, ,

CQ WW CW 2013 fyrstu tölur – Claimed Score

Nú eru fyrstu tölur komnar sem gefa til kynna árangur og niðurstöður í CQ WW CW 2013. Vitað er um 10 íslenskar stöðvar sem skiluðu inn radíódagbók til keppnisstjórnar.

Samkvæmt fyrstu tölum er TF3CW með hæsta skor í Evrópu og nr. 8 yfir heiminn í flokknum Single band 15m, Single op. high, not assisted með 922.266 stig.

TF3W með (TF3SA sem op) er nr. 11 í Evrópu og nr. 34 yfir heiminn í flokknum Single band 10m, Single op, high, not assisted með 333.004 stig.  Þessar tvær íslensku stöðvar bera af að þessu sinni hvað varðar árangur, en mjög ánægjulegt hefur verið að fylgjast með þáttöku annarra íslenskra stöðva í keppninni að þessu sinni.

Fyrir hönd ÍRA eru TF3CW og TF3SA færðar innlegar hamingjuóskir með frábæran árangur.

73

Guðmundur, TF3SG

, ,

Þáttaka frá ÍRA í CQ WW CW 2013

Stefán Arndal, TF3SA settist fyrir framan tækin í CQ WW 2013 og sendi út á morsi kallmerki ÍRA, TF3W.  Stefán hafði 1.659 sambönd í flokknum Single-Op Non-Assisted Band 10m

Claimed Score er 330.382

Nokkrar TF stöðva tóku þátt í CQ WW CW 2013. Upplýsingar um árangur verða færðar inn jafn óðum og þær berast. Athyglisverð er frammistaða TF3EO sem sendi inn logg í flokknum Single Operator ROOKIE, radíóamatör sem nýlega hefur fengið leyfi.

Kallmerki
160m
80m
40m
20m
15m
10m
samt.
áætluð stig
TF3AM 69 101 102 84 85 85 526 229.632
TF3CW 2.853 922.266
TF3GB 5 318 787 138 46 1.292 588.752
TF3EO 31 66 172 1 271 59.655
TF3W 1.659 358.820
TF4M CHECKLOG
TF3VS
TF3SG 73 241 481 99 1 1 909 365.240
TF3DC
TF3JB CHECKLOG

73

Guðmundur de TF3SG

, ,

CQ WW DX CW eftir 4 vikur

TF3W félagsstöð ÍRA hafði  rúm ellefu hundruð sambönd í SSB hluta CQ WW DX keppninnar um síðustu helgi, þeir sem unnu á stöðinni voru TF3HP og TF3SG. Fleiri íslenskar stöðvar voru í keppninni en fréttir af því hvernig þeim gekk hafa ekki borist og eru þeir sem tóku þátt hvattir til að senda á ÍRA stutta eða langa frásögn af sinni þáttöku ásamt myndum til dæmis af því loftneti og tækjabúnaði sem notaður var í keppninni.

En nú er komið að því að undirbúa þáttökuna í Morse hluta keppninnar og tilvalið að nota tímann fram að keppni til að efla Morse kunnáttuna og jafnvel nægur tími fyrir þá sem ekki hafa náð sér vel á strik eða hafa aldrei prófað Morse-samskipti að skella sér í það, fjórar vikur eru nægur tími ef vel er á spilunum haldið.

ÍRA stöðin verður virkjuð aftur og eru þeir sem áhuga hafa á að taka í lykilinn um helgina 23-24 nóvember hvattir til að hafa samband við ÍRA.

Muniði líka að yfirbragð félagsins og okkar íslenskra radíóamatöra er samansafn af framkomu og hegun okkar allra bæði í rituðu og sögðu máli og annarri framkomu yfirleitt.

Eflum og stækkum íslenska radíóamatöra.

, ,

TF3W í CQ WW DX SSB um helgina

Fréttir hafa borist af íslenskum stöðvum í CQ WW DX um helgina, TF3W var í loftinu í gær og aftur í dag. TF3HP og TF3SG hafa skipst á að vera við hljóðnemann. Fleiri hafa verið virkir, frést hefur af TF2LL, TF3CW, TF3CY, TF3AM, TF3AO í loftinu og eflaust eru einhverjir fleiri að. Böndin virtust öll vera meira og minna opin og mikil umferð var á 10 metrunum í morgun.

TF3SG við hljóðnemann á TF3W í morgun.

Keppnin stendur til miðnættis í kvöld og ekki var að heyra annað um hádegið að skilyrðin væru góð. Eitt er líka víst að fjölda amatöra um allan heim þyrstir í samband við TF.

, ,

CQ WW RTTY

Þá er keppnishelgin að baki.  TF2R gerðu gott, skv skortöflu á http://cqcontest.net/view/readscore.php  eru þeir í 9. sæti yfir heiminn í sínum flokki með 3,9M stig sem er í heimsklassa.  Vel gert, strákar!  Ég sat einnig við, 1900q og 1,9M stig en það lækkar nokkuð þegar búið er að taka frá villur.  Þetta var mjög gaman.

73, Andrés TF3AM

, ,

CQ WW RTTY keppnin er um helgina

Eftir því sem best verður séð eru þáttakendur frá Íslandi stöðvarnar TF2R sem eru íslensku Refirnir, Tango Fox Radio Foxes þeir TF3AO, TF3FIN, TF3HP, TF3IG. TF3GB og TF3PPN, stöðin TF3AM og kannski TF3AO.

Fyrir helgina birtist eftirfarandi frétt frá TF3AO á írarabbinu:

Sælir félagar, nú um komandi helgi fer fram CQ WW RTTY keppnin. Á síðasta ári gerðum við það bara nokkuð gott, enduðum í 11. sæti í Evrópu og í 13. sæti á heimsvísu í okkar flokki, sem TF2RR. Nú er stefnan að gera enn betur, og nú er kallmerkið heldur styttra, eða TF2R. Sem og í fyrra notum við stöð og búnað Georgs, TF2LL. Með von um að loftskilyrðin verði okkur hliðholl. Þeir sem verða á lyklaborðinu eru: TF3AO, TF3HP, TF3IG, TF3PPN, TF3FIN og TF3GB.

Á netsíðunni http://cqcontest.net/view/readscore.php má sjá í rauntíma stöðuna í keppninni á þeim stöðvum sem ská sinn logg beint á netið. 

… Þessa stundina er TF2R í sjötta sæti í sínum keppnisflokki.

, ,

SAC CW eftir hálfan mánuð

SAC keppni ársins 2013 sem hefst eftir hálfan mánuð er tilvalið tækifæri fyrir þá sem eru byrjendur eða endurkomendur í radíóamatöráhugmálið til að ná betra valdi á morsinu og samskiptaaðferðum radíóamatöra um allan heim. Þremur vikum seinna verður SSB hluti keppninnar.

SAC keppnisnefndin býður radíóamatörum um allan heim til  “2013 Scandinavian Activity Contest”

  • CW:   21 – 22 september, 12:00 UTC – 11:59 UTC
  • SSB: 12 – 13 október, 12:00 UTC – 11:59 UTC

sjá: http://www.sactest.net/blog/ …

Markmið keppninnar er að efla amatörradíóstarfið í Skandinavíu eða réttara á Norðurlöndunum og hvetja til samskipta milli radíóamatöra í Skandinavíu og  radíóamatöra utan SkandinavíuScandinavíustöðvar reyna að ná sambandi við eins margar  stöðvar utan Skandinavíu og unnt er og öfugt.

Á heimasíðu ÍRA er hafin vinna við að íslenska keppnisreglurnar. Allir félagar ÍRA sem réttindi hafa til að skrifa á vefinn geta tekið þátt í að þýða reglurnar á íslensku og er reyndar tilvalið tækifæri fyrir alla sem vilja ná valdi á þessum framtíðar samskiptahætti sem ÍRA-vefurinn er til að læra hvernig farið er að og kynnast því hversu miklu virkari samskiptaháttur gagnvirki vefurinn er heldur en venjulegur tölvupóstur sem allsstaðar er á undanhaldi í heiminum.

Koma svo og láta í sér heyra á vefnum á jákvæðan hátt, hættum að nöldra úti í horni eða í felum á bak við tölvupóst. Þeir sem hafa áður tekið þátt í þessari keppni eru sérstaklega hvattir til að bæta hér við eða skrifa í umsagnarhólfið við þessa frétt hvaðeina sem þeim liggur á hjarta um keppnina. Við treystum á reynsluboltana til að upplýsa okkur hina.

ps… allir félagar ÍRA geta fengið réttindi, aðgangsheimild, hjá Benna, TF3CY, til að skrifa á vefinn og engin stór hætta þó mistök verði, Benni getur alltaf endurheimt fyrri stöð

, ,

TF – útileikarnir eru um helgina

TF útileikarnir eru haldnir um verslunarmannahelgina ár hvert á vegum ÍRA. Leikarnir voru haldnir fyrst árið 1979. Tilgangur útileikanna er að örva áhuga og hæfni íslenskra radíóamatöra í notkun færanlegra stöðva og eflingu fjarskipta innanlands. Fjörið eykst þegar íslendingar búsettir eða staddir erlendis taka þátt. Leikarnir eru tilvaldir til að sameina útivist og amatörradíó.

Samband má hafa hvenær sem er um verslunarmannahelgina en heildar þáttökutími hverrar stöðvar má ekki vera meiri en 9 klukkustundir.

Aðalþáttökutímabilin eru: laugardag kl 1700-1900, sunnudag kl 0900-1200, sunnudag kl 2100-2400 og mánudag kl 0800-1000

Þáttakendur verða í það minnsta að skiptast á upplýsingum um RST og QSO-númer. QSO-tími og staðsetning verða að koma fram í loggnum.

Reglur leikanna eru á heimasíðu félagsins í kaflanum “Upplýsingar”: http://www.ira.is/tf-utileikar/

Villi, TF3DX einn ötulasti þáttakandi Útileikanna gegnum árin sagði aðspurður í símtali í gærkvöldi að einfaldasta loftnetið fyrir HF-böndin til að hafa með sér í útileikana, útileguna um helgina væri 39 metra langur vír sem komið væri eins hátt upp og aðstæður leyfðu á hverjum stað ásamt loftnetsstilli, einföld L-rás dugir vel og nægilegt væri að leggja út tvo til þrjá metra sem jörð eða tengja í einn eða fleiri tjaldhælinn. Hann mælti ekki með að menn tengdu jörðina í tána á ferðafélaganum…betri helmingnum sofandi inni í tjaldi, hversu freistandi sem það væri.

Góða helgi og skemmtilega keppni.

,

IOTA-keppnin um næstu helgi

Frétt barst frá SM5DJZ í gær um IOTA-keppnina sem verður um næstu helgi.
IOTA keppnin eða Eyjar í loftinu keppnin er tilvalin fyrir ykkur sem vantar einhver lönd eða svæði í loggana. Margir taka þátt án þess að sækjast eftir verðlaunasæti en hafa meiri áhuga á að ná sjaldgæfari kallmerkjum.
Gott væri ef þau ykkar sem vita eitthvað meira um IOTA-keppnina bættuð við fréttina eða settuð inn umsögn – comment – leiðbeiningar til okkar sem ekki hafa tekið þátt áður.
Á heimasíðu ÍRA er meðal annars að finna frétt um þátttöku TF7X í keppninni á árinu 2010 en þá kom hingað hópur þýzkra radíóamatöra og setti upp stöð með kallmerkinu TF7X í Vestmanneyjum.
TF7X í IOTA 2010
Á heimasíðu ÍRA frá því í fyrra er frétt um IOTA 2012 en þar koma fram ýmsar góðar upplýsingar.
IOTA 2012
IOTA

, ,

Glæsilegur árangur TF3CW á heimsmælikvarða

Sigurður R. Jakobsson TF3CW í fjarskiptaherbergi TF3IRA í október s.l. Ljósmynd: TF3LMN.

Í aprílhefti CQ tímaritsins 2013 eru birtar niðurstöður úr SSB-hluta CQ World-Wide DX keppninnar sem fram fór dagana 27.-28. október 2012. Þátttaka var ágæt frá TF og sendu 7 stöðvar inn keppnisdagbækur. Sigurður R. Jakobsson, TF3CW, náði afburðaárangi í sínum keppnisflokki og varð í 1. sæti yfir Evrópu og handhafi Evrópubikarsins. Þessi niðurstaða tryggði honum jafnframt 2. sæti yfir heiminn; silfurverðlaunin.

Sigurður hafði að þessu sinni 4.260 QSO sem hann náði með 33 klukkustunda viðveru. Þetta er stórglæsilegur árangur og staðfestir enn einu sinni, að Sigurður R. Jakobsson, TF3CW, er í hópi bestu keppnismanna í heimi.

Aðrar stöðvar reyndust vera með ágætan árangur. Athygli vekur árangur Andrésar Þórarinssonar, TF3AM, sem keppti á öllum böndum, hámarksafli; árangur Ársæls Óskarssonar, TF3AO,sem keppti á 21 MHz, hámarksafli, aðstoð; og árangur Guðmundar Sveinssonar, TF3SG, sem keppti á 3,7 MHz í einmenningsflokki, hámarksafli. Árangur keppnishópsins frá félagsstöðinni TF3W, undir forystu Jóns Ágústs Erlingssonar, TF3ZA, er einnig ágætur en hópurinn keppti í fleirmenningsflokki, hámarksafli, með einn sendi. Sjá nánar meðfylgjandi töflu.

Stjórn Í.R.A. óskar Sigurði R. Jakobssyni, TF3CW, innilega til hamingju með þennan glæsilega árangur svo og öðrum þátttakendum með þeirra niðurstöður.

Keppnisflokkur, CQ WW DX SSB 2012

Kallmerki

Árangur, stig

QSO

CQ svæði

DXCC einingar

15 metrar, einmenningsflokkur, hámarksafl, aðstoð
Unknown macro: {center}TF3AO*

Unknown macro: {center}48,720

Unknown macro: {center}433

Unknown macro: {center}19

Unknown macro: {center}65

20 metrar, einmenningsflokkur, hámarksafl
Unknown macro: {center}TF3CW*

Unknown macro: {center}1,387,337

Unknown macro: {center}4,260

Unknown macro: {center}36

Unknown macro: {center}125

80 metrar, einmenningsflokkur, hámarksafl
Unknown macro: {center}TF3SG*

Unknown macro: {center}28,258

Unknown macro: {center}361

Unknown macro: {center}16

Unknown macro: {center}55

Öll bönd, einmenningsflokkur, hámarksafl
Unknown macro: {center}TF3AM*

Unknown macro: {center}169,076

Unknown macro: {center}835

Unknown macro: {center}37

Unknown macro: {center}135

Öll bönd, einmenningsflokkur, hámarksafl
Unknown macro: {center}TF8GX

Unknown macro: {center}10,064

Unknown macro: {center}72

Unknown macro: {center}24

Unknown macro: {center}50

Öll bönd, einmenningsflokkur, hámarksafl, aðstoð
Unknown macro: {center}TF3IG

Unknown macro: {center}16,932

Unknown macro: {center}205

Unknown macro: {center}30

Unknown macro: {center}72

Öll bönd, fleirmenningsflokkur, hámarksafl**
Unknown macro: {center}TF3W*

Unknown macro: {center}7,125,928

Unknown macro: {center}5,701

Unknown macro: {center}130

Unknown macro: {center}489

*Bestur árangur í viðkomandi keppnisflokki (innan TF) og handhafi viðurkenningarskjals frá CQ tímaritinu. **TF3W op’s: TF3ZA, SMØMDG, SMØMLZ og SMØNOR.

Sigurður fær verðlaunabikar og verðlaunaplatta (líkan þessum) frá keppnisnefnd CQ fyrir árangurinn.

, ,

CQ WW WPX SSB keppnin er um helgina

Talhluti CQ World-Wide WPX keppninnar 2013 fer fram um næstu helgi, 30.-31. mars n.k. Keppnin er tveggja sólahringa keppni og hefst kl. 00:00 laugardaginn 30. mars og lýkur kl. 23:59 sunnudaginn 31. mars. Keppnin fer fram á 1.8, 3.5, 7, 14, 21 og 28 MHz. Í boði eru m.a. 8 einmenningsflokkar:

Keppnisriðlar

Keppnisflokkar

Einmenningsflokkur (a) Allt að 1500W; (b) allt að 100W; (c) allt að 5W
Einmenningsflokkur, aðstoð (a) Allt að 1500W; (b) allt að 100W (c) allt að 5W
Einmenningsflokkur, “overlay” (a) “Tribander/single element”; (b) “Rookie”
Fleirmenningsflokkur (a) Einn sendir; (b) tveir sendar; (c) enginn hámarksfjöldi senda

Keppnisreglur (á ensku): http://www.cqwpx.com/rules.htm

Markmið keppninnar er að hafa sambönd við kallmerki með eins mörg mismunandi forskeyti og frekast er unnt (TF1, TF2 o.s.frv.). Í WPX keppnunum er gerður greinarmunur á stigagjöf eftir böndum, þ.e. QSO á milli meginlanda (e. continents) á 28, 21 og 14 MHz gefa 3 stig og QSO á 7, 3.5 og 1.8 MHz gefa 6 stig.

Þótt um sé að ræða tveggja sólarhringa keppni er vakin athygli á að keppendur í einmenningsflokkum þurfa að taka sér 12 klst. hvíld að lágmarki (sjá nánar í reglum). Í þessari keppni er notað raðnúmer sambanda á eftir kóða fyrir læsileika og styrk, t.d. 59-001. Þegar náð er 1000 samböndum er haldið áfram, þ.e. 1001 o.s.frv. (en ekki byrjað á ný á 001).

Lokadagur fyrir skil á gögnum til keppnisnefndar er laugardagurinn 6. apríl.

Morshluti keppninnar fer fram helgina 25.-25. maí n.k.

, ,

Alþjóðlega RDXC keppnin 2013

Myndin er af fjarskiptaborði-B í fjarskiptaherbergi TF3IRA í félagsaðstöðunni í Skeljanesi. Ljósmynd: TF3JB.

Russian DX Contest er sólarhringskeppni og hefst kl. 12 á hádegi laugardaginn 16. mars og lýkur á sama tíma sunnudaginn 17. mars. Í boði er að keppa annaðhvort eða bæði (e. mixed), á CW eða SSB. Skilaboð eru RS(T) og raðnúmer (sem hefst á 001), en rússneskar stöðvar gefa upp RS(T) og tveggja bókstafa „oblast” kóða. Keppnin fer fram á 160-10 metra böndunum. Þessir keppnisriðlar eru eru í boði:

• SOAB-MIX – Einmenningsflokkur, öll bönd, bæði CW og SSB.
• SOAB-MIX-LP – Einmenningsflokkur, öll bönd, bæði CW og SSB, lágafl (mest 100W).
• SOAB-MIX-QRP – Einmenningsflokkur, öll bönd, bæði CW og SSB, QRP (mest 5W).
• SOAB-CW – Einmenningsflokkur, öll bönd, CW.
• SOAB-CW-LP – Einmenningsflokkur, öll bönd, CW, lágafl (mest 100W).
• SOAB-SSB – Einmenningsflokkur, öll bönd, SSB.
• SOAB-SSB-LP – Einmenningsflokkur, öll bönd, SSB, láafl (mest 100W).
• SOSB – Einmenningsflokkur, eitt band, bæði CW og SSB, bæði CW og SSB, val um 160, 80, 40, 20, 15, 10 metra.
• MOST – Fleirmenningsflokkur, öll bönd, einn sendir, bæði CW og SSB.
• MO2T – Fleirmenningsflokkur, öll bönd, tveir sendar, bæði CW og SSB.

Frestur til að skila keppnisdagbókum til keppnisnefndar RDXC er til 31. mars n.k. Nánari upplýsingar um keppnisreglur má sjá á vefslóðinni: http://www.rdxc.org/asp/pages/rulesg.asp

Systurfélag Í.R.A., Soyuz Radioljubitelej Rossii (SSR), landsfélag radíóamatöra í Rússneska sambandsríkinu stendur fyrir keppninni.