip og báta og var hún bylting fyrir öryggi þeirra.

Í fyrstu fóru öll fjarskipti við skip fram á Morse en talfjarskipti hófust árið 1930. Fyrsta íslenska fiskiskipið sem fékk loftskeytatæki var togarinn Egill Skallagrímsson, árið 1920. Tveimur árum síðar var fyrsti loftskeytamaðurinn ráðinn til starfa á íslenskt skip.

Þegar skipum með loftskeytatæki fór að fjölga varð hörgull á mönnum sem gátu sinnt þessum störfum og var því efnt til námskeiðs fyrir unga menn sem vildu læra loftskeytafræði. Lauk fyrsti hópurinn námi árið 1923.

Heimild: Saga loftskeyta– og símaþjónustu á Íslandi.

/by
,

TF3CE í Skeljanesi á fimmtudagskvöld kl 20

TF3CE, Árni Þór Ómarsson kemur til okkar í Skeljanes á fimmtudagskvöld klukkan 20 og fjallar um uppsetningu á endurvörpum fyrir ofan snjólínu.

Um helgina fór vaskur hópur frá Landsbjörg á Drangajökul og setti upp nýjan endurvarpa á rás 44.

Munið líka flóamarkaðinn á sunnudag í Skeljanesi þeir sem vilja láta frá sér gamalt eða nýtt radíódót á flóamrkaðinum er bent á að hafa samband við TF3AB eða TF3WZ.

/by
,

Yngsti radíóamatörinn er kominn með kallmerki TF8TY

Amatörpróf var haldið 29. apríl að loknu amatörnámskeiði, 11 mættu til prófs. 8 nemendur náðu G-leyfi og einn N-leyfi. Einn N-leyfishafi reyndi við hækkun tókst ekki að hækka sig þó ekki munaði miklu. Einn mætti til prófs án þess að hafa sótt námskeiðið en náði ekki tilskilinni einkunn.

Nýir leyfishafar að loknu prófi 28. apríl 2017 samkvæmt upplýsingum frá Pfs:

Björn Þór Hrafnkelsson 11 ára G-leyfi TF8TY
Frímann Birgir Baldursson 42 ára G-leyfi TF1TB
Hjörtur Árnason 49 ára G-leyfi
Jón Björnsson 51 árs G-leyfi TF3PW
Jón Hörður Guðjónsson 44 ára G-leyfi TF3JHG
Magnús Ragnarsson 34 ára G-leyfi TF1MT
Ragnar Gísli Ólafsson 40 ára G-leyfi
Ricardo Silva Pimenta 38 ára G-leyfi TF3RSP
Sigurður Guðmundsson 49 ára N-leyfi

Meðalaldur 40 ár. Þokast í rétta átt.

TF8TY með pabba sínum TF8KY

/by
,

6-Metra Polar Es – Vannýtt fjarskiptaleið til Japan

Póst- og fjarskiptastofnun hefur í framhaldi af jákvæðri umsögn ÍRA um erindið, veitt Þorvaldi í Otradal, TF4M tímabundið leyfi til notkunar háafls (KW) á 6m í sumar en reglugerðin heimilar mest 100w á þessu tíðnisviði.

Vinur Þorvaldar og góðkunningi íslenskra DX amatöra JA1BK skrifar grein í júníhefti QST þar sem hann lýsir ævintýrum sínum og tækifærum á sex metrunum:  „6-Meter Polar Es – An Underutilized Propagation Mode. This rare form of polar sporadic-E propagation can yield surprising results.“

Nánar er vísað til greinarinnar í QST sem félagar hafa m.a. aðgang að í blaða- og bókasafni ÍRA í Skeljanesi – en myndirnar eru birtar hér með góðfúslegu leyfi ARRL

Samkvæmt Facebook-síðu Óla TF3ML  náði hann fyrsta QSO við Japan á 6m (JA7QVI) í lok maí 2015.

Stjórn ÍRA óskar Tobba velfarnaðar í tilraununum og hvetur félagana til að nota áfram öll bönd og útgeislunarhætti til fjarskipta og tilrauna.

/by
,

Flóamarkaður 11. júní milli 11 og 16

feykir.is

mynd birt með góðfúslegu leyfi ritstjóra Feykis.is

Flóamarkaður verður haldinn Sunnudaginn 11. júní næstkomandi í Skeljanesi frá klukkan 11 til 16.

Svanur, TF3AB, ásamt Ölvir, TF3WZ, munu halda utan um herlegheitin. Endilega sendið Svani tölvupóst með fyrirspurnum.

Allir velkomnir í kaffi og að sjálfsögðu hvetjum við sem flesta til að kíkja með tól og tæki sem áhugi er á að selja eða skipta.

/by
,

SYLRA fundur í september 2017

Velkomin á SYLRA-fund í Kungsbacka, Svíþjóð dagana 8. til 17. september 2017.
Við heimsækjum  Onsala Space Observatory OSO og fáum að vita hvað örbylgjur utan úr geimi geta sagt okkur.
Á öðrum degi heimsækjum við langbylgju sendistöðina Grimeton sem byggð var á þriðja áratug síðustu aldar og er ennþá í góðu lagi sjá: www.grimeton.org. Og áfram höldum við og lærum miklu meira.
Opið er fyrir skráningu á SYLRA 2017.
Vonumst til að sjá ykkur, Anita SM6FXW and Solveig SM6KAT

/by
,

Létt yfir Radíóhaukum í Skeljanesi í gærkvöldi

TF1GW, TF3MH, TF3GB, TF3DC og Villi

TF3DT og TF3VS

Villi og TF3ID

Villi var virkur á 300/27 metrum hér á árum áður, eitt af loftnetunum hans var 4 staka Quad sem ætlunin var að fara með upp á Snæfellsjökul. Villi ætlar að koma á námskeið í haust og er þegar byrjaður að læra fyrir prófið. Villi hefur mikinn áhuga á 2 og 0,7 metrunum og jafnvel enn hærri böndum ef þar verður einhver virkni.

/by
,

Opið í Skeljanesi í kvöld 20 – 22

Opið í Skeljanesi í kvöld 20 – 22

/by
,

Leyfi fyrir 5260-5410 kHz framlengt til áramóta

Með bréfi 2014120011 dags 2.12.2014 heimilaði PFS radíóáhugamönnum tímabundna notkun tíðnisviðsins 5260-5410 kHz út árið 2016. Heimildin var síðan framlengd til 1.5.2017.  25 radíóáhugamenn hafa sótt um slíka heimild og fengið. Heimildin hefur nú verið framlengd til 31.12.2017 á meðan framhaldið er skoðað.

 

/by