Alls náðu níu einstaklingar prófi til amatörleyfis sem haldið var á vegum
Póst- og fjarskiptastofnunar, laugardaginn 26. maí í Háskólanum í Reykjavík.
Þeir eru:

Daggeir Pálsson, 600 Akureyri.
Davíð Víðisson, 101 Reykjavík.
Haukur Guðmundsson, 105 Reykjavík.
Hinrik Vilhjálmsson, 200 Kópavogur.
Huldar Hlynsson, 210 Garðabær.
Jón Grétar Borgþórsson, 311 Borgarnes.
Ólafur Örn Ólafsson, 104 Reykjavik.
Sigmundur Karlsson, 112 Reykjavík.
Sveinbjörn Guðjohnsen, 110 Reykjavík.

Stjórn ÍRA óskar þeim til hamingju og býður þá velkomna í loftið.

Próf til amatörleyfis fór fram í Háskólanum í Reykjavík í dag, 26. maí. Alls þreyttu 9 prófið. Allir náðu fullnægjandi árangri, 2 til N-leyfis og 7 til G-leyfis.

Prófnefnd ÍRA annaðist framkvæmd að viðstöddum fulltrúa Póst- og fjarskiptastofnunar. Prófið hófst kl. 10 árdegis á prófi í rafmagns- og radíófræði sem stóð til kl. 12 á hádegi. Um stundarfjórðungi síðar hófst próf í innlendum og erlendum reglum um viðskipti og aðferðum og reglum um þráðlaus fjarskipti, sem stóð til kl. 14. Bæði prófin voru skrifleg en einn próftaki þreytti munnleg próf.

Fulltrúar prófnefndar ÍRA á prófstað: Vilhjálmur Þór Kjartansson, TF3DX, formaður; Kristinn Andersen, TF3KX; Einar Kjartansson, TF3EK; Vilhjálmur Í. Sigurjónsson, TF3VS; Þór Þórisson, TF3GW og Óskar Sverrisson, TF3DC. Fulltrúi Póst- og fjarskiptastofnunar á prófstað: Bjarni Sigurðsson, verkfræðingur. Fulltrúi stjórnar ÍRA á prófstað: Jónas Bjarnason, TF3JB.

Stjórn ÍRA færir Jóni Björnssyni, TF3PW, umsjónarmanni námskeiðsins og leiðbeinendum þakkir fyrir vel unnin störf. Það sama á við um Vilhjálm Þór Kjartansson, TF3DX, formann prófnefndar og prófnefndarmenn, sem sinntu störfum faglega og af alúð. Þá er Bjarna Sigurðssyni, fulltrúa Póst- og fjarskiptastofnunar, þökkuð viðvera í prófinu. Síðast, en ekki síst, innilegar hamingjuóskir til nýrra leyfishafa.

Amatörpróf verða haldin í Háskólanum í Reykjavík, stofu M119, laugardaginn 26. maí 2018 sem hér segir:

10:00 – 12:00 Raffræði og radíótækni
13:00 – 15:00 Reglur og viðskipti
15:30 Prófsýning

Almenn skráning í próf fer fram með tölvupósti, sem senda skal á bæði þessi netföng:

hrh@pfs.is bjarni@pfs.is

hjá Póst- og fjarskiptastofnun, með efnisorðinu “prófskráning”. ÍRA sendir inn lista fyrir þá sem eru skráðir á námskeiðið, sem er nú í gangi.

Eftirfarandi úrræði, annað eða hvoru tveggja og varða lestur, eru í boði ef um þau er beðið með 2ja daga fyrirvara með því að hringja í Villa TF3DX í síma 567 4013.

a) litaður pappír, fölgrænn eða drapplitur
b) stækkun í A3

1) notið einfaldar reiknivélar, sem augljóslega (!!) geta ekki geymt gögn. Engin gögn eru leyfð.
2) hafið með ykkur blýanta, strokleður og reglustiku (!) sem hentar reiknigrafi.
3) endanleg einkunn kemur frá Póst- og fjarskiptastofnun á uppgefið netfang, annars heimilisfang.
4) gætið þess að hvoru tveggja sé greinilega (!!) skrifað.
5) engum rissblöðum er útbýtt, notið auðu hliðar prófblaðanna.

Prófnefnd ÍRA

Nýir félagsmenn ÍRA 20.3.-15.5.2018:

Frímann Baldursson, TF1TB, Selfossi.

Hjálmar Ólafsson, TF9-004, Blönduósi.

Carl Jóhann Lilliendahl, TF3KJ, Reykjavík.

Sigurbjörn Þór Bjarnason, TF3SB, Reykjavík.

Kallmerki, breytingar/ný 20.3.-15.5.2018:

TF1VHF, radíóvitar á 4 metrum og 6 metrum, Álftanesi, Mýrum.

TF8RN, Árni Freyr Rúnarsson, Keflavík (áður TF8RNN).

TF1VHF QRV

Radíóvitarnir TF1VHF fóru í loftið í dag, 12. maí 2018. QRG er 50.457 MHz á 6 metrum og 70.057 MHz á 4 metrum. QTH er Mýrar í Borgarfirði.

Ólafur B. Ólafsson, TF3ML, fjármagnaði og stóð straum af kostnaði við verkefnið. TF1A, TF3SUT og TF3-Ø33 aðstoðuðu Ólaf við uppsetningu og frágang.

Fljótlega verður skýrt frekar frá málinu á þessum vettvangi, en Ólafur segir að í bígerð sé ennfremur uppsetning á radíóvita á 2 metrum.

Ljóst er, að hér hefur verið unnið stórvirki á vettvangi áhugamáls okkar. Stjórn ÍRA óskar Ólafi og félögum til hamingju með daginn.

(Ljósmynd: TF1A).

Félagsaðstaða ÍRA verður lokuð fimmtudaginn 10. maí sem er uppstigningardagur.

Næsti opnunardagur í Skeljanesi er fimmtudagurinn 17. maí.

F.h. stjórnar,

Jónas Bjarnason, TF3JB, formaður.

Mér veitist sú ánægja að tilkynna ykkur um útkomu 1. tölublaðs CQ TF 2018. Það kemur út á stafrænu formi hér á heimasíðunni. Blaðið kemur nú út á ný eftir 5 ára hlé.

Mestan heiður af blaðinu eiga þeir Jónas formaður og Vilhjálmur uppsetningarmaður, TF3JB og TF3VS. Þeim vil ég þakka sérstaklega mikla vinnu við blaðið. Einnig þakka ég öllum höfundum efnis í blaðið.

CQ TF er að þessu sinni 42 blaðsíður að stærð.

73 – TF3SB, ritstjóri CQ TF.

Smella má á vefslóðina hér fyrir neðan:
http://www.ira.is/wp-content/uploads/2018/04/cqtf_32arg_2018_01tbl.pdf

Sigurbjörn Þór, TF3SB, ritstjóri CQ TF.

Frestur til að skila efni í 1. tbl. CQ TF 2018 var til 19. apríl.

Bestu þakkir til félagsmanna fyrir mjög góð viðbrögð.

Stefnt er að blaði sem er 48 bls. að stærð.

Það kemur út 29. apríl n.k.

73 de TF3SB.

Félagsaðstaða ÍRA í Skeljanesi verður lokuð fimmtudaginn 19. apríl

sem er sumardagurinn fyrsti.

Næsti opnunardagur er fimmtudagurinn 26. maí.

Stjórn ÍRA óskar félagsmönnum og fjölskyldum þeirra gleðilegs sumars.

Jónas Bjarnason, TF3JB,
formaður.

Alþjóðadagur radíóamatöra er 18. apríl. Þann mánaðardag árið 1925 voru alþjóðasamtök landsfélaga radíóamatöra (International Amateur Radio Union, IARU) stofnuð fyrir 93 árum.

Einkunnarorðin eru að þessu sinni: „Celebrating Amateur Radio‘s Contribution to Society“.

Aðildarfélög IARU eru í dag starfandi í 164 löndum heims með nær 5 milljónir leyfishafa.

Stjórn ÍRA óskar félagsmönnum til hamingju með daginn.

Bestu þakkir til þeirra sem þegar hafa sent efni í CQ TF.

Áfram verður tekið á móti efni til fimmtudagsins 19. apríl en blaðið kemur út 29. apríl.

Efni sem berst eftir 19. apríl verður til birtingar í 2. tbl. sem kemur út í júlímánuði.

73, TF3SB, ritstjóri CQ TF.

Starfsemi Yahoo póstlista félagins hefur verið flutt á „groups.io“. Nýi póstlistinn er irapostur@groups.io og var opnað fyrir notkun 9. apríl. Félagsmenn (skráðir á eldri listann) eiga að hafa fengið boð um að skrá sig á groups.io

Ákvörðun um breytinguna var tekin á stjórnarfundi í ÍRA þann 4. apríl í ljósi ábendingar frá TF3AO, sem vakti athygli á hnignun þjónustu Yahoo listans. Stjórn félagsins þakkar Sæla gott frumkvæði svo og fyrir að annast flutning listans í nýtt umhverfi.

Yahoo listinn sem nú hefur verið lokað hafði gagnast félaginu í nær 16 ár, en var upphaflega stofnaður af TF5B í október 2002.