Við hvetjum félagsmenn og aðra radíóáhugamenn að koma í Skeljanes í kvöld og hlusta á þá Hrafnkel, TF8KY og Einar, TF3EK fara yfir tvo skemmtilega atburði úr starfi radíóáhugamanna á liðnu sumri.
Kaffi á tveimur könnum og eitthvað gott meðlæti að skapi Ölvis.
stjórn ÍRA
Í lok apríl s.l. var haldið amatörpróf. Að prófi loknu kom í ljós að yngsti íslenski radíóamatörinn hafði lokið prófi með sæmd og hlotið G-leyfi. Sá ungi maður, Björn Þór Hrafnkelsson var á þeim tíma aðeins 11 ára. Hann valdi sér síðar kallmerkið TF8TY.
Það er sagt að ég hafi átt hugmyndina af að verðlauna fyrir árangurinn, enda alveg sérstakt tilefni. Kom ég hugmyndinni á framfæri, og var henni vel tekið af formanni og fleirum. Niðurstaðan var sú að keypt yrði handstöð af úrvals gerð og varð fyrir valinu ICOM ID-51A PLUS 2. Stöðin er bæði VHF og UHF, með D-Star, GPS ofl. ofl.
Jón Þóroddur keypti stöðina í Friedrichshafen s.l. sumar og afhenti hana stuttu eftir heimkomu. Því er hér aðeins um formlega afhendingu að ræða, en við vonum að gripurinn hafi reynst vel og sé hvatning til frekari afreka á sviði fjarskiptatækninnar.
Gefendur eru eftirtaldir:
TF2LL Georg Magnússon
TF3AB Svanur Hjálmarsson
TF3AO Ársæll Óskarsson
TF3DX Vilhjálmur Þór Kjartansson
TF3EK Einar Kjartansson
TF3GB Bjarni Sverrisson
TF3IO Egill Ibsen Óskarsson
TF3JA Jón Þóroddur Jónsson
TF3KB Kristján Benediktsson
TF3KX Kristinn Andersen
TF3ML Ólafur B. Ólafsson
TF3NE Jóhannes Hermannsson
TF3PPN Jón Gunnar Harðarson
TF3VS Vilhjálmur Ívar Sigurjónsson
TF3WX Jóhann Friðriksson
TF3WZ Ölvir Styrr Sveinsson
TF3Y Yngvi Harðarson
TF8GX Guðlaugur Kristinn Jónsson
TF8KY Sigurður Hrafnkell Sigurðsson
Óskum við Birni innilega til hamingju, njóttu vel og heyrumst í loftinu.
73 de TF3AO
Opið hús í kvöld í Skeljanesi, yngsti íslenski amatörinn kemur í heimsókn og sýnir okkur gjöf sem hópur gamalreyndra amatöra gaf honum.
Kaffi á könnunni og tilvalið að ræða um SAC keppnina sem er um helgina. Hugmyndin er að gera tilraun til að manna félagsstöðina og eru allir velkomnir í heimsókn um helgina hvort sem er tila að fylgjast með keppninni eða sem væri enn betra að manna stöðina í lengri eða styttri tíma.
TF3ML og TF3ARI fylltu Skeljanesið í gærkvöldi með kynningu á lífinu fyrir ofan 50 MHz.
TF3ML – myndasmiður TF3DC
TF3ML og TF3ARI segja okkur frá amatörlífinu ofan við 50 MHz á opnu húsi í Skeljanesi annað kvöld 20 -22
TF3ML
Óli byrjar á lægri tíðnum en síðan tekur Ari við og talar um hærri tíðnirnar.
TF3ARI
Ákall til allra radíóáhugamanna bæði radíóamatörleyfishafa og annarra radíóáhugamanna.
Námskeið til undirbúnings fyrir radíóamatörpróf sem áætlað er að halda 11. nóvember hefst á mánudagskvöld 2. október í Skeljanesi. Við hvetjum ykkur sem áhuga hafa á að ná sér í leyfi að koma á námskeiðið og við hvetjum ykkur sem þegar hafið leyfi til að aðstoða eftir mætti og benda þeim sem þið vitið að hafa áhuga á að verða radíóamatörar til að skella sér á námskeiðið.
Eitt aðal markmið og skylda okkar sem höfum leyfi er að styðja og aðstoða þá sem áhuga hafa við að ná þessu takmarki, að verða RADÍÓAMATÖR.
ALLIR SEM VILJA VERÐA RADÍÓAMATÖRAR EIGA AÐ GETA NÁÐ ÞVÍ TAKMARKI. ÞAÐ ER ÓUMDEILANLEG SKYLDA OKKAR SEM ÞEGAR HÖFUM LEYFI AÐ TRYGGJA AÐ SVO MEGI VERÐA.
fh stjórnar ÍRA 73 de TF3JA
Námskeið til amatörprófs verður haldið á vegum ÍRA, félags Íslenskra radíóamatöra í október og fram í miðjan nóvember. Kynning á námskeiðinu, afhending námsgagna og fyrsta kennslustund verður í félagsheimili ÍRA í Skeljanesi mánudagskvöldið 2. október klukkan 19. Þeir sem áhuga hafa á að taka þátt í námskeiðinu sendi tölvupóst á ira@ira.is eða tilkynni þáttöku í GSM síma 8633399. Almennt námskeiðsgjaldgjald er kr. 20.000,- en kr. 14.000,- fyrir félaga í ÍRA.
Kennt verður á mánudags- og miðvikudagskvöldum, þrjá tíma á hvoru kvöldi og á laugardögum frá klukkan 10 til 12.
Allar upplýsingar um námskeiðið eru á heimasíðu félagsins ira.is.
20m 14,120 kHz
40m 7,060 kHz
80m 3,690 kHz
14325 kHz was also expected to be used to co-ordinate with the USA Hurricane Watch Net.
Various Winlink nodes may also be used to deal with the emergencies.
Um síðustu mánaðamót var liðið eitt ár frá því að Ísland varð hluti af SOTA (Summits on the air) verkefninu. Fjallað verður um það sem gerst hefur á þessum tíma í opnu húsi í Skeljanesi klukkan 20:15 n.k. fimmtudagskvöld, 21 september. Þar á meðal er:
