Próf Fjarskiptastofu til amatörleyfis fór fram í félagsaðstöðu ÍRA við Skeljanes í Reykjavík laugardaginn 16. mars. Þar sem um var að ræða einskonar sjúkrapróf/upptökupróf var ekki í boði námskeið eða annar undirbúningur á vegum félagsins.

Alls þreyttu fimm próf í raffræði og tækni og fjórir próf í reglum og viðskiptum. Í raffræði og radíótækni náðu 2 fullnægjandi árangri, einn til N-leyfis og einn til G-leyfis. Í Reglum og viðskiptum náði einn til viðbótar fullnægjandi árangri til G-leyfis en einn aðili hafði áður náð fullnægjandi árangri í reglum og viðskiptum til G-leyfis.

Upphaflega voru átta skráðir í prófið. Tveir drógu sig til baka og einn var fjarverandi vegna veikinda. Eftirfarandi eru nýir leyfishafar:

Einar Sverrir Sandoz, Reykjavík – N-leyfi.
Hákon Örn Árnason, Reykjavík – G-leyfi.

Innilegar hamingjuóskir og velkomnir í loftið!

Stjórn ÍRA.

.

Mynd frá prófi Fjarskiptastofu til amatörleyfis sem haldið í félagsaðstöðu ÍRA í Skeljanesi 16. mars 2024. Átta ára daman fremst á myndinni fylgdi pabba sínum í prófið og dundaði sér við lestur og tölvuleiki meðan á prófinu stóð. Ljósmynd: TF3JB.

Félagsaðstaða ÍRA í Skeljanesi verður opin fimmtudaginn 21. mars fyrir félagsmenn og gesti frá kl. 20:00 til kl. 22:00.

Fundarsalur, fjarskiptaherbergi TF3IRA og QSL stofa á 2. hæð verða opin. Góður félagsskapur og nýjustu amatörtímaritin.

QSL stjóri verður búinn að fara í pósthólfið, flokka kortasendingar og raða í hólfin. Kaffiveitingar.

Verið velkomin í Skeljanes!

Stjórn ÍRA.

.

Félagsaðstaða ÍRA er til húsa í Skeljanesi í Reykjavík.

Teknar voru saman upplýsingar um TF kallmerki sem fengu skráningu á þyrpingu (e. cluster) vikuna 11.-17. mars 2024. Alls fengu 18 kallmerki skráningu. Flestir voru QRV á stafrænum mótunum (FT8 og/eða FT4), en einnig á morsi (CW), fjarritun (RTTY) og tali (SSB). Bönd: 10, 12, 15, 17, 20, 30, 40, 60, 80 og 160 metrar, auk sambanda um gervitunglið QO-100.

Kallmerki fær skráningu þegar leyfishafi [eða hlustari] hefur haft samband við [eða heyrt í] TF kallmerki. Svokallað „self spotting“ er ekki tekið með. Upplýsingarnar eru fengnar á http://new.dxsummit.fi/#/  Sambærilegar síður eru í boði á netinu til samanburðar.

Fyrst er skráð kallmerki, þá tegund(ir) útgeislunar og band/bönd sem kallmerki fær skráningu á.

Til skoðunar er að taka reglulega saman upplýsingar af þessu tagi.

Stjórn ÍRA.

TF1A                      FT8 á 60m. og SSB um QO-100 gervitunglið.
TF1EIN                  FT8 á 17 og 20 m.
TF2CT                    FT4 á 20 m.
TF2MSN               FT8 á 10, 12, 30, 40 og 80 m.
TF3AO                  RTTY á 10, 15 og 20 m.
TF3DC                   CW á 17 m.
TF3EK                    FT8 á 10 m.
TF3EO                   CW á 10, 12, 15 og 40 m.
TF3LB                    FT4 og FT8 á 10 og 12m.
TF3PKN                FT8 á 10 og 12 m. og FM á 10m.
TF3PPN                FT4 á 15 m. og RTTY á 10 og 15 m.
TF3SG                   CW á 17, 30, 40 og 160 m.
TF3VE                   FT8 á 60 m.
TF3XO                   SSB á 20m.
TF4ZQ                   FT8 á 17 m. og SSB á 40 m.
TF5B                      FT8 á 10, 12, 15 og 30 m.
TF6MK                  FT8 á 17 og 20 m.
TF8SM                  FT4 á 10 m. og FT8 á 12 m.

.

Pier Albert Kaspersma TF3PKN var virkur á HF vikuna 11.-17. mars. Myndin sýnir glæsilega fjarskiptaaðstöðu hans heima í Hafnarfirði. Ljósmynd: TF3PKN.

Uppfærð DXCC staða TF kallmerkja er miðuð við 17. mars 2024. Sautján TF kallmerki eru með virka skráningu. Að þessu sinni hefur staða sex kallmerkja verið uppfærð frá fyrri lista: TF1A, TF2LL, TF3G (færist upp um tvö sæti), TF3JB, TF3MH (færist upp um eitt sæti) og TF3SG (færist upp um 1 sæti). Samtals er um að ræða 30 uppfærslur.

Gísli G. Ófeigsson, TF3G kemur inn með nýja skráningu í RTTY/DIGITAL flokki. Þetta er 5. DXCC viðurkenning Gísla.

Alls hafa [a.m.k.] 25 íslensk kallmerki sótt um og fengið DXCC viðurkenningar til þessa dags.

Hamingjuóskir til viðkomandi.

Stjórn ÍRA.

Próf Fjarskiptastofu til amatörleyfis var haldið í félagsaðstöðu ÍRA við Skeljanes laugardaginn 16. mars.

Alls þreyttu fimm próf í raffræði og tækni og fjórir próf í reglum og viðskiptum. Niðurstöður verða birtar á þessum vettvangi strax í byrjun næstu viku.

Upphaflega voru átta skráðir í prófið. Tveir drógu sig til baka og einn var fjarverandi vegna veikinda.

Sérstakar þakkir til Prófnefndar ÍRA og til Fjarskiptastofu.

Stjórn ÍRA.

Mynd úr prófi Fjarskiptastofu til amatörleyfis 16. mars 2024. Ljósmynd: TF3JB.

Próf Fjarskiptastofu til amatörleyfis verður haldið í félagsaðstöðu ÍRA í Skeljanesi laugardaginn 16. mars n.k. samkvæmt eftirfarandi:

10:00 – 12:00 Raffræði og radíótækni.
13:00 – 14:00 Reglur og viðskipti.
14:30 – Prófsýning.

Prófið er skv. 5. gr. í reglugerð um starfsemi radíóáhugamanna nr. 348/2004. Prófið er í 30 liðum og gilda allir jafnt. Próftími er 2 klst. Nota má blýanta, strokleður, reglustiku og reiknivél sem ekki getur geymt gögn, önnur hjálpargögn eru ekki leyfð.

Prófið er öllum opið. ÍRA hefur sent lista til Fjarskiptastofu yfir þá aðila sem staðfest hafa þátttöku, en möguleiki er að bæta próftökum við hafi einhver misst af skráningu fyrir lokafrest.

Með ósk um gott gengi.

Prófnefnd ÍRA.

Aðalfundur ÍRA árið 2024 var haldinn 10. mars í safnaðarheimili Neskirkju við Hagatorg í Reykjavík. Meðal gagna sem lögð voru fram á fundinum var skýrsla formanns um starfsemi félagsins á liðnu starfsári.

Skýrslan var lögð fram á prentuðu formi. Hún skiptist í 16 kafla og tvo viðauka, auk formála og efnisyfirlits. Hún er alls 228 blaðsíður að stærð.

Vefslóð á skýrsluna: https://www.ira.is/wp-content/uploads/2024/03/loka-Arsskyrsla-IRA-2024-12.3.2024.pdf

Fundargerð, ljósmyndir og önnur aðalfundargögn verða til birtingar í 2. tbl. CQ TF sem kemur út 21. apríl n.k.

Stjórn ÍRA.

.

Gögn sem voru lögð fram í aðalfundarmöppu 10. mars: (1) Dagskrá fundarins skv. 19. gr. félagslaga; sérprentun.
(2) Skýrsla um starfsemi ÍRA 2023/24. (3) Áritaður ársreikningur félagssjóðs fyrir starfsárið 2023. (4) Lög ÍRA; sérprentun. (5) Formaður gefur skýrslu um starfsemi félagsins; munnlegur flutningur.

PODXS 070 CLUB ST PATRICK’S DAY CONTEST
Stendur yfir laugardag 16. mars frá kl. 00:00-23:59.
Keppnin fer fram á PSK31 á 160, 80, 40, 20, 15, 10 og 6 metrum.
Skilaboð: Ríki í Bandaríkjunum, fylki í Kanada eða DXCC eining.
https://www.podxs070.com/o7o-club-sponsored-contests/saint-patrick-s-day-contest

BARTG RTTY CONTEST
Hefst laugardag 16. mars kl. 14:00 / lýkur sunnudag 17. mars kl. 01:59.
Keppnin fer fram á RTTY á 80, 40, 20, 15 og 10 metrum.
Skilaboð: RST + raðnúmer + 4 tölustafir fyrir tímasetningu (GMT).
http://bartg.org.uk/wp/

RUSSIAN DX CONTEST
Hefst á laugardag 16. mars kl. 14:00 / lýkur sunnudag 17. mars kl. 14:00.
Keppnin fer fram á CW og SSB á 160, 80, 40, 20, 15 og 10 metrum.
Skilaboð rússneska stöðva: RS(T) + 2 stafir fyrir hérað (oblast).
Skilaboð annarra: RS(T) + raðnúmer.
https://www.rdxc.org/rules_eng

F9AA CUP, SSB CONTEST
Hefst á laugardag 16. mars kl. 14:00 / lýkur sunnudag 17. mars kl. 14:00.
Keppnin fer fram á SSB á 80, 40, 20, 15 og 10 metrum.
Skilaboð: RST + raðnúmer.
https://www.site.urc.asso.fr/index.php/om-yl/concours/trophee-f9aa

AFRICA ALL MODE INTERNATIONAL DX CONTEST
Hefst á laugardag 16. mars kl. 14:00 / lýkur sunnudag 17. mars kl. 14:00.
Keppnin fer fram á CW, SSB og RTTY á 160, 80, 40, 20, 15 og 10 metrum.
Skilaboð: RS(T) + raðnúmer.
https://www.uska.ch/it/all-africa-all-mode-international-dx-contest-16-17-3-2024/

Með ósk um gott gengi!

Stjórn ÍRA.

.

Myndin er af Stefáni Arndal TF3SA í CW keppni frá TF3IRA í Skeljanesi fyrir nokkrum árum.

Áður kynnt erindi Hrafnkels Sigurðssonar, TF8KY:  „Páskaleikar ÍRA 3.-5. maí, kynning og nýjungar“ sem vera átti í Skeljanesi fimmtudaginn 14. mars n.k. frestast af óviðráðanlegum ástæðum.

Félagsaðstaðan verður opin frá kl. 20:00-22:00 fimmtudaginn 14. mars og er almenn málaskrá í boði á opnu húsi í stað erindisins.

Nýjustu tímaritin liggja frammi. Mathías Hagvaag, TF3MH QSL stjóri félagsins verður búinn að flokka QSL kort í hólf félagsmanna. Kaffiveitingar.

Beðist er velvirðingar á þessari breytingu.

Stjórn ÍRA.

.

.

Félagsaðstaða ÍRA er í þessu húsi í Skeljanesi.
Aðalfundur ÍRA 2024 var haldinn í safnaðarheimili Neskirkju í Reykjavík 10. mars. Fundarstjóri var kjörinn Vilhjálmur Í. Sigurjónsson TF3VS og sést hann hér í ræðupúlti.
Jónas Bjarnason TF3JB, formaður ÍRA flutti framlagða skýrslu stjórnar fyrir starfsárið 2023/24.
Jón Björnsson TF3PW gjaldkeri ÍRA flutti framlagðan ársreikning félagssjóðs fyrir rekstrarárið 2023.
Hluti stjórnarmanna. Frá vinstri: Heimir Konráðsson TF1EIN varastjórn, Georg Kulp TF3GZ ritari og Jón Björnsson TF3PW gjaldkeri.
Kristinn Andersen TF3KX formaður Prófnefndar ÍRA flutti skýrslu um starfsemi nefndarinnar.
Kristján Benediktsson TF3KB NRAU/IARU tengiliður ÍRA flutti skýrslu um alþjóðamálin. Aðrir á mynd: Vilhjálmur Í. Sigurjónsson TF3VS fundarstjóri og Jónas Bjarnason TF3JB formaður ÍRA.
Mynd úr sal. Frá vinstri, fremst: Eiður Kristinn Magnússon TF1EM, Hans Konrad Kristjánsson TF3FG og Sveinn Goði Sveinsson TF3ID. Frá vinstri, miðröð: Kristján Benediktsson TF3KB, Georg Magnússon TF2LL og Guðmundur Ingi Hjálmtýsson TF3IG. Frá vinstri, aftast: Hinrik Vilhjálmsson TF3VH, Anna Henriksdóttir TF3VB og Kristinn Andersen TF3KX.
Hinrik Vilhjálmsson TF3VH, Anna Henriksdóttir TF3VB og Kristinn Andersen TF3KX.
Frá vinstri: Sigurbjörn Þór Bjarnason TF3SB, Mathías Hagvaag TF3MH og Wilhelm Sigurðsson TF3AWS. Þess má geta að Mathías er QSL stjóri TF ÍRA QSL Bureau og flutti skýrslu embættis síns á fundinum.
Slegið á létta strengi. Frá vinstri: Kristinn Andersen TF3KX, Kristján Benediktsson TF3KB, Georg Magnússon TF2LL og Guðmundur Ingi Hjálmtýsson TF3IG.
Erling Guðnason TF3E. Erling spurðist m.a. fyrir um EMC málefni undir liðnum „Önnur mál“.
Rúnar Þór Valdimarsson TF3RJ. Undir liðnum „Önnur mál“ lagði Rúnar Þór til að félagið afli búnaðar til að taka upp fundi og hvaðeina sem fer fram í félaginu og setji á vefmiðla til varðveislu, t.d. Youtube.
Þorvaldur Bjarnason TF3TB. Eftir að fundi var slitið kom Þorvaldur að máli við stjórn og kvaðst vilja færa ÍRA eintak af bókinni „Grounding and Bonding for the Radio Amateur“ að gjöf. Þetta er verk frá árinu 2023; 2. útgáfa, 2. prentun. Höfundur er NØAX. Bókin skiptist í 6 kafla, auk formála og viðauka með ítarefni; alls 160 bls. Sérstakar þakkir til Þorvaldar fyrir nytsama gjöf til félagsins.
Gögn sem voru lögð fram í aðalfundarmöppu þann 10. mars 2024: (1) Dagskrá fundarins skv. 19. gr. félagslaga; sérprentun. (2) Ársskýrsla ÍRA um starfsemi félagsins á starfsárinu 2023/24. (3) Ársreikningur félagssjóðs fyrir almanaksárið 2023. (4) Lög ÍRA; sérprentun. Og (5), þættir úr munnlegri skýrslu formanns um starfsemi félagsins á starfsárinu 2023/24.
Séstakar þakkir til Jóns Svavarssonar TF3JON fyrir ljósmyndir.