Myndin er frá vinnu við SteppIR loftnet félagsins 1. nóvember s.l. Ljósm. TF2JB.

Laugardaginn 20. mars 2010 kl. 10 árdegis var mættur hópur félagsmanna í félagsaðstöðuna við Skeljanes. Verkefni dagsins var að koma upp á ný SteppIR Yagi loftneti félagsins eftir viðgerð, en eins og menn muna brotnuðu festingar loftnetsins og það féll til jarðar þann 20. janúar s.l. Þessir voru mættir: Ársæll TF3AO, Bjarni TF3BG, Óskar TF3DC, Benedikt TF3CY, Erling TF3EE, Halldór TF3GC, Guðlaugur TF8GX, Haraldur TF3HP, Guðmundur Ingi TF3IG, Jón Þóroddur TF3JA, Jónas TF2JB, Jón Gunnar TF3PPN, Guðmundur TF3SG og Sveinn Bragi TF3SNN. Vinnan við samsetningu loftnetsins og uppsetningu gekk að óskum (en alltaf eru náttúrlega einhver smáatriði sem tefja…). Það flýtti þó verulega fyrir að Gulli, TF8GX, fékk lánaðan lyftubíl. Loftnetið var komið upp, tengt og tilbúið til notkunar klukkan 12:50. Bestu þakkir til allra sem lögðu hönd á plóginn.

Frá vinstri: TF3CY, TF3SNN og TF3PPN.

Frá vinstri: TF3GC, TF3DC, TF3PPN og TF8GX auk TF3AO.

Frá vinstri: TF3DC, TF3GB, TF3GC, TF3CY, TF3PPN, TF3AO og TF3SNN.

loftnetið á leið á sinn stað upp á turninum.

TF3PPN og TF8GX veifa til marks um að allt sé í góðu gengi.

Tengingarvinnan tók nokkurn tíma.

Loftnetið klárt, verkefninu lokið og karfan á leið niður. Þá var klukkan 12:50.

TF2JB

Fyrstu SteppIR elementin til lagfæringar. Elementið lengst til vinstri er mest skaddað af þessum. Ljósmynd: TF3SNN.

Það staðfestist hér með að farið verður í uppsetningu á SteppIR Yagi-loftneti félagsins laugardaginn, 20. mars, kl. 10 árdegis. Veðurspáin virðist vera nokkuð góð – við gætum átt von á skúrum – en á móti kemur verkið verður léttara en á horfðist vegna þess að við munum fá körfubíl á staðinn.

Sveinn Bragi Sveinsson, TF3SNN, hefur nú lokið við viðgerð loftnetsins og hann verður klár með nýjar festingar og það sem til þarf. Þeir félagsmenn sem áhuga hafa á að hjálpa til eru velkomnir. Heitt verður á könnunni og eins og áður hefur komið fram verða ný vínarbrauð frá Geirabakaríi í Borgarnesi á borðum.

TF2JB

Af tilefni ferðar 4×4 klúbbsins þvert yfir hálendi Íslands hef ég sett upp vefhlustun á tíðninni 3,637MHz. Viðtækið er statt í Grímsnesinu og sendir móttekna hljóðið yfir 3G nettengingu út á Internetið.

Sjá nánar á síðunni Vefradíó

73 de TF3HRafnkell

Myndin er frá vinnu við SteppIR loftnet félagsins 1. nóvember s.l. Ljósm. TF2JB.

Ákveðið hefur verið að setja aftur upp SteppIR Yagi-loftnet félagsins laugardaginn 20. mars og er miðað er við að hefjast handa kl. 10 árdegis. Sveinn Bragi Sveinsson, TF3SNN, hefur nú lokið við viðgerð loftnetsins og verður klár með það, nýjar festingar og það fleira sem til þarf fyrir þann tíma. Þeir félagsmenn sem áhuga hafa á að hjálpa til eru velkomnir. Heitt verður á könnunni og boðið verður upp á ný vínarbrauð frá Geirabakaríi í Borgarnesi.

Endanleg staðfesting þess efnis, að ráðist verði í verkefnið á laugardag verður birt hér á heimasíðunni á fimmtudagskvöld, þar sem halda þarf þeim möguleika opnum að geta frestað uppsetningu fram á sunnudag ef þörf er á vegna veðurs. Markmiðið er að loftnetið verði tilbúið til notkunar í CQ World-Wide WPX SSB keppnina sem fer fram helgina 27.-28. mars n.k.

Guðmundur Sveinsson, TF3SG, kynnti hér á heimasíðunni í fyrradag (13. mars) þá hugmynd, að félagsstöðin verði virkjuð til þátttöku í keppninni í ár undir kallmerkinu TF3W. Þeir félagsmenn sem áhuga hafa á að koma að undirbúningi eða þátttöku í keppninni hafi samband við TF3SG á dn@hive.is eða í GSM 896-0814.

TF2JB

Nú er stefnt að því að halda hinn árlega flóamarkað með gamalt rafmagnsdót og öllu öðru sem viðkemur amatörradíói sunnudaginn 21. mars og hefst hann kl. 10.00. Það var mikið fjör í fyrra og margt um manninn. Mikil var leitað að þéttum, spólum, einöngrurum, tengjum og þess háttar. Félagsmenn eru hvattir til þess að mæta með sem mest af dóti.

73 Guðmundur, TF3SG

Halldór Guðmundsson, TF3HZ mun halda fyrirlestur sinn um digital mótun á morgun fimmtudag 11. mars kl. 20.15.  Halldór er hafsjór af fróðleik um stafrænar mótunaraðferðir og hefur frá mörgu að segja.  Fyrirlestrinum var frestað fyrir um hálfum mánuði vegna snjókomu sem spáð hafði verið.  Halldór mun m.a. fjalla um JT65a og taka við fyrirspurnum á eftir.  Mætum tímanlega.

73

Guðmundur, TF3SG

Þorvaldur Stefánsson, TF4M, við stöð sína í Otradal. Myndin er tekin í fyrra (2009).

Þorvaldur, TF4M, hefur sótt um Worked All Zones Award (WAZ) á 160 metrum. WAZ er eitt af þekktustu og elstu viðurkenningarskjölum radíóamatöra í heimi og þykir flestum leyfishöfum yfirleitt nógu erfitt að vinna að því á hærri böndunum, en Þorvaldur hefur nú slegið enn eitt Íslandsmetið og er fyrstur hér á landi til að fá viðurkenninguna á 160 metra bandinu.

Vegna þess hversu erfitt er að uppfylla kröfur um sambönd við stöðvar í sérhverju hinna 40 svæða (e. zones) á 160 metrum, er fyrirkomulagið þannig, að boðið er upp á svokallaða “Basic” viðurkenningu” og er hægt að sækja um hana þegar menn eru komnir með staðfestingu á samböndum við stöðvar í a.m.k. 30 svæðum. Síðan eru í boði viðurkenningarmiðar fyrir sérhvern áfanga þar fyrir ofan, þ.e. 35 svæði, 36 svæði, 37 svæði, 38 svæði, 39 svæði og loks 40 svæði.

Þorvaldur var í dag (8. mars) kominn með staðfest sambönd við stöðvar í 37 svæðum af 38 sem hann hefur þegar haft sambönd við (en bíður staðfestingar frá svæði 9). Eins og staðan er í dag, vantar hann aðeins sambönd við stöðvar í tveimur svæðum, þ.e. á svæði 2 og svæði 37. Ljóst er, að sambönd við stöðvar á þessum tveimur svæðum verða “auðveld” samanborið við sambönd við stöðvar í þeim 38 svæðum sem þegar eru í höfn og því aðeins spurning um tíma, hvenær Þorvaldur “loggar” þau.

Fyrir hönd stjórnar félagsins, er undirrituðum sönn ánægja að óska Þorvaldi til hamingju með frábæran árangur sem er á heimsmælikvarða, ekki síst þegar litið er til erfiðrar hnattstöðu landsins með tilliti til fjarskipta í þessu tíðnisviði.

Jónas Bjarnason,
formaður Í.R.A.

Í.R.A. óskar eftir áhugasömum félagsmanni til að annast QSL stofu félagsins. Embættið snýst um að annast útsendingu QSL korta félagsmanna sem berast til kortastofunnar.

Eftirtaldir veita upplýsingar:

Jón Gunnar Harðarson, TF3PPN, fráfarandi QSL Manager: tf3ppn@gmail.com / hs 566-7231 / GSM 664-8182.
Jónas Bjarnason, TF2JB, formaður: jonas@hag.is / hs 437-0024 / GSM 898-0559.
Guðmundur Sveinsson, TF3SG, varaformaður: dn@hive.is / hs 552-2575 / GSM 896-0814.

TF2JB

Þorvaldur Stefánsson, TF4M hefur til sýnis á heimasíðu sinni viðurkenningu ARRL á því að Þorvaldur Stefánsson, TF4M hafi WAS 160m CW.  Við þetta tækifæri færir stjórn ÍRA, Þorvaldi innilegar heillaóskir með þessa viðurkenningu og frábæran árangur á 160m CW.

73

Guðmundur Sveinsson, TF3SG

Vegna snjókomu og óhagstæðrar veðurspár nú í kvöld er fimmtudagsfyrirlestri Halldórs Guðmundssonar, TF3HZ aflýst í kvöld. kv Guðmundur, TF3SG

Halldór Guðmundsson, TF3HZ verður með kynningu í kvöld fimmtudag á digital mótunaraðferðum.  Halldór mun byrja klukkan 20.15 og mun m.a. kynna JT65A úr WSJT forritapakkanumm, notkun, uppsetningu og hvernig QSO fer fram.  Hann mun svo segja frá WSPR ef áhugi er .

73

Guðmundur, TF3SG

Janúarhefti félagsblaðsins okkar, CQ TF, er komið á netið í endanlegri útgáfu.

http://dev.ira.is/wp-content/uploads/2016/09/cqtf_28arg_2010_01tbl.pdf