,

NÁMSKEIÐ ÍRA TIL AMATÖRPRÓFS

Námskeið ÍRA til amatörprófs 2019 var sett í Háskólanum í Reykjavík föstudaginn 18. október. Jón Björnsson, TF3PW, umsjónarmaður setti námskeiðið að viðstöddum Vilhjálmi Þór Kjartanssyni, TF3DX, formanni prófnefndar. Alls eru 19 þátttakendur skráðir að þessu sinni.

Námskeiðið hófst sama kvöld (18. október) og lýkur með prófi Póst- og fjarskiptastofnunar laugardaginn 14. desember. Vilhjálmur Þór Kjartansson, TF3DX, formaður prófnefndar, setti upp og vann skipulag námskeiðsins. Ýmist er kennt tvo eða þrjá daga í viku, þ.e. mánudag og miðvikudag eða mánudag, þriðjudag og miðvikudag kl. 18:30-21:30. Kennarar eru tíu talsins:

Andrés Þórarinsson, TF3AM; Ágúst Úlfar Sigurðsson, TF3AU; Haukur Konráðsson, TF3HK; Henry Arnar Hálfdánarson, TF3HRY; Hörður Mar Tómasson, TF3HM; Jón Björnsson, TF3PW; Kristinn Andersen, TF3KX; Sæmundur Þorsteinsson, TF3UA; Vilhjálmur Þór Kjartansson, TF3DX og Þór Þórisson, TF1GW.

Stjórn ÍRA þakkar prófnefnd, umsjónarmanni og kennurum aðkomu að þessu mikilvæga verkefni, að ógleymdum rektor og stjórnarmönnum Háskólans í Reykjavík, fyrir aðgang að glæsilegu kennslurými skólans.

Stjórn ÍRA óskar þátttakendum góðs gengis.

Námskeiðs ÍRA til amatörprófs 2019 var sett í Háskólanum í Reykjavík 18. október. Ljósmynd: Jón Svavarsson TF3JON.
/by
,

OPINN LAUGARDAGUR KOMINN TIL AÐ VERA

Ari Þórólfur Jóhannesson, TF1A, mætti í Skeljanes laugardaginn 19. október og kynnti búnað, tækni og tól til fjarskipta um OSCAR 100 gervitunglið, auk þess sem hann aðstoðaði félagsmenn við að fara í loftið frá félagsstöðinni TF3IRA í gegnum tunglið.

Í boði var svokallaður „opinn laugardagur“ sem þýðir að félagsaðstaðan var opin yfir allan daginn frá kl. 10-16 til að gefa sem flestum tækifæri til að nýta viðburðinn. Þetta fyrirkomulag heppnaðist vel og var mikil ánægja með það.

Skemmtilegt er að skýra frá því að á meðal gesta var Stefán Arndal, TF3SA, sem fór í loftið og varð þar með fyrstur leyfishafa til að hafa samband um OSCAR 100 á morsi frá Íslandi. Það var við DL4ZAB, OM Bernd í Kassel í Þýskalandi. Flestir (sem fóru í loftið) prófuðu þó hljóðnemann og voru menn sammála um, að þessi upplifun væri mjög sérstök; sterk merki, engar truflanir og góður DX.

Alls mættu 19 félagsmenn og 4 gestir í Skeljanes þennan ágæta og veðurmilda laugardag.

Stjórn ÍRA þakkar Ara fyrir áhugaverðan og vel heppnaðan viðburð.

Skeljanesi 19. október. Ari Þórólfur Jóhannesson TF1A útskýrir sérstöðu gervihnattabúnaðarins fyrir Stefáni Arndal TF3SA.
Stefán Arndal TF3SA tekur fysta sambandið frá Íslandi á morsi í gegnum Es’Hail-2/P4A / Oscar 100 gervitunglið. QSO við DL4ZAB; þá var klukkan 13:55. Jón Björnsson TF3PW fylgist með.
Ari er QRV um OSCAR 100 heimanað frá sér í Reykjavík. Á ferðalögum notar hann hins vegar þennan búnað sem hann útskýrði fyrir viðstöddum sem spurðu margra spurninga. Hann hefur m.a. þegar notað búnaðinn til að hafa sambönd um tunglið frá Norðurlandi og Suðurlandi.
Óskar Sverrisson TF3DC fylgdi í fótspor Stefáns TF3SA og hafði sambönd um OSCAR 100 á morsi.
Wilhelm Sigurðsson TF3AWS prófaði búnaðinn og hafði sambönd á SSB um gervitunglið.
Erling Guðnason TF3EE hafði sambönd á SSB um OSCAR 100.
Jónas Bjarnason TF3JB prófaði stöðina einnig á SSB og fyrsta sambandið var til Suður-Afríku. Ljósmynd: Stefán Arndal TF3SA. Aðrar myndir: Jónas Bjarnason TF3JB.
/by
,

19. OKTÓBER – OPINN LAUGARDAGUR

Á morgun, laugardaginn 19. október verður svokallaður „opinn laugardagur“ í boði í félagsaðstöðunni í Skeljanesi, sem er nýjung á yfirstandandi vetrardagskrá.

Félagsmenn hafa – undir styrkri stjórn Ara Þórólfs Jóhannessonar, TF1A, VHF stjóra ÍRA – unnið að uppsetningu og frágangi gervihnattabúnaðar félagsins til fjarskipta um Es’Hail-2/P4A / Oscar 100 gervitunglið. Stöðin er nú frágengin og verður til sýnis og prófunar á laugardag frá kl. 10:30-16:00 á tali, morsi og stafrænum tegundum útgeislunar.

Ari mun fræða okkur um þessa tegund fjarskipta og ennfremur sýna færanlega stöð til sambanda um tunglið, sem hann hefur m.a. prófað frá Akureyri og um síðustu vitahelgi, frá Knarrarósvita.

Félagsmenn eru hvattir til að koma við í Skeljanesi og fara í loftið. Kaffi verður á könnunni.

Stjórn ÍRA.

–

Glæsileg gervihnattastöð félagsins uppsett og tilbúin fyrir Es’Hail-2/P4A / Oscar 100 gervitunglið. Verkefninu lauk formlega 16. október s.l. Ljósmynd: Ari Þórólfur Jóhannesson TF1A.

Myndin ver tekin í Skeljanesi 1. október s.l. eftir vinnu þegar þeir Ari Þórólfur Jóhannesson TF1A, VHF stjóri félagsins og Georg Kulp TF3GZ settu upp, tengdu og stilltu nýjan og stærri loftnetsdisk fyrir OSCAR 100 gervitunglið vegna fjarskipta frá TF3IRA. Ný diskurinn er úr trefjagleri (fíber) og 120cm að stærð. Ljósmynd: Óskar Sverrisson TF3DC.
/by
,

AXEL SÖLVASON TF3AX ER LÁTINN

Axel Sölvason, TF3AX, hefur haft sitt síðasta QSO; merki hans er hljóðnað.

Bergur Axelsson, TF3BX, sonur hans, lét félaginu í té þær upplýsingar að Axel hafi látist á Hrafnistu í Reykjavík 15. október. Hann var á 88. aldursári, leyfishafi nr. 81.

Jarðarförin fer fram í Lindakirkju í Kópavogi 30. október kl. 11 árdegis.

Um leið og við minnumst Axels með þökkum og virðingu færum við fjölskyldu hans innilegustu samúðarkveðjur.

Fyrir hönd stjórnar,

Jónas Bjarnason, TF3JB,
formaður.

/by
,

TF ÚTILEKARNIR 2019 – ÚRSLIT

Einar Kjartansson, TF3EK, umsjónarmaður leikanna kynnti helstu niðurstöður og úrslit í Skeljanesi 17. október. Þar kom m.a. fram, að alls tóku 14 stöðvar þátt í ár, samanborið við 15 á síðasta ári (2018).

Jónas Bjarnason, TF3JB, formaður ÍRA, þakkaði TF3EK undirbúning og umsjón leikanna. Síðan voru afhent veðlaun. Í tilefni 40. TF útileikanna voru 1. verðlaun glæsilegur verðlaunabikar (til eignar) og viðurkenningarskjöl  fyrir fimm efstu sætin:

1. sæti, Hrafnkell Sigurðsson, TF8KY, 425 heildarstig.
2. sæti, Georg Magnússon, TF2ll,  252 heildarstig.
3. sæti, Jónas Bjarnason, TF3JB, 123 heildarstig.
4. sæti, Einar Kjartansson, TF3EK, 104 heildarstig.
5. sæti, Íslenskir radíóamatörar, TF3IRA, 96 heildarstig.

Alls mættu 26 félagar og 1 gestur í Skeljanes þetta ágæta fimmtudagskvöld í blíðviðri í Vesturbænum.

(Niðurstöður verða birtar í heild ásamt ljósmyndum í 1. tbl. CQ TF sem kemur út 26. janúar 2020).

Einar Kjartansson TF3EK, umsjónarmaður, kynnti helstu niðurstöður og úrslit í TF útileikunum 2019. Ljósmynd: TF3jB.
Jónas Bjarnason TF3JB formaður ÍRA afhenti Hrankeli Sigurðssyni TF8KY glæislegan verðlaunabikar og verðlaunaskjal fyrir bestan árangur í leikunum 2019. Ljósmynd: Jón Svavarsson TF3JON.
Vilhjálmur Þór Kjatansson TF3DX og XYL Guðrún Hannesdóttir TF3GD fylgdust með verðlaunaafhendingunni. Þess má geta, að Vilhjálmur er líklega sá leyfishafi sem hefur tekið þátt í flestum TF útileikum frá upphafi (í 40 ár) og sagðist hann líklega bara hafa misst af tveimur útileikum. Hann tók að sjálfsögðu þátt í útileikunum 2019. Ljósmynd: Jón Svavarsson TF3JON.
Eftir verðlaunaafhendingu og kaffi var fjarskiptaherbergi TF3iRA vinsælt. Á myndinni má sjá aöstöðu félagsins til gervitunglafjarskipta. Næst stöðinni eru þeir Ari Þórólfur Jóhannesson TF1A og Georg Kulp TF3GZ. Aðrir sem sjást á mynd (frá vinstri): Guðmundur Sigurðsson TF3GS, Þorvaldur Bjarnson TF3TB og Badvin Þórarinsson TF3-033. LJósmynd: TF3JON.
Þórður Adolfsson TF3DT og Óskar Sverrisson TF3DC sögðu að skilyrðin á 40 metrum væru góð. Ljósmynd: Jón Svavarsson TF3JON.
/by
,

FLUGRADAR BÚNAÐUR KOMINN Í SKELJANES

Ari Þórólfur Jóhannesson, TF1A, VHF stjóri félagsins og Georg Kulp, TF3GZ, settu upp ADSB loftnet fyrir flug radar og 1 GHz viðtæki í Skeljanesi 15. október. Búnaðurinn nemur merki frá flugvélum. Skoða má á heimasíðu viðtækisins þau svæði sem hann þekur. Vefslóðin er adsb.utvarp.com

Loftnetið var sett upp vestanmegin við húsið, en viðtækið er staðsett í fjarskiptaherbergi TF3IRA, tengt við 24“ borðskjá. Búnaðurinn kemur vel út að sögn TF1A og var hann ánægður með útkomuna eftir fyrstu prófanir.

Georg Kulp TF3GZ gengur frá lestingu fyrir loftnetið. Ljósmynd: TF3JB.
ADSB loftnetið komið upp á festinguna. Eftir var að ganga frá fæðilínunni þegar myndin var tekin. Ljósmynd: TF3JB.
Ari Þórólfur Jóhannesson TF1A prófar búnaðinn. Hann sagðist ánægður með útkomuna eftir fyrstu prófanir. Ljósmynd: TF3JB.
/by
,

TF ÚTILEIKARNIR 2019; ÚRSLIT 17. OKTÓBER

Nýr viðburður á vetrardagskrá ÍRA verður haldinn í félagsaðstöðunni fimmtudaginn 17. október kl. 20:30. Þá mætir Einar Kjartansson, TF3EK, umsjónarmaður TF útileikanna í Skeljanes og kynnir úrslit í leikunum 2019.

Viðurkenningar eru að venju vandaðar, en í tilefni 40. TF útileikanna er glæsilegur verðlaunabikar í 1. verðlaun. Viðurkenningarskjöl verða jafnframt afhent fyrir fyrstu fimm sætin.

Félagar eru hvattir til að mæta tímanlega. Veglegar kaffiveitingar.

Stjórn ÍRA.

–

Einar Kjartansson, TF3EK, umsjónarmaður TF útileikanna.

–

Glæsilegur verðlaunabikar er í 1. verðlaun í TF útileikunum 2019. Ennfremur verða afhentar viðurkenningar fyrir bestan árangur í fyrstu fimm sætunum. Viðurkenningarskjölin voru útbúin af Brynjólfi Jónssyni TF5B viðurkenningastjóra ÍRA. Ljósmynd: TF3JB.

/by
,

TF3RPK QRV Á NÝ FRÁ SKÁLAFELLI

Þau TF1A, TF3SUT, TF3DT, TF3GZ, TF3ML og Jessica (YL frá Kanada) gerðu ferð á Skálafell í dag, 12. október. Verkefnið var að gera við TF3RPK endurvarpann sem hafði verið úti í nokkur misseri.

Mynd til vinstri: TF3SUT á leið niður úr turninum eftir uppsetningu Diamond SE-300 loftnetsins. Mynd að ofan: TF3ML flutti tromluna með með Huber+Suhner ½“ heliax fæðilínunni á jeppakerru.

Verkefnið gekk að óskum og er TF3RPK nú QRV á ný á 145.575 MHz. Inngangstíðnin er -600 Hz og tónn er 88,5 Hz. Huber+Suhner  ½“ heliax fæðilína er notuð upp í Diamond SE-300 loftnetið.

Í dag (13. október) var komið á tengingum með 430 MHz hlekk við endurvarpana í Bláfjöllum og á Mýrum. TF3DT sá hópnum fyrir glæsilegum veitingum, sbr. meðfylgjandi ljósmynd af korditori tertu (merkt TF3RPK) frá Jóa Fel bakara.

Þakkir til hópsins fyrir verkefni vel úr hendi leyst.

TF3GZ og TF3DT koma fyrir Katherein loftnetinu fyrir 430 MHz hlekkinn. Ljósmynd: TF1A.
Jessica, YL frá Kanada, hjálpaði til með að klifra upp í turninn með TF2SUT. Ljósmynd: TF1A
Konditori terta TF3DT frá Jóa Fel bakara var merkt endurvarpanum, TF3RPK. LJósmynd: TF1A.
/by
,

MIKIL AÐSÓKN – SKRÁNING FRAM Á ÞRIÐJUDAG

Skráning á námskeið ÍRA til amatörprófs er opin til 15. október. Í ljósi mikillar aðsóknar hefur verið ákveðið að taka allt að 25 þátttakendur.

Námskeiðið hefst föstudaginn 18. október og lýkur í desember með prófi Póst- og fjarskiptastofnunar. Kennt verður mánudaga, þriðjudag og miðvikudaga kl. 18:30-21:30 í húsnæði Háskólans í Reykjavík.

Áhugasamir eru beðnir um að skrá nafn sitt og tölvupóstfang á “ira hjá ira.is”. Skráningu fylgir engin skuldbinding.

Fyrirspurnum má beina til Jóns Björnssonar, TF3PW, umsjónarmanns námskeiða félagsins; tölvupóstfang „nonni.bjorns hjá gmail.com

Ath. skráning verður aðeins opin til miðnættis þriðjudaginn 15. október n.k.

Stjórn ÍRA.

/by
,

SAC SSB KEPPNIN ER UM HELGINA

SSB hluti Scandinavian Activity keppninnar (SAC) verður haldinn um helgina, 12. – 13. október.

Þetta er 24 klst. keppni sem hefst á laugardag á hádegi og lýkur á sunnudag á hádegi. Fjórar TF stöðvar tóku þátt í keppninni í fyrra (2018).

Norðurlöndin keppa á móti heiminum og innbyrðis. Sjá reglur í viðhengi. Mikilvægt er að sem flestar TF-stöðvar taki þátt!

Stjórn ÍRA.

http://www.sactest.net/blog/

/by