,

ALÞJÓÐLEGA VITA- OG VITASKIPAHELGIN 2021

Alþjóðlega vita- og vitaskipahelgin er nú um helgina, 21.-22. ágúst. Einn íslenskur viti hafði verið skráður inn á heimasíðu viðburðarins í hádeginu í dag (19. ágúst). Það er Knarrarósviti (IS-0001) sem er staðsettur austan við Stokkseyri.

Svanur Hjálmarsson, TF3AB mun virkja kallmerkið TF1IRA um helgina. Hann áformar að verða við vitann til undirbúnings strax annað kvöld (föstudag) og reiknar með að verða á staðnum einnig á laugardag.

Hann hlakkar til að sjá sem flesta félaga á staðnum og nefnir, að menn geti komið með eigin tæki og búnað og tengt við rafmagn og loftnet þar á staðnum. Svanur er með GSM númerið 837-9000 ef menn hafa fyrirspurnir.

Bestu þakkir til Svans fyrir gott framtak.

Stjórn ÍRA.

https://illw.net/index.php/entrants-list-2021

Knarrarósviti er staðsettur sunnan við Stokkseyri. Hann er sá viti sem radíóamatörar hafa oftast virkjað á vita- og vitaskipahelgi hér á landi, eða 18 sinnum frá 1998. Vitinn verður því QRV í 19. skipti þegar kallmerkið TF1IRA verður sett í loftið um helgina. Ljósmyndin var tekin árið 2005 af TF3AO.
0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *

19 − fourteen =